غيرت الريداتير وبرده المروحة مش شغالة ! لو سمحتوا الرد
السلام عليكم
الحكاية بدأت فى البنزينة "وطنيه"زهراء المعادى (زى الزفت) الافندى حب يتفلسف
راح فاتح الريداتير من تحت عند الحنفيه" فاتكسرت"
راح شايل الريداتير كله والمياه الخضرا فضيت، المهم راح مركب تانى
وزود مياه عاديه وقالى بكره هتجيبلى الحنفيه اللى اتكسرت واركبهالك
مشيت وبعد مشوار الى الحى العاشر لقيت بخار طالع من الكبوت والمياه عماله تنزل فى كل حته
بطلت العربية وسبتها لما بردت وشغلت تانى وزودت مياه ولكن العداد اكثر من النص والمياه عمالة تنزل مش عارف منين ؟
رحت لواحد بتاع ريداتير الحمد لله كان قريب
قلى المروحةكانت مش شغالة والمياه سخنت وعمات بخار والريتداتير أتخرم من فوق عند العلبة السودا
ولازم تتغير ( حسبنا الله ونعم الوكيل ) ماشى لكن مفيش المقاس بتاع الاكسيل ده (62سم) اللى موجود فى السوق غالباً (60سم)الحل إيه ؟
الراجل قلى مفيش غير انك تغير الريداتير .. بكام ياعم 350 .. وبعد فصال 325 كورى
غير وزى الفل وكله اشتغل والحمد لله
تانى يوم حسيت انى المروحة مش شغاله "يادى النيله"
روحت لكهربائى قلى الفيشة مش متركبه صح فكها وركبها تانى واشتغلت
ومشيت روحت البيت لقيتها مش شغاله..
مش عارف اعمل ايه.. هل التوصيلة فقط .. ولا ايه؟ افيدونى
اسف للإطاله
