انا لا هتكلم على حلبة الفورميلا وان ولا عن القيادة فى البرارى والصحارى ولا عن رالى باريس داكار
انا هتكلم على رالى المهندسين مدينة نصر وحلبة اكتوبر وان بتاعة كل يوم فى حياتنا
كنت راكب مانيوال وبعدين جبت الأوتوماتيك (مع العلم ان فرصة قيادة المانيوال لا تزال متاحة لى)
لا انكر طبعا ان سواقة العربية المانيوال فيها الكثير من متعة القيادة (ليست هنا بصدد الكلام على تحكم اكثر فى سرعة السيارة لأانك لما بتاخد على الأوتوماتيك بتعرف تطلع منه اللى انت عايزه زى المانيوال بالضبط تقربيا ) لكنها متعة انك تلاقى حاجة تشغل فيها إيدك ورجلك الشمال بدل ماهى فاضية وهى فى حد ذاتهة متعة فسيولوجية مثل طرقعة الصوابع والهرش والعبث فى اصابع الأقدام (لا مزاح هنا بالمناسبة)
لكن وحيث ان الحياه فى بلدنا لا تسمح بالكثير من الإختيارات بسبب الزحام وضيق ذات الدي الذى لا يسمح بامتلاك سيارتين واحدة للراحة وواحدة للمتعة وكثير من الإعتبارات الأخرى
فأنا شخصيا لو هختار هختار الأوتوماتيك بلا تردد ، ولو ربنا قدرنى عمرى ما هرجع للمانيوال تانى ، فرق شاسع بين انى اقضى ساعة ونص اسمع راديو واغانى وكل اللى بعمله انى ارفع رجلى من على دواسة احطها على التانية كل ما السكة تفضى قدامى واروح بيتنا وانا لسة بنى آدم ،وبين انى ابقى متعلق بأطرفى الأربعة فى ادوات السيارة ، ايد على العصاية وايد على العجلة، رجل على بلف الهوا ورجل على فصل الحركة ،اللى هو فاضل انزل جوا البساتم علشان امشى العربية واوقفها مع كل تحرك وكل توقف، وارجع بيتنا بواقى بنى آدم ، يغور المانيوال فى القاهرة