الضغط في الكاوتشات الأمامية 29 و في الخلفية 32
و هتلاقى الكلام ده مكتوب على بابا السواق لما تفتح الباب
عرض للطباعة
ايه اقرب مكان فى المعادى اقدر املا الكاوتش ب نيتروجين وبكام الفرده
لأ مكتوب على القائم بس .... وشكرا لصاحب الموضوع على التحذير
بس المشكلة مش فى اعضاء المنتدى ... المشكلة فى الناس اللى معندهاش المعلومة خارج المنتدى
نفس الموقف كان معايا واحد صاحبى اشترى اللوجان وبيشتكيلى من العفشة وانها بتدب .. والعربية بتتزحلق وهى نازلة من الجراج روحت معاه وفعلا كلامة صح
واخدنا العربية اول حاجة روحت اشوف الضغط .... لاقيته 50 وبتاع الكاوتش بيقولنا انتوا ماشيين على قنابل
المهم العربية رجعت للوجان اللى احنا عارفينها بعد ظبط الضغط ... والحاجة الغريبة انه فضل شهرين والكاوتش 50 ومغيرش الضغط :khd:
شكرا لكل الاخوه اللي اتشرفت بردودهم
بس حبيت اوضح بعض الاستفسارات
1- عرف الضغط من باقي الاطارات
2- النصيحه للوجان لاني مهتم لبها ولان الحادث حصل مع لوجان ودي معلومه كانت جديده بالنسبه ليا ومش معناها انه عيب في السياره
3- الموضوع ده للناس اللي ما تعرفش المعلومه دي لعموم الفائده لاني انا شخصيا ما كنتش اعرف الموضوع ده وان التخزين في التوكيل بيخليهم يزودو ضغط الاطارات واتمنى من الاخوه اللي عندهم معلومه واحساس بانها حاجه بديهيه ما يبخلوش بيها لان ماهو بديهي عندك ربما يكون كنز المعرفه لواحد تاني
4- الموضوع للتحذير لخطورة الاثر الناتج عن عدم المعرفه وياريت الجماعه اللي بيستلموا او بيعملوا صيانات ينبهو الناس بتاعة التوكيل علشان على الاقل يحذروا اللي بيستلم .
5- ياريت حد من الاخوه يشرحلي موضوع النيتروجين بس ياريت افهمه بالتفصيل وشكرا
طبعا شكرا ليك فى محاولة التحذير لشيئ مهم زى ضغط الاطارات لانه فعلا بيتسبب فى مشاكل كتير لو متظبتش الضغط
......................
بالنسبة لموضوع النيتروجين فهو افضل 100 مرة من اللهواء العادى على الاقل بالنسبة لى
اهم مميزاته انك بتشترى دماغك ب 20 جنيه للاربع فرد ... ممكن تفضل 3 شهور والضغط زى ما هو ماتغيرش
لكن مع الهواء العادى كل 3 4 ايام تلاقى عجلة مريحة شوية وعايزة تتظبط يعنى حاجة شلل
النيتروجين درجة تمددة داخل الاطار اقل من الهواء العادى وبالتالى الضغط مش بيتغير بنسب كبيرة زى الهواء العادى
.....................................
بتروح لواحد بتاع كاوتش موثوق فيه وليكن بريدجستون ... بيفضى العجل كله من الهواء وبيملى نيتروجين وبتشيك عليه كل شهر وعادتا بيكون الضغط متغيرش
واى استفسار تحت امرك
انا روحت لبنزينه موبيل النهارده عشان اتأكد من ضغط الكاوتش
لاقيت اللى شغال فى الكاوتش جايب جهاز حديث بتاع نيتروجين
قولتله عايز اضبط الكاوتش
قالى تضبطه نيتروجين ولا اكسجين
قولتله هو اللى فيه دلوقتى اكسجين
المهم قولتله خلاص فضى الاربع عجلات من الهوا وانفخ نيتروجين بقى
المهم سألته على ايه الفرق ما بينهم
قالى الفرق كبير
ان النيتروجين بيخلى الكاوتش حلو فى المطبات والمشى عمومآ
وان العجل مش بيريح بسهوله يعنى ممكن كل 3 شهور تتأكد من ضغط الكاوتش
وبيوفر فى البنزين !!
وقالى هتحس بالفرق ان شاء الله
وقالى كمان فى ناس كتير معندهاش ضمير اما بيفضى امبوبة النيتروجين مش بيملوها
فيدخلو خرطوم الهوا العادى ويملوها اكسجين .. ناس معندهاش ضمير يعنى
قالى اصل كل ما الاسطوانه تفضى بتتملى ب 100 جنيه من المنشيه ومشوار وبتاع
يعنى حسبي الله ونعم الوكيل