ايه رأيكم فى البونتياك موديل 1981

**moon75** · 04-07-2010 02:27 PM

السلام عليكم و رحمه الله
اخوانى
انا بدور على عربيه تكون حنينه لان مش معايا فلوس كتير هما يدوب بتاع 12 الف جنيه و لقيت بونتياك موديل 1981 الى هيا هاتش باك و اربع ابواب لقيتها بحوالى 10 الاف جنيه
هل حد هنا يعرف معلومات عنها من حيث الاقى فين قطع غيار و الاقى فين ميكانيكيه بيشتغلو فيها ؟
و هل هيا اختيار كويس و الا لو اشتريتها هاندم مع العلم بانى مش مهتم بسرعه اعاده البيع يعنى لو العربيه كويسه ممكن اخليها معايا كتير هيا بس موضوع قطع الغيار الى قالقنى و مخلينى استشيركم فى الامر دا

**ahmedbeirut123** · 07-07-2010 02:35 AM

جيب 128 حالة نضيفة احسن

التانية مش هتلاقيلها قطع غيار ولو لاقيتها هتكون غالية جدا و مش منتشرة

**moon75** · 07-07-2010 12:37 PM

انا فعلا رحت للشاب الى عامل الاعلان و هو منه لله حاطط على النت صوره جايبها من على النت لنفس الموديل و لما رحت ملقتش عربيه لقيت عشه فراخ

**seaf_sawy** · 14-07-2010 07:59 AM

خدها على 3 او اربعه الاف وهات ليها موتور بتاع شيفروليه نص نقل يخلع امها

**i_Am_Legend** · 14-07-2010 06:25 PM

اجمد تعليق سمعتة فى حياتى.
انا بجد نفسى فى حتة بويك او كاديلاك من بتوع زمان دول وتكون باب واحد وتكون مسقطة مكنة تويوتا او مازدا او اى موتور عفى وناعم ونضيف وتكون رايقة وسليمة من جوة ومن برة تابلوة وفرش وكلة تمام عايز اركب وامش مش بحب اوجع دماغى . وممكن ابدل معاه بال127 1050

**AMA** · 14-07-2010 07:14 PM

يا جماعة قبل كدة شوفت فورد موستانج موديل 1979 أو 1980 مش عارف بالظبط بس كانت شبه دى بالمللى

بس طبعا كانت متبهدله جدااااااااااااا

و كانت عند ميكانيكى جمبه معرض سيارات برضة فى الأزاريطة الراجل دة متخصص أمريكانى فقط لا غير و بشوف عندة أشكال و ألوان كلها عربيات قديمه و شكلها معفن بس لو أتنضفت هتبقى حاجة وهم جدا فبسأل واحد دى للبيع قالى أة للبيع بس مفيهاش ماتور قولتله كدة كدة الماتور حتى لو فيها هيكون دايب دى صاحبها عايز كام دى قالى هيا فيها كل حاجة بتاعتها بس محتاجة ماتور بس و تظبيط بقى فى الفرش بتاع الكراسى و دهان جديد قولتله أة ماهو باين على شكلها روحت قايله يعنى مش محتاجة حاجة خالص غير ماتور قالى أة ماتور بس و أحنا إلى نركبهولك كمان يا عم روحت هزرنا شوية و كدة و قولتله مقولتليش بقى عامله كام قالى عايز فيها 6 ألاف جنيه طبعا أنا سمعت المبلغ و أبتسمت كدة وفرحت بس مش عارف فيه حاجة قبضتنى كدة منها و خصوصا أن البنزين بقى غالى و ممعاييش تمنه ههههههههههههههه قولت طيب ياض ماتركب غاز نزلت أبص تانى عليها عشان أسئل الراجل ملقتهاش عشان تعرفوا أننا نحس بس ههههههههههههه

**meez78** · 27-07-2010 12:55 AM

كتير مننا فاكر ان الامريكانى رخيص وسعره فى الارض وحتخسر فيها والكلام دا كله ، بس انا من واقع اللى شفته مع خال زوجتى ، الراجل دا لو دخلت دماغه تلاقى عربيات امريكانى مابيركابش غيرها ابدا بس 8 سلندرات يعنى بيركب وحووووش وطبعا بيتاجر فيهم ، هو قالى قبل كدا من واقع خبرته ان الامريكانى حالة بمعنى انك لما تحب تشترى مثلا عربية بونتياك فونيكس ممكن تلاقى واحدة سعرها 22000 جنيه والتانية 45000 طب ليه الفرق دا كله ؟؟ ارجع واقول لك الحالة تفرق !! ولا يفرق موديل ولا يفرق كيلومتر ولا اى حاجه غير الحالة يعنى ممكن تلاقى عربية موديل 75 اغلى بالضعف او اكثر من عربية موديل 79 مثلا.
يعنى العربية اللى شافها اخى moon75 ب 10000 جنيه عايزالها حوالى 15000 كمان عشان تبقى عربية ينفع تركبها من الممكن تلاقى عربية زيها مش محتاجه غير مصاريف قليلة وتكون ب 18000 ولو حسبتها تلاقى انها كده مش غالية بالعكس دا انت هتوفر تعبك عند الميكانيكى والارف دا كله.
المهم فى الموضوع انك تكون عارف ميكانيكى متخصص فى الامريكانى فقط وتعرف بتوع قطع الغيار فين . اسف للأطاله.