مساعدة في نقل ملكية سيارة
السلام عليكم يا جماعة
انا دورت في المنتدى على الموضوع ده بس ملقتش حاجة كاملة
الموضوع باختصار ان انا اشتريت عربية لانوس 2 2001 بتوكيل و اللي باعهالي باعها بتوكيل برضه دلوقتي رخصة العربية انتهت و عايز امشي في اجراءات نقل الملكية و الترخيص و اللي انا فهمته من الكلام اللي مكتوب الاتي
1. اطلع شهادة بيانات من المرور اللي تابعة ليه العربية
2. اروح بالشهادة الشهر العقاري و ابيع العربية لنفسي و ادفع الرسوم و اخد العقد المسجل
دلوقتي انا العربية متسجلة مرور ابيس في الاسكندرية و انا رخصتي محرم بيه
من اللي فهمته برضه اني اعمل شهادة مطابقة للعربية من مرور ابيس و اطلع بيها على محرم بيه صح كدة و لا محتاج شهادة مخالفات و فحص فني تاني لان معاد الفحص الفني المفروض مع تجديد الترخيص و لا الكلام ده اعمله في محرم بيك !!!
دي نقطة
برضو عند نقل الملكية في محرم بيك ايه الاجراءات و اجراءات الترخيص و التامين و تسليم النمر و الحوارات دي ؟ و الفحص الفني !!!!
افيدوني جزاكم الله خيرا