صوت مسمار أو شئ مفكوك في الصني

**aiman0173** · 04-07-2010 04:43 PM

يا جماعة في صوت بقاله شهر مجنني في الصني بس النهاردة كان مزودها ، الصوت كأن فيه مسمار مفكوك لما أروح بالعربية شمال الاقيه يدحرج ويجي يمين ويمشي بعرض العربية ويبقى المشي على صاج العربية ولما اروح بالعربية يمين يمشي شمال وبنفس الطريقة.

الصوت انا حاسس انه جاي من خلفي بس مش قادر احدد مكانه وفتحت الشنطة وقلبتها كويس مش لاقي حاجة الغريب اني بحس ان الصوت في ارضية العربية وساعات احس انه فوق دماغي بس في كل الاحوال خلفي مباشرة

هل الموضوع دا مر بحد قبل كده وهل حد عنده فكرة ازاي ممكن اكتشف مكان الصوت أفيدونا يا أهل الخبرة

**MOK3336** · 04-07-2010 06:05 PM

بص في شنطة العربية ممكن يكون فيها عده و لا حاجة و هى ايلي بتعمل الصوت ده
و ممكن كمان يكون مسمار من تبطين الشنطة اتفك او حاجة

**tarekmomo** · 04-07-2010 10:47 PM

لا انا عندى نفس الصوت وفتشت فى الشنطة وملقتشى اى حاجة الصوت دة هيجننى انا كمان ارجو الافادة

**Bishoy.Girgis** · 05-07-2010 12:59 AM

انا ممكن اكون مرجح حاجة لحضرتك .
لو حضرتك كنت بتركب فرش قريب للعربية ممكن الراجل بتاع الفرش نسي مسمار 10 تحت الكنبة الورانية
ابقي شيلها و شوف تحتها ممكن يكون مسمار بيروح يمين و شمال مع حركة العربية
و ابقي طمنا

**aiman0173** · 05-07-2010 04:42 PM

امس خليت ابني يجلس في الكنبة الخلفية ويركز في الصوت فأكد لي ان الصوت صادر من داخل الباب الخلفي يعني واضح ان فيه مسمار أو حاجة اتفكت بالداخل ، ربنا يستر ويكون فعلا الصوت من داخل الباب مش من حاجة تانية

**aiman0173** · 24-08-2010 12:19 AM

النهاردة روحت لمركز السبع علشان صيانة ال 5000 كيلو وكان عندي بعض الملاحظات من ضمنهم الصوت دا واللي كنت فاكر انه من الباب الخلفي وفعلا الجماعة ابتدوا بفك فرش الباب الخلفي وملقوش حاجة فقام المهندس وائل بقيادة العربية وخلى أحد الفنيين يركب ورا وهو لابس سماعة (يعني مش بس الدكاترة اللي بيستخدموا السماعات) وللأسف معرفش يوصل لمصدر الصوت

ومن هنا ابتدت الحكاية وبدأوا يفكوا العربية جزء جزء وانا قلبي بيتقطع وكل شوية يخرج احد المهندسين للتجربة ومفيش فايدة لحد لما الجماعة تعبوا جدا بصراحة (حوالي 3 ساعات في الموضوع دا بس) وهنا لقيت المهندس معتز مدير الصيانة قالي لآزم تسيب العربية لأني هبعت اجيب حد من المصنع يبص معانا خاصة وان العربية مفكوكة وهيبقوا يسلمولي العربية يوم الخميس

وفي هذه اللحظة لقيت المهندس محمد عمر بينادي علينا وبيقولي هتستلم العربية النهاردة ولما سألته عن الصوت قالي لقوا "بلية" أي نعم بلية كانت بتتفسح في العتبة الشمال ازاي بقة البلية دخلت انا عن نفسي مش عارف

معلش طولت عليكم بس ممكن حد يستفيد من الموضوع دا حاصة انهم قالوا انهم واجهوا نفس الموقف من قبل

وعموما حبيت اشكر مركز السبع على الوقت اللي قضوه والتعب اللي شافوه وكمان خلوا الموضوع تكلفته ضمن الضمان ومأخدوش اي فلوس حتى فلوس الصيانة العادية وان شاء الله هبقى اكتب تقرير عن صيانة ال 5000 كم اوضح فيه العناية اللي لقيتها على عكس ما حصل في صيانة الالف كم

اسف على الاطالة وعذرا على عدم تواصلي في مواضيع القسم اليومين دول لضيييييييييييق الوقت

**Bishoy.Girgis** · 24-08-2010 12:31 AM

انا بشكر حضرتك انك طمنتنا علي العربية و الحمدلله انها جاءت حاجه بسيطة و منتظرين تقرير حضرتك عن صيانة 5000 ان شاء الله في اقرب فرصة

**tarekmomo** · 24-08-2010 02:49 AM

متشكر عشان انا عندى نفس الصوت وهبقى اشوف العتب

**WalidAdel** · 24-08-2010 03:08 AM

والله ياباشا انا كنت هقول لحضرتك حاجه تانيه بس طالما اتحلت خلاص
عموما الفرش تحت الكراسي الاماميه في قتحه ممكن اي حاجه تخش منها انا مره كنت بجيب مسامير شويه كده في كيس فحطيتهم ورا علي الارضيه و من السواقه فرامل و كده مسمار وقع فيها حاولت معاه بكل الطرق انه يطلع لحد مازهقت منه و روحت لسروجي فكلي الكرسي و طلعنا فرش الارضيه علشان نطلعه تعبنا في المسمار دا اوي فاخته المخزن عندي و علقته في حيل و علي كمره حديد كده كل ماشوفه لازم لازم اقوم لفه جامد و هابده في الكمره دي اصله فضل معصبني حوالي اسبوعين بحالهم لحد ماعرفة الصوت جاي من فين و حوالي 8 شهور لحد ماطلعته من مكانه او اني اخد قرار اني افك الكرسي

-

الموضوع: صوت مسمار أو شئ مفكوك في الصني

LinkBack

أدوات الموضوع

عرض

صوت مسمار أو شئ مفكوك في الصني - انشر الموضوع فى :

-

-

-

-

-

-

-

المواضيع المتشابهه

خرطوم مفكوك ومش عارف مكان تركيبه

هوه كدة الموتور مفكوك ولا اية؟؟؟؟؟

صوت مكتوم وحاسس العجل مفكوك

الأسبويلر مفكوك

هل ينفع نغير جنوط اللانوس من 4 مسمار الى 5 مسمار

الكلمات الدلالية لهذا الموضوع

المفضلات

المفضلات

ضوابط المشاركة