السلام عليكم يا شباب
انا قبل كدا سألت علي طريق للمنطقة الحره و فيه ناس كتير دلوني علي الطريق اللي من شارع الطيران او من شارع عباس العقاد و بعد كدا اخش من جنب انبي
المشكله اني انا من شبرا و الطريق خد مني انهارده ساعتين رايح و ساعتين جاي و بجد الواحد طهق انهارده
فانا سمعت عن ان فيه نزله من الدرائري للحي العاشر تقريبا و بعد كدا فيه تخريمه للمنطقة الحره
لو حد يعرف يوصفلي الطريق ده بالتفصيل هبأي ممنون ليه بجد عشان انا اتخنقت من الاربع ساعات في العربية كل يوم دول
السلام عليكم ,
معلش انا مش عارف حضرتك هتكون جاى من اى اتجاة انما لو انت جاى من الدائرى من اتجاة طريق اسماعيلية او من السويس و رايح اتجاة مدينة نصر او المعادى هتفضل ماشى لحد ما توصل لأكاديمية مبارك للامن و تكمل على طول لحد ما يقابلك نفق مش هتنزل النفق و تدخل من جنب النفق يمين فى يمين هتنزل ان شاء الله عند الحى العاشر .
يا راجل دا الطريق مش بيزيد عن ساعة الا ربع عن طريق كوبري اكتوبر
بس علي العموم انا مش عارف انت هتطلع الدائري منين وهتبقي جاي من انهي اتجاه
هو علاء قالك لو انت جاي من اتجاه طريق الاسماعليه
وانا هوصفلك لو انت جاي من ناحية المعادي وكارفور المعادي
اول ما تعدي كارفور المعادي علي يمينك المخرج الي بعديه علي طول علي اليمين وهيبقي مخرج 9
هتدخل فيه وهيلف معاك يمين وبعد كده تاخد يو ترن شمال وهتلاقي صنية تلف معاها شمال وتدخل النفق
( الي هتوصله علي حسب وصفة استاذ علاء لو انت جاي من اتجاه الاسماعليه )
بعد كده بقي هتكمل علي طول وهتلاقي الطريق بيلف يمين بعدين صنية تلف فيها شمال وهيبقي في بنزينة علي يمينك
تكمل في الطريق دا علي طول
ونصيحة ما تمسكش الشمال فيه لو عربيتك عزيزة عليك :Oc_sun1[1]:
وهتاخد اول يمين بقي يقابلك وهتلاقي لما تدخل فيه بقيت في مقابر علي شمالك وتكمل علي طول
لحد ما هتلاقي مطب وبعده صنية تلف معاها شمال و تدخل يمين وهتبقي بنزينة وطنية علي يمينك
كمل علي طول بقي وفي مقابر علي شمالك
لحد ما تخلص المقابر وتعديها وتدخل شمال في تقاطع
وتكمل علي طول
كده المفروض تلاقي المنطقة الحرة علي شمالك
وتوصل بالسلامة ان شاء الله
علي فكرة الطريق من ساعة ما تنزل من علي الدائري مش هيكمل 10 دقايق بالظبط
بس هي الوصفة ممكن تبان طويلة علشان حبيت اوضحلك بالتفصيل وعلشان ما تتوهش
سوري انا اتخلبطت
لو انت جاي من طريق الاسماعليه او السويس
زي ما علاء قالك بالظبط
لان النفق الي هو قاله
غير الي قصدي عليه خالص
شكرا جزيلا يا شباب
انا لقيت طريق اسهل اروح بيه للاوتوستراد بدل ما امشي الحته اللي من بعد كوبري القبه لحد كوبري الفنجري اللي واقفه دي
انا لما نزل من كوبري القبه باخد ال U-Turn و امشي طوالي و مخشش علي روكسي ولا حاجة امشي في شارع كدا ضيق شوية بس في خمس دقايق بيوصلي للاوتوستراد قدام طيبة مول و دمتم
و شكرا علي الوصف الجميل ده يا شباب