نفسى اركب فتحة سقف

**Direction** · 04-07-2010 05:04 PM

هل ممكن اركب فتحة سقف فى العربيه انا نفسى اركبه بس مش عارف تكلفته شكلها ازاى وهل حد ركبها منكم؟

**prince2005** · 04-07-2010 09:02 PM

if i were you i would not as you may spoil your car

**tuttoo** · 04-07-2010 11:54 PM

عندي واحد صديقي مركب فتحة سقف اصلي بس مش هتصدق دة غير السقف بحالة عشان دة مجنون بفتحة السقف بكرة هحاول اجيبلك صورهم

**tarek_asem** · 05-07-2010 01:37 AM

مينفعش تركب فتحه سقف لانها مش في الاستركشر بتاع العربيه .. لازم زي ما الاخ قال .. تغير السقف كله .. ومدام هتغير السقف كله يبقى عوضك على الله في اعاده البيع لان لو حلفت لحد على الميه تجمد انك مغير السقف عشان الفتحه مش هيصدقك

**AlGazar2** · 05-07-2010 02:03 AM

المشاركة الأصلية كتبت بواسطة tarek_asem

مينفعش تركب فتحه سقف لانها مش في الاستركشر بتاع العربيه .. لازم زي ما الاخ قال .. تغير السقف كله .. ومدام هتغير السقف كله يبقى عوضك على الله في اعاده البيع لان لو حلفت لحد على الميه تجمد انك مغير السقف عشان الفتحه مش هيصدقك

ممكن تخلى سقف الفابريكة معاك عشان يصدقك و طبعا مش هاتلاقى حد كويس و شغله نضيف يركبلك السقف زى ما بينزل من المصنع الا لو العربية متقفلة فى مصر مش هاتفرق كتير

**AlGazar2** · 05-07-2010 02:04 AM

و لو ركبته قول عشان انا نفسى اركبة برضوا و خصوصا بعد ما شوفت نوبيرا تو بفتحة سقف و عرفت ان الفول اوبشن الى بتجيلنا هيه الاستاندر بتاع بره الى مفيهاش اوبشن بشلن

**ahmedomara00** · 05-07-2010 09:00 AM

يا باشا فيه طريقتين لعمل فتحة السقف :
الاولى : فتحة سقف زجاج فميه معالج بيكون جواه حاجه زى شبكه سلك ، و ده بيجى جديد و تمنه من اربع سنين كان 350 جنيه ، و كان فيه واحد متخصص فيه بميدان التجنيد ، عموما طريقة تركيبه سهله جدا لانه بيقطع فى الصاج بتاع السقف و كمان فى السقف من جوه على قد الزجاجه و الفريم الحديد بتاعها بالظبط ، انا كنت عامل الكلام ده فى عربيه 128 و كانت شغاله كويس و مكانش بيدخل ميه ولا اى حاجه ، التهويه بتاعته بتكون عباره عن فتح الزجاج من الامام الو الخلف مسافة 15 سم لاعلى ، او انك تشيك الزجاج خالص و يبقى منك للسما و ديه طريقة مش عمليه لانك هتضطر تحطه فى شنطة العربيه .
الطريقة التانيه : انك تنزل الوكاله و تشترى فتحة سقف استيراد ، و ديه ممكن تكون بتاعة البيجو مثلا و بتكون جايه مقصوصه من السقف الاصلى و تركيبها بيكون عند السمكرى عن طريق لحام الجزئ الصاج الى حوليها بالصاج بتاع سقف العربيه و بعدين بيترش السقف بالكامل ، انا مجربتش الطريقة ديه لكن فيه ناس جربتها بس كانت اغلبها عربيات قديمه .
عموما انا شايف ان الطريقه الاولى انسب بالنسبه للسيارات الجديده لانها سهلة التركيب و مبترشش السقف ولا حاجه علاوه على توافر قطع الغيار فى حاله كسر الزجاج او تلف الجوان الى بيحكم الميه .