ياجماعه انا عاوز اغسل ماتور العربيه بالجاز لان فيه ترشيح زيت ومش عارف منين
حد جربه قبل كده ؟
بيضر العربيه ؟ولا بيضبطها؟
العربيه اكسيل موديل 95
عرض للطباعة
ياجماعه انا عاوز اغسل ماتور العربيه بالجاز لان فيه ترشيح زيت ومش عارف منين
حد جربه قبل كده ؟
بيضر العربيه ؟ولا بيضبطها؟
العربيه اكسيل موديل 95
في أي بنزينه من 7 - 10 جنيه بس نصيحه خلى العامل يغطي الاجزاء الكهربيه بأكياس بلاستيك علشان متحصلش مشاكل في الدوارة بعد الغسيل مباشرة بالنسبه للاضرار الجاز بيخلى الخراطيم تشقق بس دة عند تكرار الغسيل على فترات متقاربه
شوية بنزين و فوطة و نضفها انت بنفسك افضل من الكومبريسور و الجاز لأن بعد ما تغسل الموتور هتلاقيه عمال يطلعلك في دخنة نتيجة الجاز مع سخونة الموتور و بيخلي الخراطيم تشقق و وجع دماغ
انا عن نفسى باخد معايا جاز فى زجاجة بلاستيك و بدية للعامل و بقولة اغسل بية دى تجربتى انا الشخصية
استخدم جاز ابيض (كيروسين) مش سولار علشان مايلمش تراب ومفيش اي ضرر لو الغسيل علي فترات متباعده وممكن تغطي الخراطيم بكيس بلاستيك .
ياجماعة الجاز كويس مافيهوش مشاكل بس مشكلتة بيضر الخراطيم على المدى البعيد فحاول والراجل بيرش يبعد بقدر الامكان عن الخراطيم
وانا عن نفسى بغسل العربية كل سنة بالجاز وبعد كدة بكمبروسير الهواء والحمد لله مافيش مشاكل وبخلى الميكانيكى هو اللى ينظفها وطبعا عشان العربية عندى انحيكشن فمش بحتاج انى اغطى حاجة بالعكس العربية بحس انها فاقت
بغسلها كل شهر مره بالجاز الابيض
بس اهم حاجة انه بعد مايغسل بالجاز يديها مره بالبريل و الميه و بعدين يشطفها كويس بالميه و بعدين ينشفها بالهواء
الف شكر يا جماعه
انا بغسل موتور عربيتي مره 3 شهور بجيب لتر سولار و عندي في المصنع اللي بشتغل فيه كمبريسور و بغطي الاسبراتير بكيس و فوقيه فوطة و اروق المكنة
و بعد الجاز اظبطها بالهوا لحد ما المكنة تنشف و بسيب الكبوت مفتوح نص ساعة عشان اتاكد انها نشفت كويس