عفريت العربيه.. قرر يرجع تانى.. اه يانى يابا

سلامو عليكو
ازيكم يا شباب
عندى استفسار بالنسبه لفتيس العربيه بتاعتى

انا مغير زيت الفتيس ومظبطه
بس الفتيس بيعصلج كتير.. وخصوصا التالت والمارش..ساعات التالت بيشحر وبيطلع اصوات غريبه.. لازم افضل اعوم بالفتيس لحد ما اعرف اعشق الغيار... وساعات الخامس كمان..
ولو انا على سفر والعربيه ماشيه بسرعه لازم اتك على الدبرياج.. امور واستنى شويه.. وبعدين ادى الغيار اللى بعده.. بس بييجى بيعض برضه
والنهارده قعدت بتاع خمس دقايق عشان اخلى العربيه ترجع بضهرها.. الفتيس مكنش عايز يروح للمارش اطلاااقا.. غير بعد عذاب

انا دايما بدى دبرياج ع الاخر فى اى نقله

عليك وعلي تامر كان مغير مجموعه الغيارات الخارجيه الخاصه بالفتيس قريب ..

اين انت يا تااااااامر

اخى العزيز خلى الميكانيكى بتاعك ياخذ هواء دبرياج لو جمع وبقى جلو تمام ماجمعش غير ماستر دبرياج عمومى فوق وربنا يوفق

بص ياباشا الحوار دة مش هيخرج من حجتين ملهمش ثالث
اولا مجموعة المشغلات دول عبارة عن مجموعة مكونة من 3 تيوش ملتصقين ببعض عن طريق بطن مشغلة وناقلة للحركة ودى متوصلة بمسمار فى اول حوض المتور ممكن تكون ابسط من ما يمكن تكون محتاجة ظبت المشغلات فقط او تغير المجموعة لو بوشت او خوبير العصاية عيزة تتغير لو مبوشة
او ان احدى التروس قد بداء بالتاكل او جابت غوايش ودية ليها حوار تانى وانا بستبعدها

انت روح للمكنيكى خلية يشوف مجموعة المشغلات انا كنت عامل موضوع ومصورها وهى رخيصة استيراد 70 80 ج فى ناس بتبعها باسعار خرفية بس هى سعات بتبوش عايز تكشف عليها هتعمل الاتى هتلقية هى المجموعة قلى طلعة من الفتيس الى الحوض امسك المجموعة من النص مش من التيش وهزها لفوق لو حسيت ببوش جامد يبقا هى السبب وهى اعراض تلفها الغيار الخامس والمرشدير بذات

الصوت دة قلى بيطلع من الثالث عندا ادخالة ولا لما بيطلع عشان الصوت دة ممكن بداية تلف الغوايش وتلحقة من اولها بيتلحم وبيبقا كويس

تمام و انا مجرب الشعور ده على خط 1-3-5 مارشدير
فى اول الفتيس فى مجموعة الغيارات فيه خابور واصل بين المجموعه بتاعت العقربة و عمود الفتيس العمود ده فيه خابور لفه بايدك لف معاك خللى حد جوه العربية يجرب لغاية ما يظبط و هات مسمار طويل و لف عليه حتة شريط لحام و اشحطه جواه و جرب لو تمام روح للخراط يعملك خابور اعمى

انا نادرا حكايه المارشدير اللى بتعلق دي معايا
أحس ان العصايه مش عايزه تروح ناحيه المارشدير ,,,,,,أضطر أجيب أول الأول وبعدين أجيب مارشدير

بالمناسبه حكايه الفتيس دي
من كام شهر وديت العربيه لميكانيكي وخليته يبصلي علي الفتيس ,,,,روحت صليت ورجعت لقيت الفتيس بقه ناعم بطريقه وهم
الفتيس بيروح في أي حته أنا بحدفه فيها وحاجه لوووز ,,,كان بيقولي التيش معووج
إسبوعين بالظبط ورجع عادي زي زمان !!!!

ظبت التيوش 3 عيزة واحد بيفهم شوية هى مش قصة على اد ما هى محتاجة واحد بيشغل مخة هفهمك انت بتفك المسمار الخارجى للمجموعة وتظبت المجموعة من الداخل عن طريق عصاية الفتيس لازم تكون فى المنتصف وريحها النحية المقابلة للغيرات المعقدة عشان تديك مساحة بعد ربط المجموعة المشغلات انك تجيبة بسهولة بدون تعقيد

افادكم الله.. بجد احلى عصابه
هبقا اشوف الحوار ده بس بازن الله لما اخلص اعمال السنه اللى ورايا..
دعواتكم بقا

والله اسمع كلامى و جرب مش هتخسر حاجة و ببلاش
جرب

والله ياجدعان نفسي أتجرأ وأمد إيدي في العربيه زيكو كده
انا أخري أتعامل مع طلمبه البنزين بس
المهم ان الواحد هيتخرج من هندسه ومبيعرفش يربط مسمار