هو أنا كدا هخش الجيش ؟؟!!

**lancerevolution** · 05-07-2010 02:50 AM

انا مش عايز أحبطك بس والدى كان دكتور فى الجيش و لما دخل الجيش كان معاه واحد عنده شلل أطفال قالوله هنقعدك فى مستشفى فى القاهرة جمب بيتك
و كان فى صديق ليا فى الجيش معاه واحد عنده تقوس و ناس مركبة شرايح و قالى كمان فى واحد عنده سكر فى نركز التدريب و واحد صرع دا طلع من الجيش بس عساكر دا غير إن صاحبى أصلا عنده فلات فوت دا كله من منطقة تجنيد طنطا
أهم حاجة تحاول تكشف فى حلمية الزيتون عشان هناك إحتمال كبير جدا تطلع إنما لو أنت تبع طنطا فا للأسف طنطا بتطلع غالبا نظر بس

**lancerevolution** · 05-07-2010 02:52 AM

المشاركة الأصلية كتبت بواسطة mmans

انا خريج صيدلة و هكشف قريب ياترى لو لبست جيش هروح مستشفى بردو ولا هروح الحرب ؟؟؟؟

بالكتير صيدلية فى أى حتة
ممكن تنام فى العيادة روقان شوية

**omar-saad** · 05-07-2010 03:09 AM

اولا خلى تكالك على الله وماتحسبهاش لان الجيش والله عن تجربة مالوش كبير
دا هيبقى نصيبك فى الاول وفى الاخر
خد بالك ان السنادى واخدين كتير اوى مش عارف ليه
انتا اعمل اللى عليك وقدم ورقك كلة وقولهم على كل حاجة بتشتكى منها
وانتا لو هاتكشف فى حلمية الزيتون يبقى احسنلك لان هما هناك كشفهم احسنلك بكتير من المنطقة اللى انتا تبعها
( الكلام دا لو مرشح ظابط)
وحتى لو ماترشحتش ولاقدر الله لبست انتا من حقك تعمل شكوى طبية وتقريبا هاتقدمها فى الحلمية وهناك بيدققوا فى الكشف ولواءات هما اللى بيكشفو عليك مش اى حد
ويارب تاخد الاعفاء لان والله الجيش دة فعلا بهدلة لولاد الناس