تظبيط العداد و الغش في العربيات المستعملة

الموضوع ده شكله بيحصل كتير أوي

جوز أختي من كام شهر اشترى عربية عن طريق الوسيط اسبيرانزا كانت عاملة 35000 كم و موديل مش فاكر كام
المهم حصل فيها حاجة في الميكانيكا راح التوكيل قالوله ان العربية دي من سنتين أخر صيانة كانت عاملة 48000 كم و دي عربية كانت بتتأجر و متبهدلة!!!

من أسبوع واحد صاحبي اشترى ميجان 2006 عن طريق الكونتاكت كارز. العربية كانت عاملة 55000 كم. المهم بعدها بيومين ماشي لقى لمبة الزيت نورت. راح جري على البنزينة يقيس الزيت و يشوف ايه المشكلة لقاه تمام و قالوا الراجل ان سنسور هو اللي بايظ. وداها التوكيل، فقالولوا العربية دي ماشية مش أقل من 98000 كم و ادولوا ورقة بالكلام ده... و صاحبي راح عامل محضر بالكلام ده و يعني بيحاول يرجعها للنصاب اللي كان شكله شيك و بيقول انه موظف في مكتبة الإسكندرية.

يعني شكلها كده سهلة اللعب في العدادات و الغش في العربيات دي

ايون الكلام ده بيحصل والاسوء من كده انك ممكن تشتري عربيه زيرو من معرض بعد ما صاحب المعرض مشي بيها الفين ولا ثلاث تلاف كيلو وبعد كده يصفر العداد ويبيع على انها زيرو

هو اللى غلطان للأسف
كان المفروض يكشف عليها فى الوكيل الاول

عدد الكيلومترات الفعلى مسجل على كمبيوتر العربيه و يتم قرائته بتوصيل فيشة كمبيوتر العربيه بجهاز القراءه الخاص بها و هو موجود فى التوكيل و مراكز الخدمه المعتمده و طالما الواحد قرر يشترى عربيه و يدفع 50 الف جنيه ايه المانع انه يكشف عليها فى التوكيل او اى مركز خدمه معتمد مقابل 200 او 300 او حتى 500 جنيه و يعتبرها اخر خطوه قبل قرار الشراء على الاقل الـ 500 جنيه دول هيوفرولوا الوف الجنيهات لو العربيه فيها مشاكل

الكشف مش غالى كده .. انا كشفت على عربيتى فى التوكيل بتاع منصور بـ 45 جنيه و اكتشفت ان حساس بايظ بيتعمل بـ 2500 جنيه . صاحب العربيه نزل فى السعر (كنا متفقين عليه خلاص) فى الحال 3000 جنيه ,, روحت عملته بره التوكيل بـ 1250 جنيه يعنى التكلفه كانت 1300 جنيه و التوفير 1700 جنيه يبقى الكشف مش غالى , بدا ما اعمل مفتح و انا مش فاهم .. افهم الاول و بعدين اعمل اللى انا عاوزه

شكرا لحضرتك عالتحذير

ارجو تثبيت هذا الموضوع حتى تعم الفائدة

اقتباس:

---

المشاركة الأصلية كتبت بواسطة memo_p910

ايون الكلام ده بيحصل والاسوء من كده انك ممكن تشتري عربيه زيرو من معرض بعد ما صاحب المعرض مشي بيها الفين ولا ثلاث تلاف كيلو وبعد كده يصفر العداد ويبيع على انها زيرو

---

والمشكلة كمان ان الناس بتصدق حكاية العداد ماشية كام كيلو . والناس مش عاوزة تقتنع ان العربية حالة مش عداد . والجميل في ناس بتشوف عربيات حالتها كوسة جدا وتلاقي صاحبها محافظ علي كل حاجة فيها وعاملة عداد رقمة كبير . الناس تقولك بلاش منها
ياريت نخلي العداد دة اخر حاجة في العربية المستعملة . اما الزيرو . ربنا يستر

طيب ما فى عربيات زى الانوس والنوبيرا العداد بيبقى بكر ودة يستحيل حد يعرف العداد الحقيقى للعربية حتى فى التوكيل اعرف ازاى بقة ؟؟

اقتباس:

---

المشاركة الأصلية كتبت بواسطة hanycapoo

طيب ما فى عربيات زى الانوس والنوبيرا العداد بيبقى بكر ودة يستحيل حد يعرف العداد الحقيقى للعربية حتى فى التوكيل اعرف ازاى بقة ؟؟

---

متابع

موضوع مهم جدا .. متابع

ابعد عن التجار وانت تجيب عربيه كويسه اوعي تثق في التاجر حتي لو كان ابوك كلهم حرميه واعتقد ان التجار بس اللي يعملوا الحاجه دي وربنا يستر

انا كنت مقبل على شراء عربية لانوس 2005
و اكتشفت في آخر لحظة ان الراجل منزل في عداد العربية
و المضحك ان الكهربائي اللي بيكشف هوا اللي قالي انه نزلها بنفسه من 170000 الى 70000 كم

ولما سالته ليه عملت كده
قالي: انا بظبط العربية وبرجعها زي الزيرو فمفيش مشكلة اني ارجع عدادها كانها زيرو (كان سعيد اوي بكلامه ده)

و على فكرة
الموضوع مالوش اي علاقة اذا كان العداد بكرة ولا لأ

بص على حالة العربية عامة هل حقيقى حالتها تبين العداد والا لا شوف الدريكسيون هل متاكل وكمان الفرش والارضيات وشوف التبلوة وشوف كرسى السواق هابط والا نظيف والمكنة صوتها حلو والا عالى كل الحاجات دى بتبين

متابع
11111

اقتباس:

---

المشاركة الأصلية كتبت بواسطة hanycapoo

طيب ما فى عربيات زى الانوس والنوبيرا العداد بيبقى بكر ودة يستحيل حد يعرف العداد الحقيقى للعربية حتى فى التوكيل اعرف ازاى بقة ؟؟

---

صح , و العداد كله على بعضه ممكن يتغير بعداد من الحرفيين , و حتى العداد نفسه , فيه كهربائي في الحرفيين لعب فيه و قلله قدامي

ياشباب

فيه واحد إسمه خالد (.....) في الحرفيين
أخصائي عدادت ديجيتال وعادي
بياخد منك العداد بتاعك ..ويطلع فوق لمدة 3 ثواني مش أكتر
وينزل بالعداد وعليه الرقم إلي إنت عاوزه

شوفت بعيني محدش قالي


وبالنسبة للعداد

يارجاااااااالة ...إسمعوا الكلام
العربية حالة ...مش عداد

اقتباس:

---

المشاركة الأصلية كتبت بواسطة al_manara

والمشكلة كمان ان الناس بتصدق حكاية العداد ماشية كام كيلو . والناس مش عاوزة تقتنع ان العربية حالة مش عداد

---

:iagree:
من الاخر دة الخلاصة
انا بصراحة معندسش مشاكل انى اشترى عربية عاملة 200الف كيلو طلما ان حالتها تمام مهو ممكن يكون صاحبها بيستخدمها فى السفر مثلا و بيحافظ عليها زى عينة فالعربية حالة مش عداد و بعدين العربيات اصلا مصنعة عشان تمشى ليوم الدين ان شاء اللة:angel::Ob_mak1[1]:
و كمان عندى مثال ل خالى الى اشترى عربية نوبيرا 2006 و العداد كان عامل 192 و كل الناس قالتلة حرام متجبهاش هترمى فلوسك فى الارض بس هو كان شايف ان حالت العربية حلوة... و دلوقتى هو شغال بيها سفر عاطول و من ساعت ماجبها مبيعملش فيها حاجة غير السيرفيس الطبيعى
بس طبعا مش كل العربيات كدة:funny34d::wheelchair:

العربيه حاله مش عداد وفى ناس كتير جابت عربيات ماشيه 30 و50 كيلو وطلعت ماشيه كتير وملعوب فى عدادها ده غير ان ممكن عربيه تبقى ماشيه 10000 كيلو وعامله حادثه ومغيره نص فى ناس كتير مش فاهمه كده بيجرو على العربيه اللى عدادها قليل ويقولو دى زيرو ويتفاجأو بعد كده بحاله العربيه ياريت الناس تختار صح وتشوف حاله العربيه الاهم من العداد ويكشف عليها فى اى مركز معتمد علشان ميرميش فلوسه فى الهوا ويقول ياريت اللى جرا ما كان

من غشنا فليس منا

اقتباس:

---

المشاركة الأصلية كتبت بواسطة gassarian

من غشنا فليس منا

---

والله العظيم احسن كلمه فى الموضوع ياريت الناس تراعى ان ربنا متطلع على كل شىء وتبيع بضمير وكفيانا غش فى كل حاجة

الكلاام دة بيحصل كتير كل الى بيعملة انة بيشيل فيشة العداد ويمشى براحتة