انا لسه من كام يوم كنت راجع من اكتوبر في الطريق اللي رايح للدائري (مغري جداً للجري) كنت ماشي 120 وماسك شمالي وكان في اتنين سيس بيعدو الطريق ووقفو قبل حارتي واستنو لحد ما جيت قدامهم راحو ناطين قدامي وهما بيضحكو والحمد لله عدت على خير ومكانش فيه حد على يميني وفاديتهم وكان احساسي اني نفسي ارجع بالزمن وادوس عليهم واقف وارجع ادوس تاني وتالت لحد ما اتأكد انهم ماتو ! لانو اما غباء او انتحار وفي الحالتين يتحمل مسؤوليته
بعديها بيوم كنت على الكورنيش وعلى الشمال وفي عائله منتحره (واحد ومراته وشايله عيل) راحو معديين قدام العربيه فجأه بس كان في مسافه شويه فهديت راح جاي واحد سرحان بشيروكي بديفندراته داخل فيا من غير ما يلمس الفرامل وقطعلي الاكصدام وكسر الفانوس وخرشم الشنطه وكبسها لجوه وهو عربيته ماتلمستش وطبعاً العائله المنتحره دب فيهم النشاط وعدو بقية الشارع جري ومشيو ولا كأن في كلب عربيته اتدمرت بسببهم وبتاع الشيروكي نازل يطلع ال100 جنيه المتينه ويقولي بكل ثقه كده يبقى النص بالنص!!!!!!!!!! كنت ناقصه دا كمان وقال جايبلي بلاستر جراحه اقفل بيه الشنطه!!!! تيييييييييييييييييت
والعربيه مركونه لحد ما افضى واروح المشوار التييييييت بتاع الحرفيين
وحسبي الله ونعم الوكيل في كل واحد مش هامه نفسه ولا همه العربيات وفي كل واحد مبيعديش من على ام الخط اللي مش عارفله اي لازمه في مصر وفي كل اللي سايق دبابه في الغابه ومش هامه عربيات الناس ومش متحمل غلطته