مؤشر الحرارة مع مؤشر السرعة

**H_Daim** · 06-07-2010 01:04 AM

المشاركة الأصلية كتبت بواسطة khaled_sabry

هو بشكل مبدئى غير الثرموثتات لأن احتمال تكون الثرموثتات اللى عندك ضايعه
هاتها 68/82 ... كلها ب 15 جنيه و تركيبها سهل و ممكن تركبها بنفسك لو معاك مفتاح 30 بس طبعا تبقى العربيه بارده

و ملحوظه تانيه فى الصوره الثانيه ماتخليش العربيه على اخر تكه من غير ماتدورها لأنك كده بتاكل فى الابلاتين

جزاك الله خير. بس ليه سؤال صغير هوه مؤشر العداد كده في الرينج ما يقلقش وله اول لما يعدي النص لازم اهدي علشان الحرارة تنزل و لو ما نزلتش انزل و ابرد؟

**hobakora** · 06-07-2010 01:29 AM

لا طبعاً
لازم المؤشر ما يعديش النص
لو عدا النص يبقى فى مشكلة.. خلى بالك

**khaled_sabry** · 06-07-2010 02:29 AM

المشاركة الأصلية كتبت بواسطة h_daim

جزاك الله خير. بس ليه سؤال صغير هوه مؤشر العداد كده في الرينج ما يقلقش وله اول لما يعدي النص لازم اهدي علشان الحرارة تنزل و لو ما نزلتش انزل و ابرد؟

كل عربيه و ليها جوها
انا مثلا فى عربيتي العداد نادرا لما بيعدى النص
فى عربيت والدى بيجو 504 العربيه بتبقى فى درجه الحراره الطبيعيه بتاعتها عند النص
فكل عربيه و ليها ظروفها
بصراحه انا ماليش خبره ى 128 بس شكلها غالبا ماتحاولش تخلى العداد يعدى النص

**H_Daim** · 06-07-2010 12:33 PM

المشاركة الأصلية كتبت بواسطة khaled_sabry

كل عربيه و ليها جوها
انا مثلا فى عربيتي العداد نادرا لما بيعدى النص
فى عربيت والدى بيجو 504 العربيه بتبقى فى درجه الحراره الطبيعيه بتاعتها عند النص
فكل عربيه و ليها ظروفها
بصراحه انا ماليش خبره ى 128 بس شكلها غالبا ماتحاولش تخلى العداد يعدى النص

طيب هوه صباع الحرارة اللي في وش السلندر ازاي اعرف انه بايظ او قرأته مش مظبوطة

**H_Daim** · 07-07-2010 09:02 PM

ايه يا جماعة ... هل من مجيب؟

**samirayad** · 07-07-2010 09:36 PM

انا معا حضرتك في تغير الثرموستات و لكن بالنسبة للتاكيهات فهي تسخن العربية وهي واقفة او في البطيء اما في الطوالي فلا اعتقد انها تسخن العربية.

التاكيهات المحمله تسخن العربيه فى أى وقت

وتزود السخونه كمان مع السرعه

جرب تروح للميكانيكى

يريح التاكيهات لوضعها الطبيعى ويراجعلك عليها

**H_Daim** · 07-07-2010 10:08 PM

المشاركة الأصلية كتبت بواسطة samirayad

التاكيهات المحمله تسخن العربيه فى أى وقت

وتزود السخونه كمان مع السرعه

جرب تروح للميكانيكى

يريح التاكيهات لوضعها الطبيعى ويراجعلك عليها

بس الغريبة يا سمورة ان الصبح و انا رايح الشغل مفيش اي سخونة علشان الجو بيقي حلو اما اجارك الله وانا راجع على الساعة 6 كده بتبقى العربية نااااااااااااااار يا مورا نااااااااااااااااار

**samirayad** · 07-07-2010 10:56 PM

بتبقى العربية نااااااااااااااار يا مورا نااااااااااااااااار

ياحلو يامدلع .........

والنبى أنت رايق

**H_Daim** · 08-07-2010 01:08 AM

المشاركة الأصلية كتبت بواسطة samirayad

ياحلو يامدلع .........

والنبى أنت رايق

مش قوي يعني

**powersha** · 08-07-2010 01:29 AM

الحمد لله اشتريت ريداتير نحاس 3 ماسورة اجمالي 38 ماسورة لعربية 128 موديل 1987 بس الغريبة ان السخونة زادت

مش عارف ازاي ريداتير جديد يبقى اسواء من القديم الاصلي الحديد اللي كان فيها. بالتحديد انا مشكلتي مع السرعة و انا جاي من الشغل لاني ساكن في اخر الدنيا في مدينة بدر فبمشي حوالي 90 كيلو من المهندسين الي بدر من خلال الدائري (عارف اني رغاي بس لازم احكي علشان تبقوا معايا) اول لما بوصل الـ 100 كيلو العدادين بيشتغلوا سواء يعني لما ازود سرعة امبير الحرارة بيزيد لحد 3/4 المؤشر و لما اهدي ترجع تاني على 1/2 اما الصبح و علشان الجو بيبقى بارد مفيش مشكلة مع العلم ان الخراطيم جديدة (الخرطوم اللي فوق و كذلك اللي تحت) اما اللي في النص هوه القديم بتاعها بس ما بيقفلش في السرعة زي الميكانيكي ما قالي. بالله عليكم ارجو حل لمشكلتي انا لسه عامل طقم شنبر و الجوانات جديدة و خراطيم جديدة و ثرموستات تعمل عند 90 درجة و حاطط مياة خضرا مش عارف اعمل ايه تاني

يباشا الشكله عندك مش فى الثرموستات لان المروحه بتشتغل طبيعى لما الحراره توصل ل90
يعنى عملت الى عليها
وموضوع ان عدداد الحراره بيزيد لما تزود بنزين ويقل لما تهدى يبقى ساعه الحراره الى بتركب فى وش السلندر مهيسه حبتين
وموضوع السخونه ده ممكن سببه التكهات طلما لسه عامل جوان وش سلندر قريب
روح لمكايكى او واحد متخصص تكيهات يظبطهالك