مؤشر الحرارة مع مؤشر السرعة

**H_Daim** · 08-07-2010 10:32 AM

المشاركة الأصلية كتبت بواسطة powersha

يباشا الشكله عندك مش فى الثرموستات لان المروحه بتشتغل طبيعى لما الحراره توصل ل90
يعنى عملت الى عليها
وموضوع ان عدداد الحراره بيزيد لما تزود بنزين ويقل لما تهدى يبقى ساعه الحراره الى بتركب فى وش السلندر مهيسه حبتين
وموضوع السخونه ده ممكن سببه التكهات طلما لسه عامل جوان وش سلندر قريب
روح لمكايكى او واحد متخصص تكيهات يظبطهالك

اذن بأذن الله انهاردة هاجيب ثرموستات و ساعة حرارة و مياة جديدة و اوافيكم بألخبار

**tamer_a7** · 08-07-2010 01:11 PM

طبعا لازم كنت تظبط التاكيهات بعد طقم الشنبر ما تجيبش حاجه غير لما تظبط تاكيهات الاول خساره هتدفع فلوس علي الفاضي

**H_Daim** · 08-07-2010 11:36 PM

المشاركة الأصلية كتبت بواسطة tamer_a7

طبعا لازم كنت تظبط التاكيهات بعد طقم الشنبر ما تجيبش حاجه غير لما تظبط تاكيهات الاول خساره هتدفع فلوس علي الفاضي

فعلا دفعت فلوس على الفاضي. وعلى فكرة الخراط اللي ركبلي الصبابات ظبط التكيهات و مفتوحة شوية كمان علشان السخونة هوه قالي كده.

**mohamed9999** · 13-07-2010 12:14 PM

http://www.nilemotors.net/Nile/152309-a-5.html
http://www.nilemotors.net/Nile/143024-128.html
الموضوعين دول هيفدوك حاول تقراهم وبعدين قلنا عملت ايه

**mohamed9999** · 13-07-2010 12:21 PM

دى صوره لامبير الحراره بتاع عربيتى

ودى صوره لامبير حراره عربيه عضو معانا كان بيشتكى من الحراره ولينك الموضوع انا حططهولك

بالنسبة لعربيتى انا ماشى بيها على كدا عادىطالما مبيوصلشى للاحمر او يقرب منه عادى

**H_Daim** · 13-07-2010 03:29 PM

معرفتش بقا ايه هيا الضفدعة

**aYaBooY** · 13-07-2010 06:16 PM

المشكلة كدة ممكن من كذا حاجة
اولا عداد ال128 يفضل يكون في التلت الاول له و ده علشان العربية ديه بتتلكك علشان تجيب جوان
غير صباع الحرارة الي راكب في الوش
اعمل اختبار جوان الوش
فك الكوعة اتاكد انها مفيهاش سدد نتيجة الاملاح
اتاكد من جودة عمل الطرمبة مع السرعة
اتاكد برده ان المياه بتتقلب كويس في الريداتير
و اخيرا ربنا يعينك على مشوار بدر

**H_Daim** · 03-08-2010 11:25 PM

المشاركة الأصلية كتبت بواسطة ayabooy

المشكلة كدة ممكن من كذا حاجة
اولا عداد ال128 يفضل يكون في التلت الاول له و ده علشان العربية ديه بتتلكك علشان تجيب جوان
غير صباع الحرارة الي راكب في الوش
اعمل اختبار جوان الوش
فك الكوعة اتاكد انها مفيهاش سدد نتيجة الاملاح
اتاكد من جودة عمل الطرمبة مع السرعة
اتاكد برده ان المياه بتتقلب كويس في الريداتير
و اخيرا ربنا يعينك على مشوار بدر

انهاردة بس عرفت ان الموضوع ممكن يكون جوان وش السلندر لاني كالعادة العربية سخنت قوي فركنت و قولت ازود مياة فالعربية بطلت فدخلت ادور و زودت بنزين جامد فلاقيت فوران جامد في المياة و المياة بتخرج بكثافة من الراداتير فقولت استشير اخواني قبل ما اقدم على تغير جوان وش السلندر.

**aYaBooY** · 04-08-2010 12:40 AM

اعتقد كدة جوان بس برده اتاكد من موضوع ظبط التكيهات

**H_Daim** · 18-08-2010 12:36 PM

يا جماعة السلام عليكم اولا و رمضان كريم ثانيا

انا خلاص هاتجنن مش عارف اعمل ايه تاني انا قولت لكم اخر مرة انا رايح اغير جوان وش السلندر فبعد ما غيرته لاقيت الحرارة زي ما هي فترحت تاني للميكانيكي قالي لازم نحل تاني و نقشط الوش و نراجع على التكيهات. فخدت الوش ورحت بيه عند الخراط, فالخراط شاف الوش و قالي هوه مش مقفع اوي هوه فيه ربع ملمم. المهم قالي هانقشطة و نظبط التكيهات قولتله ماشي فهوه بيحل قالي الكامة ديه فيها ركبتين بايظين فلازم تغيرها, رحت جبت واحده استيراد و الخراط ركبها وكله تمام. اشتريت 2 جوان وش سلندر و جوان مانفول و جوان تكيهات و الميكانيكي قفل و الفاجعة العربية بتسخن. انا خلاص هاتجنن بقول للميكانيكي و العمل؟ قالي العيب ده في الريداتير يا بيه! قولت له تاني ما انت قلت كده من الاول و جبت واحد جديد 3 ماسورة نحاس قالي ده خامته وحشة!!! قلت له طيب نجيب واحد نجرب بيه و لوطلع نفس العيب قالي يبقى الوش بايظ !!!!!!!!!!!!!!!! فالحل يا اخواني قبل ما الميكانيكي ده يخيلني اغير الماتور!