مشكلة البنزين اتحلت

**kamello2003** · 04-07-2010 11:32 PM

السلام عليكم ي نيسانويه
انا احب احكي تجربتي مع مركز السبع المعادي
انا معايا صني 2010 auto و كانت بتعمل 150 كيلو في الصفيحه والمشكله دي موجوده بسبب الضفيييره المصري و عايز اقول hن انا لفيت علي الثلاث مراكز المعتمده (يونايتيد جروب-مودرن موتورز-السبع) مفيش مركز اعترف بالمشكله غير السبع كله بيحاول يوهمك انك مش عارف تسوق و ان الصني دي محتاجه طريقه فضائيه في القياده !! كله بيقيس السياره علي الكمبيوتر و يقولك السياااره اوووك اوي و ان العيب فيك انته (مفيش سياره ممكن تعمل 150 كيلو في الصفيحه بدوون تكيف حتي لو ايه...متسدقوووش اى حاجه)

بالنسبه لمركز السبع
انا عايز اثبت حق الناس دي علشان حرام المركز دا و الناس الفيه يتساوو باى مركز تاني لنيسان و حقهم و مجهودهم يتساوي بالاقل منهم...نيسان لازم تكافيء المركز دا فعلا لان هو الافضل علي الاطلاق ...انا واحد لف علي جميع المراكز كذا مره عشان انا كنت حالف اني ماسيب مشكله البنزين تعدي علي خير و قلت لازم تتحل في اي مركز,,السبع هما الوحيدون الكشفوا علي العربيه صح مش مجرد كمبيوتر ..فيحاجات فيزيكال لازم يحصل عليها تيست زي البوجيهات وهي دي البتبين فعلا عيب الضفيره المصري (لو البوجيهات مسوده لاااازم الضفيره تتغير)>>انا حاليا في مرحله التجربه بعد تغيير الضفيره و سافرت الاسكندريه و العربيه عملت 224 كيلو في الصفيحه مع التكييف و متوسط سرعات 130-140 و حاليا في التجربه داخل البلد و لسه النتيجه

المهندس وائل بيومي
مش عارف اشكر الراجل دا ازاي ...
انسان صبور و محترم (و بيحب شغله و متمكن ) ...بسم الله ماشاء الله
المهندس وائل فضل معايا في مشكلتي و هو الكان مسئول عن عربيتي و قد ايه تعبته معايه و انسان بيحاول يرضي العميل لاقصى درجه و مبيبخلش باى مجهوود مره و اتنين و تلاته لحد ميوصلك للنتيجه الترضيك فعلا وبتكون نتيجتها واضحه ..مش مجرد كلام يسكتك بيه و خلاص..المهندس وائل طلب ضفيره جديده لعربيتي بعد ما لقي البوجيهات منيله و مسوده..وبعد تجارب اخري للوصول لاحسن نتائج للقياده تم تظبيط رجلاش سلك الاكسيريلاتور مما ادي لسحب افضل و صوت اهدي و استهلاك اقل...سللك الاكسيليراتور كان مشدوووود علي الاخر و دا يؤدي لصوت عالي اوي و سحب مش مضبوط و اسنهلاك عالي لان اي لمسه بنزين بتدي امر غلط و مفاجئ لل TPS

**egypt0777** · 05-07-2010 07:46 PM

الحمد لله

هو موضوع الضفيرة ده منتشر فى الصنى و لا ده حاله فرديه

ولما حايغيرك الضفيرة

حايجبلك برده ضقيرة مصرى
ولا ايه

**kamello2003** · 05-07-2010 10:01 PM

الموضوع مش حاله فرديه خالص..تقريبا معظم موديلات 2010 كده..و الضفيره الجديده بيقولو انها ياباني..حاولت اطلع الفرق بين الاتنين معرفتش بس الجديده لونها رصاصي غامق و القديمه سوداء