من قائد موتوسيكل الى قادة السيارات ..... ارحمونا الله يرحمكم

**2faster** · 05-07-2010 01:37 AM

هئ هئ هئ هئ

صعبت عليا نفسي يا ابو كمال

انت جيت ع الجرح اللي في قلبي

( هو مش في قلبي هو في راسي اللي اخده 4 غرز بسبب الموتوسيكل وايدي اللي متخرشمة )

واخيراااااااااااااا

هههههههههههههههههههه
هههههههههههههههههههه
هههههههههههههههههههههه

طريقتك

كوميدي اوي
تحسس اللي بيقرا انوا عايش اللحظة

**م.محمد علاء** · 05-07-2010 01:38 AM

انا رأيى للأسف مش حتعرف تغير من طبع الناس دي...
و إقتراحي..
إنك ترجعلهم من تاني..و تبقى إنت فى الطرف الأول..
يعني من الأخر..إركب العربيه...وريح دماغك..

**ashrafsadany** · 05-07-2010 01:39 AM

يا كبير كنت جبت جولد ون الى عامل زى الطياره كنت لقيت الناس بتوسعلك ويمشوا حوليك يحرسوك كمان
والله فكرتنى بلمثل الى بيقول من خرج من عربيتو اتجرء عليه كل عبيطو

**SeiffoZ** · 05-07-2010 01:48 AM

المشاركة الأصلية كتبت بواسطة ashrafsadany

يا كبير كنت جبت جولد ون الى عامل زى الطياره كنت لقيت الناس بتوسعلك ويمشوا حوليك يحرسوك كمان
والله فكرتنى بلمثل الى بيقول من خرج من عربيتو اتجرء عليه كل عبيطو

ههههههههههههههههههههههههه ........... ده مثل بجد

؟؟؟

**hossam_nasr** · 05-07-2010 02:03 AM

والله عندك حق فالكلام اللى قلته كله انا كان عندى موتوسيكل و كنت متبهدل على الاخر من المكروباصات و التكسات و الملاكى و المشكلة ان محدش بيحترم و دة غير الهزار التقيل الرزل وكمان انا كان عندى الموتوسيكل دة قبل مالصينى ينزل
ربنا يهدى

**osama.m** · 05-07-2010 02:13 AM

المشاركة الأصلية كتبت بواسطة أحمد كمال

ده حيوان و يستاهل الحرق ...... بس صدقني مش كلنا كده

اكيد مش الكل كدا و الحمد لله بعرف افرق بين البيك الاصلي و المضروب دا حتى الصوت بيبقى باين فية الفرق
ربنا يباركلك في البيك بتاعتك و يبعد عنك اي واحد عنده عقدة نقص و يبعد عني بتوع الدليفري

**adel_2346** · 05-07-2010 02:24 AM

ياترى حضرتك بتعمل كده وانت سايق عربيتك ولا بتراعى الموتوسيكللات الى جنبك

**gazzar91** · 05-07-2010 02:26 AM

طبعاً أنا مع حضرتك يا أستاذ أحمد إن من حقك تمشي بأمان في الشارع و إن لك حقوقك في الشارع زي العربيات بالظبط...

بس أنا عندي رسالة برضه لأصحاب الموتسيكلات...و مش قصدي حد معين والله بس علشان حصلي موقف قبل كده مع واحد بموتسيكل أيام عربيتي (ربنا يقومهالي بالسلامة) و موقف تاني و أنا راكب تاكسي..
1-أرجوك ركب جوز مرايات.
2- أبوس إيدك لو الشارع ضيق و حارة واحدة لو سمحت ماتزنقنيش و تيجي جنبي لأني ممكن أخبط عربية راكنة لأني خايف على سلامتك اللي ماخفتش عليها انت!
3-إذا سمحت لو أنا بقطع شارع علشان أعديه ملاقيكش فجأة على الإكصدام و مكنتك منطورة في وسط الشارع لمجرد إنك مستعجل و ناصح وعاوز تعدي مني و أنا أصلاً بقطع الشارع في أمان الله و إنت عديت من جنبي و جيت قدامي اللي هو مش طريقك أصلاً!!
4-لما يبقى الشارع ماشي باتجاه معين في ملف أرجوك ماتقطعوش بالعرض وتلف عكسه لأن المفروض كنت عملت كده من بدري.
5-لما تبقى غلطان ماتطلعنيش غلطان لمجرد إنك إتعورت و أنا عربيتي بس اللي اتعورت و أبقى أنا غلطان لمجرد إني سليم.
6- إنت ماشي بمركبة صغيرة صعب أخد بالي منها و أنا قافل الإزاز... أرجوك و لع نورك و إديني كلاكس

أخر حاجة خالص.... أرجوك خاف على نفسك و متحطش نفسك في خطر لأني خايف عليك و مش هبقى مبسوط لو جرالك حاجة و أنا شكيت إنها بسببي!!

ربنا يستر طريقنا جميعاً...

في رعاية الله....

**Moe86** · 05-07-2010 02:32 AM

المشاركة الأصلية كتبت بواسطة gazzar91

1-أرجوك ركب جوز مرايات.

3-إذا سمحت لو أنا بقطع شارع علشان أعديه ملاقيكش فجأة على الإكصدام و مكنتك منطورة في وسط الشارع لمجرد إنك مستعجل و ناصح وعاوز تعدي مني و أنا أصلاً بقطع الشارع في أمان الله و إنت عديت من جنبي و جيت قدامي اللي هو مش طريقك أصلاً!!

5-لما تبقى غلطان ماتطلعنيش غلطان لمجرد إنك إتعورت و أنا عربيتي بس اللي اتعورت و أبقى أنا غلطان لمجرد إني سليم.

6- إنت ماشي بمركبة صغيرة صعب أخد بالي منها و أنا قافل الإزاز... أرجوك و لع نورك و إديني كلاكس

أنا معاك تماما فى النقط دى, كتير جدا مابخدش بالى من الموتوسيكل غير بعد ما يعدى من جنبى

**ashrafsadany** · 05-07-2010 02:33 AM

المشاركة الأصلية كتبت بواسطة SeiffoZ

ههههههههههههههههههههههههه ........... ده مثل بجد

؟؟؟

لق طبعآ دا تهييس اصلى اعرف احمد بيه وهوه بسم الله ما شاء الله شخصيه مهيبه يعنى طول وعرض وبدله وكرفته او على الاقل بلنسبالى (158 سم)

فمشمتخيله بعد السينك يركب مكنه غير الجولد ون

الموضوع: من قائد موتوسيكل الى قادة السيارات ..... ارحمونا الله يرحمكم

LinkBack

أدوات الموضوع

عرض

-

-

-

-

-

-

-

المواضيع المتشابهه

يا جماعه ارحمونا يرحمكم الله

يــــــــــــــــــــــا مرور مصر ارحمونا ارحمونا من قلى بتعملوووه فينا حرام و الله

أفيدونى يرحمكم الله

افيدونى يرحمكم الله

الكلمات الدلالية لهذا الموضوع

المفضلات

المفضلات

ضوابط المشاركة