الموضوع: أهم صورة إلتقطت للفضاء بتليسكوب هابل .

المشاركة الأصلية كتبت بواسطة wawoo

شكر يا اخ فاكتوريال على الموضوع و على الصور ..طبعا مافيش شك انها صورة مبهرة للعقول و الالباب ..سبحان الخالق العظيم

انا بس كنت عاوز اصحح معلومة صغيرة بس و هى ان "السنة الضوئية" هى وحدة قياس للمسافة و ليس للزمن
انت تقصد ان المجرات فى الصورة عمرها تقريبا 13 مليار سنة حقيقية و ليس ضوئية و كذلك عمر الكون هو تقديريا حتى الان ب حوالى 13 مليار سنة تقريبا .

و فعلا هذة الصور هى حتى الان اقدم صور للكون و عمرها يدور فى حوالى 500 مليون سنة بعد الانفجار العظيم و هى اقدم صور وصلت لنا عن طريق التليسكوبات الفضائية ..

طبعا العلماء بيتمنو انهم يقدرو يشوفو صور اقدم من كدة و يمكن كمان يوصلو لصور بدايات الانفجار العظيم نفسة فى يوم من الايام ..المهم ان اهمية هذة الصور تكمن فى دراسة العلماء لكيفية تكون هذا الكون العملاق بعد الانفجار العظيم و دراسة الطاقة اللى تتحكم فى هذا الكون العملاق و تتحكم فى تكوينة ..

معلومة برضو احب اضفها للمهتمين بهذة العلوم ان منذو بداية خلق الكون و مع نظرية الانفجار العظيم ..اثبت العلماء من خلال ابحاث الفضاء ان الكون حاليا فى حالة تمدد سريع جدا فى كل الاتجهات و ان المسافات بين المجرات اخذة فى التباعد من خلال دراسة المسافات بينهم ..و كان منذو سنوات يعتقد العلماء ان معدل تمدد الكون بيقل فى المقدرا و دة فى اعتقادهم انة نتيجة ان قوة الانفجار الاول اخذت فى التناقص و الانخفاض ..

لكن المفاجئة اللى اكتشفها العلماء "ايضا من خلال ابحاث الفضاء" ان معدل تمدد الكون و اتساعة بتزيد مش بيقل ..و الحقيقة دى ازهلت العلماء و حيرتهم بشكل كبير ..و البحث جارى الان بكل قوة عن الطاقة الهائلة العملاقة المسؤلة عن المتدد والتضخم السريع للكون بهذا المعدل ..

و هناك نظرية جديدة بالفعل اسمها "الطاقة السوداء" black energy و هى كما يعتقد العلماء طاقة هائلة مسؤلة عن تمدد و اتساع الكون بهذا المعدل ..طبعا مصدر و ماهية هذة الطاقة مازال سر الاسرار بالنسبة ليهم ..

و على فكرة احنا وجدنا ان نظرية اتساع الكون دى مذكور فى القرأن بالحرف و انها اية من ايات الخالق عز و جل و دة من خلال الاية دى ..

- والسماء بنيناها بأيد وإنا لموسعون‏(‏ الذاريات‏:47)‏

يعنى بالفعل ابحاث الفضاء بتعمق فهمنا لكلام و أيات الله عز و جل و الامثلة عديدة على كدة و كل يوم بنشوف اية جديدة من أيات الرحمن من خلال هذة الابحاث و هؤلاء العلماء اللى الله سخرهم لكشف اياتة بالرغم انه ممكن يكون منهم من غير مؤمنين من الاصل..

تبارك الله احسن الخالقين

شكرا على تصحيحك بس m7nsh سبقك

سبحان الله رديت عليه نفس الرد و إتكلمت عن تمدد الكون

المشاركة الأصلية كتبت بواسطة factorialx

إنت طبعا صح
السنة الضوئية وحدة قياس مسافه و ليس زمن

غلطه مطبعية عمر الكون 13.75 مليار سنة

شكراا على التصحيح
ما ينفعش خالص أستخدم السنة الضوئية كوحدة زمن
يعني اقول فوتون من الضوء مشي في الفضاء 13 مليار سنة ضوئية يبقى مدته الزمنية 13 مليار سنه
ده غلط لأن الكون في حالة تمدد مستمر

مثال كإنك ماشي على طريق طوله 100 كيلو متر بسرعه ثابته 50 كيلو / الساعه يعني هتوصل في ساعتين
الفضاء بقى زي طريق طوله مثلا 100 ميلون سنه ضوئية و الفوتون ماشي بسرعه ثابته - سرعة الضوء - بس عقبال ما يوصل هيكون الطريق إتمدد و بقى أكبر من الأول

و أكيد الطاقه و الماده المظلمة من الاسرار اللي لو العلماء قدروا يحلوها هيكون سبق و إنجاز كبير جداا

و الإختلاف للرأي لا يفسد للود قضية بالنسبه لأبحاث الفضاء

سبحان الله ولا اله الا الله

سبحان الله ..
فعلا لو ان الدنيا تساوي عند الله جناح بعوضه لما اعطى الكافر فيها شربه ماء..
وكل الفضااااااااااااااااء ده .. السماء الدنيا اللي هيا كحلقه في فلاه (اي صحراء) من السماء الثانيه
والثانيه ف الثالثه كحلقه في فلاه
والثالثه ف الرابعه كحلقه في فلاه
وهكذا حتى السماء السابعه وهي كحلقه في فلاه من عرش الرحمن

ف ((سبحان الله العظيم))

موضوع جميل وشيق جدااا
شكرا لصاحب الموضوع
هو بلنسبه لموضوع السفر فى الفضاء
انا كنت قريب مقالات عن ال black holes او الثقوب السوداء فى الفراغ
اللى فهمته انها عباره عن تجمع للماده تحت ضغط عالى جدا جدا جدا
لدرجه ان لو مقدار ضئيل جدا منه اتحط تحت ضغط عادى زى ضغط الارض هيتمدد ووزنه هيبقى مئات الاطنان
و ان الثقوب السوداء دى ممن تستخدم للسفر فى الفضاء واختصار المسافات الشاسعه فيه
والله اعلم برده !

سبحان الله

(وَمَا قَدَرُوا اللَّهَ حَقَّ قَدْرِهِ وَالأَرْضُ جَمِيعاً قَبْضَتُهُ يَوْمَ الْقِيَامَةِ وَالسَّمَوَاتُ مَطْوِيَّاتٌ بِيَمِينِهِ)(الزمر:67)

(وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ)

(آل عمران : 133)

الموضوع رائع و التعليقات ممتازة موضوع خمس نجوم و لو فى أكتر

بارك الله فيكم

سبحان الله .. ويخلق مالا تعلمون ... اكيد في هذا الفضاء اللامتناهي فيه مخلوقات اخرى لا يعلمها الا الله تعالى .. اكيد فيه نسخ كتير من الأرض ونسخ كتير من البشر زينا برده بس في مجرات اخري