الحمد لله وبفضل الله استلمت الساجااااااااااا

**vsaga** · 05-07-2010 01:36 AM

الحمد لله وبفضله لسة مستلم الساجا ورايح ارخص بكره باذن الله .. ربنا يحظفها ويحظفنا كلنا من شر الطرق يارب
العربية ما شاء الله جميلة وخاطفة للنظر ربنا يحرصها من العين
انا الصراحة مليش خبرة فى العربيات بس فيها كل حاجة انا محتاجة الحمد لله من اوبشانات واداء وناعمة وماشاء الله بتجرى لوحدها ومفيش اى ملاحظات لحد دلوقتى
غير بس عندى ملحوظة كده غريبة شوية :
باب العربية بحس ان سايب كده مش ماسك نفسه فى الفتح والقفل يعنى افتحه الاقيه فتح كده على اخره مش تقيل كده فهل ده طبيعى ولا فى حاجة مش طبيعيه ؟؟؟
عقبال كل الشباب يارب وادعلنا ربنا يسترها علينا ويحفظنا من شر الطرق اللى كلها اشتباكات دى

**mo7hamedemad** · 05-07-2010 01:46 AM

مبروك يا معلم
بالنسبة للباب هوة كدة
ولو فى اى حاجة علوطل اتصل نصل
سجل معانا بقة
الى كل مالكى الساجا خش وسجل رقمك
وياااااااارب يباركلك فيها ويديك خيرها ويبعد عنك شرها

**gazzar91** · 05-07-2010 01:53 AM

مبروووووووووووووووووووووو ووووووك...
ربنا يباركلك فيها و يديك خيرها و يكفيك شرها و يديمها عليك و على أهل بيتك نعمة لا تزول...
في رعاية الله...

**vsaga** · 05-07-2010 04:59 PM

الله يبارك فيكوا يارجالة وعقبال اللى مش معاه ساجا يبقى معاه ساجا واللى معاها ساجا يبقى معاه جين او برسونا

هاسجل طبعا ياريس والف شكر
بس متهايلى كده يبقى ده عيب مش ميزة ان الباب يكون سايب كده

**mo7hamedemad** · 05-07-2010 07:22 PM

هوة مش سايب كلمة سايب دى كلمة كبيرة
معلش فهمنى انت قصدك اية

**midosalah** · 06-07-2010 02:18 AM

انا بيتهيالى الفرامل بتاعة الباب سايبه
يعنى على سبيل المثال
لو العربية مايلة ناحية الباب والباب اتفتح ومحدش ماسكه يفتح لوحه على الاخر زى العربيات القديمة
اما العربيات الجديدة بيبقى فى فالباب فرامل كده تخليه تقيل ويفتح على مرتين مرة نص فتحة وتلاقي الباب وقف او فرمل كده فى النص ولو زقيته تانى يفتح على الاخر
انا بيتهيألى ان حضرتك عندك عيب بس بسيطة ان شاء الله وتتعمل فى التوكيل
والف مبروك العربية وربنا يباركلك فيها

**vsaga** · 06-07-2010 11:19 AM

تمام يا ميدو بظبط هو ده اللى قصدى عليه فعلا لما بتكون العربية المايلة الباب بيفتح لاخره مش بيكون فيه فرامل
الف شكر ليك ياريس وهاقولهم عليها فى الصيانة