السلام عليكم ورحمة الله وبركاته
ارجو من حضراتكم الافادة
عايز اعرف نقل الفتيس من الغيار الاول الى الغيار الثانى
والثالث وهكذا بيكون مؤشر عداد السرعة لكل غيار
عند كام السيارة لانوس م 99
وجزاكم الله خيرا
عرض للطباعة
السلام عليكم ورحمة الله وبركاته
ارجو من حضراتكم الافادة
عايز اعرف نقل الفتيس من الغيار الاول الى الغيار الثانى
والثالث وهكذا بيكون مؤشر عداد السرعة لكل غيار
عند كام السيارة لانوس م 99
وجزاكم الله خيرا
هوه الموضوع ده ملوش محددات
يعنى لو شد و قرص و كده الاول على 40 و التانى 80 و التالت 120 و هكذا
انما لو ماشى عادى هايبقى الاول يدوبك تحرك بيه العربية و تدى التانى تجيب 40 او 50 تدى التالت و هكذا
و انت و احساسك بماتور عربيتك و صوتوا و تعودك عليها
طيب لوغيرت قبل كدة فيه مشكلة
يا باشا واضح انك جديد فى السواقه ، معلش ، واحده واحده و هتلاقى الموضوع ده انت بتعمله من غير ما تفكر ، و هتلاقى الدنيا سلسه اوى ، عموما نصيحه منى متحاولش تفكر كتير فى الموضوع ده و انت سايق خلى تركيزك على الطريق ، و صدقنى العربيه مش هيحصلها حاجه لو غيرت متاخر شويه او بدرى شويه ، المهم متشغلش بالك بموضوع الغيارات ده و هوه هيجى معاك لوحده ، و هتلاقى نفسك بتنقل فى الوقت المناسب من غير ما تفكر ، و ربنا تستها معاك و معانه جميعا
انا عن نفسى الكلام اللى انت بتقوله ده اعتقد بيكون فيه تحامل كتير على الموتور
يعنى انا لما بقرص و اجرى الاولانى بطلع العربية و بيكون فى حدود 25 و التانى اخره 50 دا لو افتريت بعدين صوت العربية بيعلا جامد و التالت اخره 80 و صوت العربية بيعلا جامد بردو و الرابع لو افتريت اوى اجيب بيه 120
لكن العادى الاول بطلع العربية و التانى 40 مثلا او اقل بحاجة بسيطة و التالت 60 او اقل بحاجة بسيطة و الرابع من 80 الى 90 و ما بعد ذلك الخامس طبعا
ارجو ان لو السرعات اللى انا كاتبها لما بقرص دى قليلة يعنى المفروض العربية تجيب اكتر من كده حد يقولى اراجع على ايه لان ده بيكون اخرها و انا معايا لانوس 2 مو 2002
السلام عليكم ورحمة الله وبركاته
يا جماعه
ديه اخر الغيارات ماشي بس ينفع حد يمشي بالعربيه كده علطول؟
و بعدين اموت واعرف الناس بتعرف تجري فين ده انا كل مشوار 8 كيلو اخده في ساعه
لأ الحلميه :]
يعنى مشوارك ال 8 كيلو فى ساعة ده انت كبيرك الاول و فى افضل الاحيان التانى
انا مرة خدت 500 متر فى نص ساعة و بقيت الطريق كان حوالى 15 كيلو فى 10 دقايق و طبعا اول 500 متر دول كان الاول فقط الباقى كنت جايب اخر كل غيار زى ما الكتاب بيقول عشان اخلص و غرز للصبح
و عادى ان انت تجيب اخر الغيار طالما ما وصلتش للريد لاين و العربية عند 6.5 بتفصل عشان الماتور ما يضربش
ما المشكله بقي ان عزيزه مفهاش ريد زون عشان مفهاش ار بي ام اساسا عشان ديه وان مش تو
بس مشكلتي دلوقتي مبقتش الزحمه للكليه بس دسه كمان بقالهل تفويلتين بتعمل 250:(
حاجه كدا بتاع 7 كيلو في الليتر و المفروض ان الرشاشات سليمه
بس انا حسكت بقي عشان انا مش بفهم في الحجات ديه ولو فتحت فيها حيشتغلوني للصبخ و مش ححتظبط برضه:)
انا بحسد كل واحد عربيته استهلاكها ماشي تمام :):)
طيب الغيار الواحد ممكن نمشى بية مسافة اد اية
زى ما ربنا يقدرك... المهم مثبتش على RPM معين مدة طويلة
MMamdouh
اشكر كل من ساهم بالرد على موضوعى
واخص بالشكر م /MMamdouh
وجزاكم الله خيرا
القيادة الاقتصادية فى البنزين والحفاظ على مكونات السيارة
بيكون النقل مابين rpm من 2500 الى 3000 لفة
والنقل العالى اللي بقولو علية ده يكون من فترة للتانية عشان تفويق المكنة بس ميكونش نمط سواقة وبرضة ميوصلش للنقل على rpm العالي دة
أوقات كتيرة الطريق ما بيسمحش ازود السرعة عن 60 - وساعتها العربية بتكون على الثالث ومش قادر ازود السرعة عشان اديها عزم للغيار الرابع - وباضطر افضل ماشى كده على التالت غصب عنى
هل هذا خطأ على الموتور ..... وما هو التصرف الأمثل فى مثل هذه الحالة ؟
اديها رابع... الرابع بيبداء من سرعة 40 كيلو فى الساعة
MMamdouh
محدش رد عليا ليه يا رجاله
انا دلوقتى اكشف على ايه
ايوة حط رابع و انت ماشى 60 عادى... انا ساعات فى حالات مشابهة بحط رابع على 40
MMamdouh
انا شخصيا الاول لحد 20
الثانى لحد 40
الثالث لحد 60 واجيانا كتير بخليه لحد 50 وبعد كدا بجيب الرابع يعنى الرابع على 60 او لو عايز اريح المكنه ومش مشغل التكييف بجيبه على 50 تقريبا
دا صح ولا غلط ؟؟؟؟؟؟؟؟؟؟
مفيش مشاكل
MMamdouh