مقاطعة اليارس

**naders500** · 21-02-2008 02:27 PM

إحنا لازم نقاطع اليارس شويه عشان ميسقوش فيها بالنسبه لموضوع الاسعار ده.
أحسن الناس دى بتهرج تزود السعر ومحدش رقيب عليها . وعلى فكره متقولوش ان الكلام ده مش فارق معاهم بالعكس دا يفرق معاهم جدا.
يعنى لازم إحنا اللى نضغط عليهم عشان ينزلو السعر تانى.

**goodwave** · 21-02-2008 02:43 PM

انا بحيي حضرتك جدا على الكلام الجامد والموقف الاجمد وكن إزاي ممكن حضرتك تاخد موقف وتصبر علية لغاية ما تحقق هدفك وإنت مبدأك في الحياة " لا حياة لمن تنادي"؟؟؟؟!!!!!!!!

وإن كانت لا حياة لمن تنادي, يبقى توجع قلبك لية وتفضل تنادي؟؟؟

وشكرا

**hazem_khidr** · 21-02-2008 03:42 PM

ولا حيعمل حاجه,
حتقاطع تويوتا و تروح لميتسوبيشي مثلا حتقوم ميتسوبيشي مزوده السعر:)
دا تجاره و عرض و طلب و طالما بتغلي و الناس بتشتريها يبقي عمرهم ما حينزلو سعارها تاني و تويوتا بالذات قليل لما بتنزل تمن عربيه.

**limo** · 21-02-2008 03:47 PM

طب هتقاطع الياريس ونجيب ايه ؟

**Hanan** · 24-02-2008 10:12 AM

انا مثلا كنت عايزة اجيب ياريس half option zero لما ذادت الف و كمان الف تانية امتنعنت عن شراها لأنى اتعظت و يأما هشترى ياريس مستعمل يا حاجة تانية 1600 تستاهل ادفع فيها المبلغ دة زى النيسان
او استنى يمكن حاجة جديدة تنزل او الاسعار تنزل شوية
ساعات كدة بينزلوا خصومات ذى اللى نزلها غبور لما نزل ال Matrix لى 78 الف السنة اللى فاتت.... فاكريين

**GoldenManEye** · 24-02-2008 11:38 AM

البلد بتتحرك ياريس .... بس حركة رأسية!!

**hazem_khidr** · 24-02-2008 03:17 PM

انا مثلا كنت عايزة اجيب ياريس half option zero لما ذادت الف و كمان الف تانية امتنعنت عن شراها لأنى اتعظت و يأما هشترى ياريس مستعمل يا حاجة تانية 1600 تستاهل ادفع فيها المبلغ دة زى النيسان
او استنى يمكن حاجة جديدة تنزل او الاسعار تنزل شوية
ساعات كدة بينزلوا خصومات ذى اللى نزلها غبور لما نزل ال Matrix لى 78 الف السنة اللى فاتت.... فاكريين

المشكله ان فعلا مفيش عربيه تانيه حتي الصني تقدم اللي بتقدمه الياريس.
من راحه و تقفيل ياباني 100% و استهلاك بنزين خرافي و شكل جذاب

**naders500** · 25-02-2008 03:42 PM

المشاركة الأصلية كتبت بواسطة goodwave

انا بحيي حضرتك جدا على الكلام الجامد والموقف الاجمد وكن إزاي ممكن حضرتك تاخد موقف وتصبر علية لغاية ما تحقق هدفك وإنت مبدأك في الحياة " لا حياة لمن تنادي"؟؟؟؟!!!!!!!!

وإن كانت لا حياة لمن تنادي, يبقى توجع قلبك لية وتفضل تنادي؟؟؟

وشكرا

يا غالى دا مش مبدأى فى الحياه ولا حاجه دى كلمه سمعتها وضحكت عليها اوى فقلت يمكن اى حد يقراها يضحك عليها just for fun
وهزودهالك فى التوقيع عشان متزعلش

المشاركة الأصلية كتبت بواسطة limo

طب هتقاطع الياريس ونجيب ايه ؟

هوندا سيتى انا بتكلم على الاوتوماتك انا كنت محتار بينها وبين الياريس بس بعد مغليت اليارس يبقى سيتى
اللون لاسود بتاعها جامد مووووووووت
بس كنت عاوز اعرف 3 حاجات مقارنة باليارس
1-السحب بتاعها 2-العزل يعنى وانت فى العربيه مبتسمعش الدوشه اللى بره
3-الثبات

--------------
برجاء مراعاة عدم استخدام اللون الأحمر فى الردود حيث أنه خاص بالادارة -- مشرف اليابانى

**Noha.M** · 25-02-2008 06:00 PM

السيتي حلوة اوى بس في ناس بتقلق من التقفيل التايلاندى بس بالنسبة للعزل كويس جدا انا ركبتها و العزل فعلا رائع ..بالنسبة للثبات معرفشا اوى عشان بجبناش بيها اكتر من 90 كم بس في ناس اللى كان معاهم الستي القديمة اشتكت من الثبات معرفس العيب دة موجود في السيتي 2008 ولأ بالنسبة للسحب في الاوتوماتيك رائع بس مكناش مشغلين التكيف شتا بأة كل سنة وانت طيب بس السحب عامة كان كويس مافيش منه شكوى خااااااالص