مشروع جميل .... تربية الأرانب

**noble911** · 05-07-2010 05:00 PM

كنت قريت عن الموضوع ده في المنتديات البيطرية
و اللي فهمته من اهل الخبرة ان مشروع الارانب مش حيجيب نتيجة و عائد مادي مجزي الا لو عندك 200 ارنب او اكثر
لكن العروض بتاعت مشروعات الشباب و البطاريات الصغيرة فاشلة تمام لان العائد منها ضعيف جدا و لا يغطي المصاريف و المجهود
ثانيا اغلب عروض المشاريع بتقدم سلالات ارانب مش قد كده و نسب الذكور و الاناث و اعمارهم مش بتكون الصح اللي يفيد مشروعك
الخلاصة اللي فهمتها لو نويت علي الارنب ابدء صح بعد دراسة مع ناس فاهمة و خبرة و من مصادر موثوق فيها و كن مستعد انك تكبر المشروع لو عايز عائد مادي مجزي

**أبو_يوسف** · 05-07-2010 05:32 PM

معلومات قيمة جدا
جزاكم الله خيرا..
بس هي المعلومات دي عن مرحلة الانتاج..
طب وبالنسبة للتسويق أخباره ايه؟؟ بتوزع فين ولمين وازاي؟

**hazemhassan** · 05-07-2010 08:29 PM

انا دخلت فى الموضوع دة وتربية الحمام ايضا كهواية ومشروع ايام الدراسة
واللى كان مساعدنى فى موضوع الارانب خالى لان كان ماجر مزرعة فى القناطر وعامل فيها مشروع الارانب دة وكان بيمدينى بالادوية والبطاريات وكان المشروع مجزى معاه لمدة سنتين او اكثر مش فاكر بالظبط وفى سلالات كتير من الاارانب وكان بيبيع لحم او صاحى بس الموضوع جة فى الاخر واضرب ضربة سودا لدرجة انو بيرمى بتاع 20/30 ارنب فى اليوم (ميت) من امراض او ما شبة بس كان بيدلهم الادوية وعارف الاعراض بتاعت الامراض وفى الاخر ساب المشروع دة من فترة
واللى كنت واخدة منة اشتغلو عندى بس مكنتش جايب كتيرررر
وفعلا ذكر لكل 4 اناث ولما يولدو الذكر لازم يعد مع الانثى يوم لتلقحها واهم حاجة النظافة والاكل فى انواع كتيرة فى السوق بس لازم الارانب تاكل من النوع المتربية علية وميتغيرلهاش النوع فجأ عشان بيحصلهم حاجة مش فاكر بصراحة وطريقة تغير نوع الاكل بتقللل الكمية وتزود من النوع المراد التغير لة ويكون كلة مع بعض مثلا بنسبة 3:1 و2:2 و 1:3 وبكدة اتغير النوع العلف المراد تغيرةواعراض الامراض والادوية التحصين عند تغير فصول السنة او من الصيف للشتة

وبالتوفيق انشاء الله

**pro_samir** · 06-07-2010 03:17 AM

مش عارف الموضوع دة كان بيلح عليا من فترة وكان في حد هنا كاتب موقع مليان دراسات جدوي ،، ولما بصيت علي دراسة جدوي موضوع الأرانب صرفت نظر لأن لاقيت العائد منة مش زي المتوقع خالص

المبالغ اللي مكتوبة في الدراسة كانت قديمة تقريبا بس الموضوع نسبة وتناسب لاقيت انة رأس المال مش هيتكاثر بنفس نسبة تكاثر الأرانب زي مكنت متخيل

دة لينك دراسة الجدوي لو ممكن حد يحطلنا اخر الأسعار بتاع الحاجات اللي مذكورة فية يبقي كتر خيركم