الموضوع: مشروع جميل .... تربية الأرانب

متابع بشده والموضوع انا بفكر فيه من زمان

مجربتش تربية الارانب بس من فترة و احنا بنربربي فراخ و وز و رومي في عشة كبيره عدنا في البيت
الطيور بتاخد خير البيت و متوسط المصروفات اليومية حوالب 2 جنيه من عيش ناشف و علف طيور و امصال و برسيم
بس طبعا مهم جدا تغيير المياه مرتين يوميا و كمان لازم العشة تكون نظيفة و تتكنس كويس كل يوم

ايوه ياريت حد يفيدنا فى الموضوع ده لانى كنت بفكر فيه

عملته زمان اول متخرجت وهو موضوع ممتاز ومش محتاج خبرة كبيرة

ورجع فلوسه تقريبا فى 3 شهور بس اضطريت اقفله لان جالى شغل وكان محتاج تفرغ (الشغل مش الارانب)


الموضوع مش محتاج مكان كبير يعنى ممكن اودة تاخد عدد كبير من الارانب


اللى بتعمله انك بتفتح الجرنال يوم الجمعة وتشوف الناس اللى بتبيع بطاريات (البيت اللى بيتربى فيه الارنب وبيبقى فيه مواسير للمياه وكمان جرار تشده لتنضيف الفضلات ) وبتشترى دكر واحد واربع إناث وبيتباعلهم اكل معين او بتجبلهم اكل اى حاجة


كل المطلوب ان الذكر يلقح الاناث وبتلاقيهم حامل وبيتولودا بعد فترة قصيرة واول يوم تتولد لازم الانثى تتلقح تانى لان ده بيبقى احسن وقت وبتلاقيى الانثى بتلد 7 فى البطن الواحدة وبترضعهم وهى حامل فى 7 جداد


بعد كده بتفصل الصغيرين وتبيعهم لحم والاناث يفضلوا يولودوا بس مش فاكر عمرهم اد ايه

بس لازم تراعى النضافة والمتابعة الدورية وفصل الارانب عن بعض لان لو فى حد جتله اصابة الباقى كله حيححصله


مش متذكر اسعار الارانب والبطاريات بس لو معاكش راسمال يبقى ممكن تبدا من غير بطارية وتقعدهمف ى اودة فاضية وخلاص موقتا


وطبعا محدش يجيب ارنب عادى ويقول اهم يولودوا بعض..لازم تبقى جايبه من مزرعة لان بتبقى معملوهم حاجات معينة قبل متستلمها


نصيحتى برده متتسرعش يعنى متحطش راسمال كبير وحتى لو الموضوع مشى كويس متطمعش لان احتمال الخسارة واردة


فلازم تدير المخاطر كويس


يعنى خلى المشروع يمول نفسه من غير متجيب فلوس من بره بالعكس طلع دايما الفلوس منه واحتفظ بيها


بحيق لو حصل خسارة فى اى وقت متبقاش خسراة كبيرة


ومتستخسرش فى الادوية والكشف الطبى الدورى لانك حتصرف مئات علشان تحافظ على المشروع ككل


وبالتوفيق