بصراحه انا مش من محبي استخدام الكلاكس في العربيه لأني بحس اني عامل زي سواقين الميكروباص انما علشان السواقه عندنا في مصر متميزة بقيت استخدم الكلاكس بهستيريا. اقلها امبارح طبعا الكل عارف البارك بتاع سيتي ستارز الي المفروض محدش يفكر انه يستعمل الكلاكس فيه.
امبارح واحد الله يسامحه كان بيتعمد يقف على اول المطالع الي بين الادوار (طبعا انتو عارفين المطالع بتاعت البارك عامله ازاي زوايا 45 وانت طالع) وطبعا انا واقف لا عارف ادوس فرامل ولا عارف اجمع الغيار وده ولا في دماغه رحت حاطط ايدي على الكلاكس ومشلتهاش الا لما بسلامته اتلح لح واتحرك علشان اعرف اطلع والمصيبه انه مكنش عاجبه اني كنت بدوس على الكلاكس مع ان المسافه الي قدامه كانت اكتر من 3 او 4 متر.
المفضلات