الموضوع: شوية اسعار اكسسوارات من التوكيل

السلام عليكم و رحمه الله و بركاته جميعا

امبارح كنت في التوكيل بغير التيل الامامي و جبتلكم شويه اسعار علي ما قسم ( بضم القاف ) كدة و شوية اخبار

1- اصيبت العربيه عندي بفيروس علبه الدركسيون الملعونه و حجزت واحد هغيرها خلال الاسبوعين الجايين طبعا انا قلت لمهندس الاستقبال اني عايز اغير علبه الدركسيون بصلي و ابتسم في غموض الراجل الخبير كدة و قالي و عرفت ازاي قلتله انا موديل 2008 فاكيد عندي الفيروس بس ممكن يكون كامن بصلي بأمتعاض كدة و قاللي لما نجربها خرج هو و مهندس تاني و بعد شوية رجع و علي وشه ابتسامه غموض برضة و قاللي بصوت واطي علشان العملا ميسمعوش العلبه عايزة تتغير قلتله ماحنا قلنا كدة من الاول و قلتله بس ياريت متبوظشي بعد الضمان بصلي بغموض برضة و قالي محدش اشتكي بعد ماتغيرت قلتله دة في ناس عندنا في المنتدي بياخدوا علبه كل يوم علي الريق فهغيرها و اشوف ايه اللي هيحصل

2- لقيت عندهم gps جديد سألت عليه لقيته ب 2850 من غير الضريبه

3- الفرش عندهم جلد الماني ب 600 جنيه

4- عندي بقليله كدة صغيرة في الكاوتش الخلفي يمين بس من الجنب قلت اسال علي سعر الكاوتش قاللي بريدجستون الفردة ب 650 جنيه

5- الانذار ب 580 و طبعا اقعد يخوفني و يهددني بالويل و الثبور و عظائم الامور لو ركبته برة لحد ما خفت و اترعشت و ارتجفت و قررت اني اركبه عند توكيل كلاريون اللي احد الاخوة هنا ركب عنده للتيريوس

قعدت امبارح من الساعه 12 لحد الساعه 4.30 علشان اغير تيل الفرامل فطبعا ملحقتش اغير علبه الدركسيون بالمرة اخر ما زهقت من القعدة كان معايا مراتي و بنتي فجتلي فكرة جهنميه سيبت مكان الاستراحه فوق و نزلت انا و بنتي تحت وسيبتها عليهم تلعب و تجري لحد ما زهقوا و خلصوا العربيه علشان نمشي لان منطقه اللعب فوق مانت مليانه تراب و البنت اتردمت تراب فيها

مازلت اسعار العماله في التوكيل مبالغ فيها جداااااااااا و مواعيدهم مبقتشي مظبوطة يعني علشان اروح لازم افرغلهم يوم كامل


اسف علي الاطاله