الموضوع: استفسار بخصوص أضواء السيارات على الدائري بالنهار

بعض العربيات الحديثة النور الخافت بينور مع الكونتاكت بتاع العربية

لأن المفروض أن النور مش بس علشان أنت تشوف بالليل و لكن كمان علشان العربيات تشوفك خاصة لو مستويات الرؤية منخفضة بسبب وجود ضباب او اتربة في الجو او حتي وجود غيوم

المشاركة الأصلية كتبت بواسطة ihabchina

همم , انا بالاحظ ان اللي كده عادة بيبقى ماشي بسرعة ثابتة نوعا ما , لكن أفهم من كلام حضرتك ان دي طريقة بعض الناس بتعملها عشان العربيات اللي قدامه تاخد بالها منه ايا كان بقى هو ماشي ازاي ؟

أنا ساعات كمان بأنور النور العالي بالليل في بعض المدن علشان اللي مابيشوفش يشوف أن فيه عربية جاية و يأخد باله و مايقطعش الطريق خاصة المشاة اللي بيستهبلوا او بيعملوا فيها مش واخدين بالهم

المشاركة الأصلية كتبت بواسطة tlrsiap

باشكر الجميع على الإفادة و وضحت الصورة الحمد لله
:)

مع احترامى لجميع الاراء فى الموضوع ده

لو كانت ملاحظة حضرتك فى الصباح الباكر ( مابين 7 الى 9 صباحا )

فده بيكون بسبب ان بعض السيارات بتكون طالعه من الطريق الزراعى او من محافظات زراعيه بتكون فيها شبوره او صقيع من الاراضى الزراعيه فى الصباح الباكر وبيكونو خارجين من بلادهم بدرى جدا ( حوالى 5 الى 7 صباحا )
وغالبا السواق بينسى يطفى النور لما يقرب على القاهره والشبوره تبدأ تكشف


.