مفاهيم باذنجانية..في الأنظمة الصوتية

احم....

النهاردة هنتعرف على اهم الواضيع اللي يتميز بيها الشعب المصري دون عن غيره فيما يتعلق بالصوت في السيارة
و مع احترامي للمفاهيم دي -و طبعا ملهاش اي معنى بالنسبة لي- فهي مطروحة للنقاش و كل واحد يقول رأيه
و بما ان انا اللي كاتب الموضوع فبالتالي هقول رأيي اول واحد

المفهوم الاول: كاسيت الفبريكة و تميز وجوده

و هو الكاسيت الاصلي المعفن الموجود بفبريكة اي عربية , و بصراحة مش فاهم ايه سبب تمسك الناس بالكاسيت ده بالرغم انه دايما حاجة تعبانة زي كلاريون المصنع مصري و تلاقيه ضايع و ملخلخ و زرايره سايبة و اول كلمة تسمعها : اصل ده فبريكتها!! من انه اتعس من اتعس كاسيت شبه محترم في السوق!!
و الكوميدي ان السيارات النضيفة بتيجي بسي دي بلاير بيشغل اوديو بس ولا ام بي ثري ولا يحزنون و لكن التمسك بالحاجة دي بيكون فوق الوصف و تلاقي لو واحد بيركبلك كاسيت يقولك بنظرة كلها طمع : و هتعمل ايه في كاسيت الفبريكة يا بيه؟


المفهوم التاني: مش عايز اقطع في الرف الوراني

طب انا راضي ذمتكم...حد لما ييجي يشتري مستعمل بيبص على الرف الوراني ده؟
و حتى لو بيبص...ايه يعني لما اقطع في الصاج دايرة علشان السماعات...خلاص كده العربية راشة دواخل؟؟


المفهوم الثالث: كل ما تجيب سماعات اكبر يبقى الصوت احلى

و طبعا اللي ما يتسمى ال Gm ده اختراع للهبد و الرزع بالصبات ولا علاقة له بالسماعات
و محدش يعرف انه كل ما تكون الوات بتاع السماعة اعلى يكون مقاومتها اعلى و حمل اكبر من ان الكاسيت يقومها صح
(علشان كده كل ما تروح تركب سماعات 600وات مثلا تلاقي الواد اللي بيركب يقولك خد ال400وات صوتهم احسن) و طبعا هما ولا احسن ولا حاجة بس الكاسيت يقدر يقوم ال400 وات اسهل


المفهوم الرابع: دايما السي دي بلاير صوته احسن من الكاسيت العادي بدون شك

لأ طبعا لأن فيه موديلات كاسيت بيكون تحكمات الصوت فيها تحفة و كمان دولبي سيستم و تطحن مشغلات ام بي ثري كتير قوي


المفهوم الخامس: ثقافة اليبضاوي

اول ما تفكر تركب سماعات تروح تجري تجيب طقم بيضاوي
و بالمناسبة في سماعات دائرية مش محتاجة حفر و بنفس القوة و تركب بمنتهى السهولة علشان تحاقظ على المفهوم التاني


المفهوم السادس: اركب 4 سماعات في الرف الوراني

شيئ ظريف فعلا!! و كمان الواحد يقولك اركب 2 سوني و 2بيونير علشان ياخد مميزات الاتنين و طبعا يبقى الصوت زي صوت الافراح البلدي و متفهمش حاجة


المفهوم السابع: السماعات اللي قدام ملهومش لازمة

يا سلام !! امال مكانهم معمول ليه؟ عياقة؟


المفهوم الاخير: عايز سماعات تديني صوت بيز جامد

عمرك ما هتسمعه جامد من غير صب....امال تفتكر عملو الصبات ليه؟

شكرا يا باشا والله موضوع مهم

انا شخصياً بشوف ان ده هجس كله و مالوش لزمه وان احسن سماعات للعربية هي السماعات الي جت بيها (اعتقد التوكيل بيلعب في الكاسيت احياناً بس مسمعتش انه بغير السماعات كمان) لأن بيبقي توزيعها افضل شئ في كبينة السيارة بالإضافة لمناسبتها لمكنها .من ناحية اخري كفاية صداع بقي ..الواحد نفسه يعيش في هدوء شويه

اقتباس:

---

المشاركة الأصلية كتبت بواسطة Khalid_Mostafa

انا شخصياً بشوف ان ده هجس كله و مالوش لزمه وان احسن سماعات للعربية هي السماعات الي جت بيها (اعتقد التوكيل بيلعب في الكاسيت احياناً بس مسمعتش انه بغير السماعات كمان) لأن بيبقي توزيعها افضل شئ في كبينة السيارة بالإضافة لمناسبتها لمكنها .من ناحية اخري كفاية صداع بقي ..الواحد نفسه يعيش في هدوء شويه

---

و ده المفهوم التاسع:D

ممكن نسمبها برضه:
المفاهيم المهلبية في الأنظمة الصوتية
:)

اقتباس:

---

لمفهوم الاخير: عايز سماعات تديني صوت بيز جامد

عمرك ما هتسمعه جامد من غير صب....امال تفتكر عملو الصبات ليه؟

---

علشان يصدعونا تبقى ماشي في الشارع بامان الله وواقف في اشارة ومشغل ام كلثوم ولا عمرو دياب

وتلاقي واحد جه جنبك في اشارة ومشغل ريكي مارتن وعمال يرزع بام الصب في تماغي

وتماغ الناس وعسكرى المرور بيتفرج عليه زي ما يكون بيتفرج على فرح بلدى في عربية :D

اقتباس:

---

المشاركة الأصلية كتبت بواسطة Powert

علشان يصدعونا تبقى ماشي في الشارع بامان الله وواقف في اشارة ومشغل ام كلثوم ولا عمرو دياب

---

و جه اليوم اللي الناس باقت بتقول ام كلثوم وعمرو دياب (معا , دلالة على الفن الكلاسيكي الأصيل):)

اقتباس:

---

المشاركة الأصلية كتبت بواسطة Ahmed Samy

و جه اليوم اللي الناس باقت بتقول ام كلثوم وعمرو دياب (معا , دلالة على الفن الكلاسيكي الأصيل):)

---

لو مزعلاك ممكن اغيرها نخليها ام كلثوم و شعبان عبد الرحيم :D:D:D

على فكرة انا بحب اسمع عمرو دياب كتير موت بس ام كلثوم
وقتها بيكون بليل بس وانا قاعد مش بعمل حاجة او سايق
ومافيش حد معايا

انا مش قصدي اتريق
اصلهم بيقولوا بكرة ييجي اليوم اللي يقولوا فيه (فييين أيام الأستاذ تامر حسني):)

على فكرة انا غاوي عمرو القديم
بيفكرني بايام الطفولة و الصبا و المصايف و المصايب و الامتحانات
و اول كاسيت اشتريته من فلوسي و أول CD Original هشتريه :)

اقتباس:

---

المشاركة الأصلية كتبت بواسطة Ahmed Samy

انا مش قصدي اتريق
اصلهم بيقولوا بكرة ييجي اليوم اللي يقولوا فيه (فييين أيام الأستاذ تامر حسني):)

على فكرة انا غاوي عمرو القديم
بيفكرني بايام الطفولة و الصبا و المصايف و المصايب و الامتحانات
و اول كاسيت اشتريته من فلوسي و أول CD Original هشتريه :)

---

عمرو يتسمع في كل مكان و زمان وكل اغنية ليها في حياتنا ذكرى

ذكرياااااااااااااااااااات

تمام يا باشا وتسلم ايدك

اقتباس:

---

المشاركة الأصلية كتبت بواسطة Ahmed Samy

انا مش قصدي اتريق
اصلهم بيقولوا بكرة ييجي اليوم اللي يقولوا فيه (فييين أيام الأستاذ تامر حسني):)

على فكرة انا غاوي عمرو القديم
بيفكرني بايام الطفولة و الصبا و المصايف و المصايب و الامتحانات
و اول كاسيت اشتريته من فلوسي و أول CD Original هشتريه :)

---

انا عارف بس بهزر معاك :D واللهي انا كمان عمرو دياب بيفكرني بايام جميلة وحلوة

بعد 50 سنة هيقوله فيين ايام عمرو باشا دياب وشرين عبد الوهاب
وتامر حسنى واحمد فهمي وفريق واما وفريق ام تي ام

"وامي مسافرة وهعمل حفلة بس اوعى تيجي على غفلة" :D:D

اقتباس:

---

المشاركة الأصلية كتبت بواسطة ahmedateya

عمرو يتسمع في كل مكان و زمان وكل اغنية ليها في حياتنا ذكرى

ذكرياااااااااااااااااااات

---

الاستاذ / احمد عطية مشغلك اغنية ذكريات لعمرو باشا دياب :D

اقتباس:

---

المشاركة الأصلية كتبت بواسطة Powert

الاستاذ / احمد عطية مشغلك اغنية ذكريات لعمرو باشا دياب :D

---

بذمتك فيه احلى من كده:rolleyes:

مافيش احسن من عمرو دياب

لا جدال ان مدى خبرتك فى موضوع الصوتيات واسع جدا وعندك فيه خلفية علمية تحترم

لكن طبعا انت عارف ان اى مشروع بيتعمل (واقصد بمشروع هنا اى مجموعة من الأعمال مثل تغيير النظام الصوتى للسيارة ، او اصلاح سباكة المنزل ، او تأليف ونشر كتاب ...الخ) بيكون له اكثر من جانب

جانب فنى، وده حضرتك افدتنا بالكثير فيه

وجانب مادى، يشمل ما سأنفقه من اجل هذا المشروع وهل يساوى العائد منه (ودى بتختلف من شخص لأخر ، يعنى فيه واحد تمثل له درجة نقاوة البوم والتس اللى طالعة من الووفر والسماعة والتويتر قيمة اكثر من اى مبلغ هتصرف على نقاوة الصوت، وفيه واحد اخره يسمع نشرة الاخبار وبالتالى الووفر والتوتير ميفرقوش معاه خالص)

وجانب له علاقة باستغلال الموارد، يعنى هل انا شاب فى مرحلة الانسجام مع الحياه اكثر ما يهمنى من شنطة عربيتى هو حجم الووفر الذى تتسع له، ام انى رب اسرة يهمنى من شنطة عربيتى ان تاخد عربة الطفل واكياس البقاله، او مثلا هل زيادة امكانيات الصوت تمثل بالنسبة الى الاهمية التى تستدعى ان اتخلص من بطارية السيارة ذات ال45 أمبير بتراب الفلوس لكى اشترى اخرى 80 امبير تتحمل ما اضفت للسيارة من احمال وما سيستتبع ذلك من شراء دينامو اكبر ، غالبا سيكون استيراد، بدلا من ديانمو السيارة الجديد لكى يلاحق على متطلبات الشحن العالية

وجانب اجتماعى، يتمثل فى تفضيل الكثيرين ممن تعبوا حتى دفعوا ثمن السيارة فى الحفاظ على حالتها كما هى دون فك او تركيب فى مكوناتها الأساسية ودون دخول لمبة القطع الحارقة الى صالون السيارة الجديدة ذات ال100 ألف جنيه لكى تنتزع من لحمها ، بالنسبة لهم فإن هذا اهم كثيرا من زيادة الإماكانيات الصوتية ولا علاقة له بالباذنجان او اى نوع آخر من انواع الخضروات

واخيرا وليس آخرا الجانب الأخلاقى، فهل يحق لى لكى استمتع بالموسيقى التى احبها ان ازعج من حولى بسماع نغمات صاخبة ذات ترددات مؤذية لآذانهم دونما استئذان، ام انه يمكن ان استمع لموسيقاى المفضلة اما فى مكان يسمح بذلك فى اوقات الرحلات مثلا ، او باستخدام الانظمة الصوتية المحدودة كسماعات الأذن ، وهذة بدورها لها ما لها من الإنجاز التكنولوجى الذى يحسن الإمكانيات الصوتية

وهكذا يا اخى يمكنك ان تستوعب فكرة ان كل واحد له اعتباراته ، ولولا اختلاف الأذواق لبارت السلع ، فمن حقك ان تهتم بنقاء البوم والتس طالما لا توذى بذلك الآخرين، لكن ليس معنى ذلك ان كل من يهتم باعتبارات اخرى فى سيارته غير البوم والتس انه يكون...................باذنجان

وللا إيه؟

سبعاوى فكرنى بفؤاد المهندس فى برنامج ( مش كده ولا إيه )
اللى كان بيجى فى الراديو الساعة 7:55 صباحا
فكرتنى بتفيدة

اقتباس:

---

المشاركة الأصلية كتبت بواسطة sab3aawy

لا جدال ان مدى خبرتك فى موضوع الصوتيات واسع جدا وعندك فيه خلفية علمية تحترم

لكن طبعا انت عارف ان اى مشروع بيتعمل (واقصد بمشروع هنا اى مجموعة من الأعمال مثل تغيير النظام الصوتى للسيارة ، او اصلاح سباكة المنزل ، او تأليف ونشر كتاب ...الخ) بيكون له اكثر من جانب

جانب فنى، وده حضرتك افدتنا بالكثير فيه

وجانب مادى، يشمل ما سأنفقه من اجل هذا المشروع وهل يساوى العائد منه (ودى بتختلف من شخص لأخر ، يعنى فيه واحد تمثل له درجة نقاوة البوم والتس اللى طالعة من الووفر والسماعة والتويتر قيمة اكثر من اى مبلغ هتصرف على نقاوة الصوت، وفيه واحد اخره يسمع نشرة الاخبار وبالتالى الووفر والتوتير ميفرقوش معاه خالص)

وجانب له علاقة باستغلال الموارد، يعنى هل انا شاب فى مرحلة الانسجام مع الحياه اكثر ما يهمنى من شنطة عربيتى هو حجم الووفر الذى تتسع له، ام انى رب اسرة يهمنى من شنطة عربيتى ان تاخد عربة الطفل واكياس البقاله، او مثلا هل زيادة امكانيات الصوت تمثل بالنسبة الى الاهمية التى تستدعى ان اتخلص من بطارية السيارة ذات ال45 أمبير بتراب الفلوس لكى اشترى اخرى 80 امبير تتحمل ما اضفت للسيارة من احمال وما سيستتبع ذلك من شراء دينامو اكبر ، غالبا سيكون استيراد، بدلا من ديانمو السيارة الجديد لكى يلاحق على متطلبات الشحن العالية

وجانب اجتماعى، يتمثل فى تفضيل الكثيرين ممن تعبوا حتى دفعوا ثمن السيارة فى الحفاظ على حالتها كما هى دون فك او تركيب فى مكوناتها الأساسية ودون دخول لمبة القطع الحارقة الى صالون السيارة الجديدة ذات ال100 ألف جنيه لكى تنتزع من لحمها ، بالنسبة لهم فإن هذا اهم كثيرا من زيادة الإماكانيات الصوتية ولا علاقة له بالباذنجان او اى نوع آخر من انواع الخضروات

واخيرا وليس آخرا الجانب الأخلاقى، فهل يحق لى لكى استمتع بالموسيقى التى احبها ان ازعج من حولى بسماع نغمات صاخبة ذات ترددات مؤذية لآذانهم دونما استئذان، ام انه يمكن ان استمع لموسيقاى المفضلة اما فى مكان يسمح بذلك فى اوقات الرحلات مثلا ، او باستخدام الانظمة الصوتية المحدودة كسماعات الأذن ، وهذة بدورها لها ما لها من الإنجاز التكنولوجى الذى يحسن الإمكانيات الصوتية

وهكذا يا اخى يمكنك ان تستوعب فكرة ان كل واحد له اعتباراته ، ولولا اختلاف الأذواق لبارت السلع ، فمن حقك ان تهتم بنقاء البوم والتس طالما لا توذى بذلك الآخرين، لكن ليس معنى ذلك ان كل من يهتم باعتبارات اخرى فى سيارته غير البوم والتس انه يكون...................باذنجان

وللا إيه؟

---

السيد سبعاوي
لا شك انني اتفق مع كلامك منذ البداية حتى جملة ''وفيه واحد اخره يسمع نشرة الاخبار وبالتالى الووفر والتوتير ميفرقوش معاه خالص)''

ولكن يبدو انك لم تقرأ جيدا الموضوع و جدتها فرصة لإبراز مواهبك الادبية على حساب الغرض من الموضوع اصلا واعذرني ولكني شعرت انها الحقيقة للأسباب الاتية:

الموضوع مدرج اصلا في قسم الصوتيات يعني بالعربي الفصيح ان من سيستعرضه سيكون في الاصل مهتم بما يختص بالصوت و الاضافات الصوتية عالية التقنية للسيارات و بالتالي فإن ذوي الاهتمام بنشرة الاخبار او سماع ''الست'' ليسوا مستهدفين بالمرة بهذه الافكار ولا ايه؟؟

و انا بحاول اوضح ان ''اللي عايز الدح.....ميقولش أح'' و اسف للمثل
وان على الراغبين في امكانيات صوت عالية الاداء الاستغناء عن مجموعة من المفاهيم البالية القديمة التي قد تشكل عائقا في بناء النظام الصوتي

و هناك مداخلة ايضا:
‏'‏'لمبة القطع'' !!!!! واضح ان فكرة حضرتك عن القطع محدودة نوعا ما
فهذا النوع من القطع اندثر منذ عصر الديناصورات

كما ان العربية ام 100الف جنيه لا يعيبها ان يقطع رفها الخلفي و لم اجد احدا يشتري سيارة و قد بخس من سعرها علشان مقطوع في الرف للسماعات البيضاوي
كما ارجو منك عدم ذكر متطلبات كدينامو و بطارية مليون امبير عندما تحاول تشوييه فكرة تركيب جي ام
فهذه المتطلبات تكون لأنظمة خرافية يتعدي ثمنها الالاف و سوف اقوم بشرح هذه الاضافات عند الحاجة لذلك فلا داعي لأن تعطي تصور خاطئ عن هذه التركيبات

كما اني لا استسخف بكون ان احد يريد استغلال الشنطة للبقالة او لقتل احدهم و اخفاؤه فيها ,لكنني اريد ان اوضح ان وضع صب ووفر بصندوقه في الشنطة سيشغل مساحة لا بأس بها يجب وضعها في الاعتبار

و لو قرأت مواضيعي لوجدتني اتحدث عن نظام من1000ج حتى زي ما انت عايز و كل واحد حسب ميزانيته ولم و لن اسخر من احد لضعف ميزانيته و احاول ان اخدم الجميع.....فأرجو الا تظهرني بمظهر مصاص الدماء الذي لا يهتم الا باستنزاف ميزانيات الاخرين

و البعد الاخلاقي دي تتوقف على كل واحد و ذوقه و تربيته
و لما اكون واقف في الزحمة بوطي مراعاه لمشاعر الاخرين و بعللي زي ما انا عايز و انا بجري.........ولا يمنع ان فيه ناس معندهاش دم كتيييييير وده في جميع المجالات من اول اللي بيرمي عليك و انت سايق للي بيرمي زبالة في المنور في نص الليل

و اخيرا......الموضوع ده غير موجه لمن هم في شتاء العمر او من يستهويهم الهدوء فلم ار احد العجائز مثلا مركب بوازيك و صبات ؟
و هم اكيد لم و لن يهتموا بهذا القسم من البداية
و اكيد برضه لو قصدوني هساعدهم على قد متطلباتهم

و انا واعي بمتطلبات الكل و اكيد مش فاهم ان كل الناس غاوية اللي انا غاويه

و انا موجود برضه العشاف ال''ست'' و كمان البوم و التيس

و شكرا لمداخلتك

أحمد عطية - سبعاوى
الموضواضيع دية هايلة ومعلوماتها صدقونى صعب تلايقيها فى إى منتدى عربى تانى وعن تجربة - وأنا عن نفسى أستفدت كتير جدااااااااا وعرفت حاجات كنت صعب جدا أعرفها لوحدى
ومش شرط أنى مهتم انى أركب عدة والعكس صحيح - الكلام دة معرفتة مش هتضر بالعكس ممكن تفيد فى أوقات كتير.
أحمد أنت عامل شغل جامد وضيفت للمنتدى معلومات كنا محتاجنها أنا وغيرى - كفاية أنى دلوقتى ممكن أتكلم فىالصوتيات وكأنى خبير بالنسبة لناس كتير - عى الرغم من انى لحد دلوقتى عندى عدة بدائية فى العربية
وعلى ما أعتقد أن المواضيع دية لو مش مهمة مكانشى اتعمل ليها قسم خاص داخل غرفة ثم غرفة لوحدها ودة أنجاز وأول منتدى عربة فية قسم خاص للصوتيات فى العربيات - ودة حاجة تحسب لنايل موتورز ولآحمد عطية
سبعاوى - أنت كمان أغنيتنا بمواضيعك الثرية فى الميكانيكا والأدب - بس مش كل حاجة ميكانيكا يعنى الأمر ميخلاشى من بعض الروشنة- أحنا عايزين أحمد يطلع إللى عندة كلة لأن معلوماتة غنية فعلا وكمان مبيبخلشى على حد خالص بالمعلومة

والله كلام زى الفل

شكـرا يابوحمـيد علي المفاهيم البتنجانيـه في الاجواء المسقعـه دي :D

اختلاف الرائي .. لا يفسد للود قضية !!

أختلف الازواق لبارت السلع ;)

اقتباس:

---

المشاركة الأصلية كتبت بواسطة ahmed_3omda

شكـرا يابوحمـيد علي المفاهيم البتنجانيـه في الاجواء المسقعـه دي :D

اختلاف الرائي .. لا يفسد للود قضية !!

أختلف الازواق لبارت السلع ;)

---

على ايه بس يا عمنا ... و صدقني ده مش اختلاف في الرأي على قد ما هية فزلكة