التكييف كان تبريدة ضعيف المهم فكيت الكويل واتغسل واتنضف واتشحن بقي تمام بس المشكلة ان الموتور اتخنق شوية مع التكييف مش عارف لية مع انة في الاول قبل التنضيف كان مش بيتخنق ابدا مهما كانت العربية محملة والتكييف شغال ممكن حد يقوللي السبب
عرض للطباعة
التكييف كان تبريدة ضعيف المهم فكيت الكويل واتغسل واتنضف واتشحن بقي تمام بس المشكلة ان الموتور اتخنق شوية مع التكييف مش عارف لية مع انة في الاول قبل التنضيف كان مش بيتخنق ابدا مهما كانت العربية محملة والتكييف شغال ممكن حد يقوللي السبب
هي عربية حضرتك نوعها ايه وكام سي سي؟؟
لانسر 92 بطة 1300
من الطبيعي ان التكييف يحمل علي الموتور شوية وتحس ان العربية مخنوقة والسحب اقل من الاول
ده كله شيء طبيعي انك تحس بيه بالذات للعربيات اللي اقل من 2000 سي سي
بس مكنش التاثير ده ظاهر قبل كدة
متابع ومستني الردود
والله اعلم وده تخمين بس مش اكتــــــــــــــــر
هل ممكن لو فيه شحن زايد او مش مظبوط....بيتقل الكومبريسور ويخلليه يقاوم الدوران ويتقل العربية؟؟؟ وهل الصنايعي حط زيت وللا لأ؟؟؟ ممكن ميكونش الزيت كافي فالكومبريسور خشن ورزل
بص يا باشا اصل هو في الاول كان عايز يحط فريون 134 وانا عندي12 فقلتلة مينفعش طبعا فطير الفريون فرحت لواحد تاني فشحن من غير ميحط زيت علي اساس ان الاول حط فهل دة معناة ان الفريون لما يطيروة الزيت بيطير معاة ولا بيفضل في الكباس
مش شرط الزيت يطير مع الشحنه
الا لو فكيت الكباس
على العموم اللى عندك شحن زياده
والله ياباشا ده انت اللي تقوله....يعني لو كان فرغ الفريون مرة واحدة وانت سمعت صوت الهسسسسسسسس وكان عالي يبقى غالبا الزيت طلع معاه اما لو فرغ بجهاز يبقى غالبا لأ
عموما في كل الاحوال لازم الزيت في الحالات دي يتفرغ ويتقاس ويتملى من تاني عشان تبقى فالسليم بدل المشاكل دي....وحذاااااااااااااااااا ااااااار مليون مرة من تبديل الفريون لأن ده مشكلة ومحدش هنا بيعمله كما يجب واللي هوه انه يشحن شحن كامل عادي ويفرغ 3 مرات
متشكر يا جماعة علي الاهتمام وهشوف الموضوع عند بتاع تكييف تاني وشكرا:36_1_40[1]:
فعلا انا غيرت البوجيهات والسيور وفلتر الهوا وكلة بقا تمام
تمام يا ريس
الحمد لله طلعت المشكلة كلها شحن زيادة فرغنا شوية شحن والتكييف رجع تمام من غير خنق الموتور والسحب رجع عادي تاني وشكرا لكل من اهتم