هل للكومباوند تاثير على البوية الميتالك؟ وهل بيستخدم لتلميع كل السيارة ام الاجاء المخدوشة فقط؟وما هى افضل طريقة لاستخدامة؟
عرض للطباعة
هل للكومباوند تاثير على البوية الميتالك؟ وهل بيستخدم لتلميع كل السيارة ام الاجاء المخدوشة فقط؟وما هى افضل طريقة لاستخدامة؟
مش بينفع للاسف مع الالوان الميتاليك
اصل انا جيبت علبة علشان عندى لون عربية طلع على البوية عندى بدون خدوش .....جبتة بس علشان يزيل اللون .دة صح؟؟
اة كدة ممكن مفيش مشكلة.
كل اللي هتحتاجة قطعة قطن كبيرة وتحط عليها الكومباوند وتصنفر بة اللون اللي في عربيتك.
طيب لو جية على البوية السليمة بتاعتى هل لية تاثير؟؟؟؟؟؟؟؟؟
لا ملهوش تأثير باذن الله، زي ما قلت لك هو مش بيقدر يسيح الدهان الميتالك.
يعنى هو اصلا مش بيقدر يسيح الدهان الميتالك...جميل.....معنى كدة ممكن استخدمة كملمع لكل اجزاء السيارة بعد الغسيل ولا لا؟؟؟؟؟؟؟؟وشكرا يا اخ نادر على زوقك
الشكر لله يا اخي
مينفعش ملمع للعربية لانة ملهوش خواص التلميع ... لو عاوز تلمع هات واكس.
الله ينور عليك .....نورت المحكمة ....انا قصدى يعنى الخرابيش الناتجة عن التراب وغيرهم من الحاجات البسيطة كنظافة يعنى...شكرا
جرب هو مش هيبقى لة تأثير ايجابي جامد لان ادهان ميتاليك بس على الاقل مفيش تاثير
سلبي ... على فكرة الواكس بيحمي دهان العربية من الخدوش والخرابيش الصغيرة اللي
انت بتقول عليها.
بعد ماتغسل عربيتك ممكن تستعمله في تلميع العربيه
انا بلمع بيهم الفوانيس و النيكل
حرب هاتلاقيها رجعت زيروووووو
لو عايز حاجه تلميع....
روح لبتاع البويات قله عايز كومباوند تلميع
سعره مش هيزيد عن 5 جنيه.....انا شايفه شغال كويس
اما اللي بيزيل الخدوش احسن هات حاجه نضيفه
احسن حلجة للخدوش و الخرابيش من غير ما تضحكوا عليا
البوليش المصري العفش ابو 3 جنية قوي جدا
و عامل زي الرمل في الخامة بتاعت
و المستورد ابو 30 جنية و لا لية لزوم
بص يا باشا ,الكمباوند ده عامل زى الصنفرة يعنى فكرته أنه بيشيل طبقة رقيقة جدا من على سطح البوية بتاعت العربية, وهو بيشيل اثار الاحتكاكات والخدوش السطحية فقط يعنى الخدوش الى مش محفرة فى دهان العربية وطبعا بيدى لمعة كويسة للعربية, بس طبعا متفرطش فى استعماله زيادة عن اللزوم ,علشان زى ما قلتلك قبل كده هو عامل زى الصنفرة , يعنى قوامه عتلاقيه عامل زى الجبس أو الاسمنت الابيض لما تخلطه بالماء بس طبعا على أنعم كتير , روح لأى واحد بتاع حدايد وبويات وقله عاوز كمباوند, هتلاقيه فى حدود 4 جنيه , وهتلاقيها علبة بلاستيك لونها دهبى وغطائها أبيض وهات بالمرة كمان بوليش تلميع , وده هتلاقيه فى حدود 5 جنيه , البوليش بقه ده استعمله زى مانت عايز هتلاقيه بيدى لامعة كويسة للعربية. وعلى فكرة مش فارقة حكاية اللون ميتاليك ولا عادى لأنى زى ما قلت الكمباوند ده عامل زى الصنفرة فمش فارق بوية ميتاليك من بويه عادية.
شكرا لجميع الاخوة على المساعدة والرودود الجميلة دية
طب بكدة أنا بلمع العربية بنفسى ولا أروح لبتاع الدوكو احسن - وهل ممكن أعملها مثلا كل شهر
لو عملتها بالكومباوند كل شهر مش هتلاقى دهان العربيه بعد سنه
و خاصه عند Sharp edges
لأ كتير أوى كل شهر بلاش تخليه بالمده خليه عند الحاجة , وبلاش عمال على بطال. أستعمل البولش أو الواكس ولمع بي زى ما أنت عاوز أنما الكمباوند خليه وقت اللزوم
طب دولت مفيهمشى مشكلة والواحد ميخفشى منهماقتباس:
البولش أو الواكس
لأ مفهمش مشكلة ان شاء الله واستعملهم زى ما أنت عاوز
الكمباوند له تأثير سلبى على البوية الفرن والميتاليك
ومحتاج لصنايعى حتى لايكشف البوية ويصل للبطانة - حيث أنة يزيل طبقة خفيفة من البوية وبعدها يتم التلميع بالبوليش
فعلا الكومباوند ليه تأثير على الدهان و الموضوع ملوش علاقة بالميتالك او الدهان الالوان العادية
لايجب تلميع السيارات ذات دهان الميتاليك الفرن بالكمباوند لأنه يتم رش طبقة رقيقة من الورنيش وهو الذى يعطى لمهة البويةالميتاليكر
وبأستخدامك الكمباوند أنت كدة بتصنفر طبقة الورنيش وبتزيلها
الكمباوند يستخدم لتلميع السيارات الدوكو العادية - فهو يزيل أول طبقة رقيقة من البوية فتصبح زاهية ثم يتم تلميعها بالبوليش ليعطى الشمع الموجود بالبوليش لمهة للبوية مرة أخرى
ومع أحترامى الشديد لجميع الزملاء - يمكن بعضهم أختلف علية الفرق بين البوليش والكمباوند
ولكم كل أحترامى