السلام عليكم

شوفتوا اللي حصل معانا من شركة الكهرباء في طنطا
الحكاية و ما فيها ان احنا جبنا شقة من حوالي 4 سنين و طبعا عداد الكهرباء كان باسم شخص و المياه باسم اخر المهم قعدنا في الشقة شوية من غير ما نحول عداد الكهرباء باسمنا لحد ما في يوم العداد اتشال فجأة فرحنا دفعنا كل اللي كان على العداد من قبل ما نشتريها و نقلنا العداد باسمنا و ركبنا واحد جديد نوفي
المهم من حوالي اسبوع جاي داخل الشقة ( مش اقامة دائمة فيها ) شميت رائحة الحاجة اللي في الثلاجة علشان كانت الكهرباء قاطعة بسبب ان البهوات اللي في الشركة رفعوا العداد علشان علينا مديونية
و روحت انا و والدتي للشركة الناردة علشان امبارح راحت تدفع شهر 4 و 5 و احنا اصلا كنا دافعين 6 فقالوا لها لا انتم عليكم مديونية حوالي 600 جنيه باسم صاحب العداد السابق و برقم فرعي من العداد المهم رحنا النهاردة و اخدت جميع الوصولات المسددة جميعا و فيها مدون اسمنا بعد التغيير اللي تم في شهر 7 2007
اول حاجة روحوا اكشفوا على رقم العداد دة طلع بتاعنا و فيه واحد رقم فرعي باسم الشخص الاخر
طيب يا جدعان انتوا مش عايزين تاخدوا ليه 4 و 5
لما تدفع ال 600 جنيه الاول
طيب انا مش تبعي المديونية دي
لا ملناش دعوة
شوية كدة وبعدين دة انتم محملين على عداد تاني
يا سلاااااااااااام يا عبد السلام امال العداد اللي مركبينه لانج دة ايه و انتوا اللي ركبتوه
قالوا لي لا احنا ركبناه صح شوفوا انتم عملتم ايه
يعني ايه عملت ايه هو انا كنت باخده في جيبي و انا ماشي مثلا

و هكذا
و خلاصة الموضوع ان احنا دافعين كل الفواتير اللي كانت بتجيلنا على استهلاكنا من الكهرباء و برضوا طلعوا علينا مديونية على شخص احنا منعرفهوش و على عداد فرعي و لازم ندفعها


اعذروني انا مش عارف احكي كويس بس حرام لما تبقى دافع اللي عليك و يتحمل عليك حاجات متعرفش جت منين ولا ليه و لا ازاي