كنت عايز اعرف ازاى اروح من القاهره للعين السخنه
عرض للطباعة
كنت عايز اعرف ازاى اروح من القاهره للعين السخنه
انا اسف اقصد من العاشر الى السخنه
السلام عليكم ,
ان شاء الله حضرتك تنزل طريق الاسماعيلية لحد الشروق و تدخل الشروق و تنزل على طريق السويس و تفضل ماشى فى اتجاة القاهرة لحد ما تقابل مطلع الطريق الدائرى و تدخل الدائرى فى اتجاة المعادى و تفضل ماشى هتلاقى يفط لطريق العين السخنة الجديد و توصل بالسلامة ان شاء الله
او فى طريق بس مجربتوش شخصيا
تنزل من العاشر فى طريق اسمه الروبيكى بيطلع على طريق السويس فى نصه تقريبا و تكمل للسويس و تنزل شمال على العين السخنه
ده ممكن يكون اقصر بس معرفش وصله الروبيكى دى نظامها ايه
لو استخدمته طمنا عليك و على الوصله :)))
بلاش طريق السويس النقل فيه رخم
خد طريق الاسماعيلية لحد الدائرى واطلع الدائرى فى اتجاه المعادى وانزل نزلة طريق العين السخنة مباشرة
ربنا يخليك
هجربه المره الجايه ان شاء الله لو رايح الصبح
]ده سؤال صعب
معرفش طول وصلة الروبيكى كام
بعد كده طريق السويس هتمشى فيه حوالى 70 كيلو (يزيدو شويه ممكن)
بعد كده حسب انت عايز تروح فين فى السخنه ... السويس للزعفرانه حوالى 80-90 كيلو و كلهم عليهم قرى و شواطئ
وصلة الروبيكي أطول شوية من وصلة الشروق بس ماتنساش انك بتوفر المسافة من العاشر للشروق و بعدين من الشروق لطريق السويس
الافضل تأخد وصلة الروبيكي من العاشر من رمضان و بعدين تطلع طريق السويس و تلف أول يوتيرن و ترجع كأنك رايح علي السويس
كمل علي طول في أتجاه السويس و بعد بوابة السويس خد الطريق الدائري حول السويس هايطلعك علي اول طريق السويس / السخنة (عند ميناء الادبية بالظبط)
فيه كمان طريق تاني :
- ممكن بعد ماتطلع من طريق الروبيكي تكمل علي طريق السويس / القاهرة بعد مدخل مدينة بدر بحوالي 5.5 كم هتلاقي يوتيرن شمال (قبل ماتحصل مدخل مدينتي)
-لف من اليوتيرن ده هتلاقي طريق يمين ينزلك علي طريق القطامية / السخنة عند مصنع الاسمنت بس طول الطريق ده حوالي 23 - 30 كم
انا فعلا رحت من الطريق ده
و انا راجع من العين السخنه عديت على السويس و طلعت من السويس على القاهره
قبل القاهره بحوالى 50 كم وجدت يافطه مكتوب عليه العاشر من رمضان
سالت واحد كان واقف بعربيته على اول الطريق قالى ده طريق الروبيكى
توكلت على الله و مشيت منه ودى ملاحظاتى عليه
1. الطريق بينجز جامد حوالى عشرين كم .
2. الطريق فى انوار فى اوله حتى مزلقان و بعدين مافيش انوار لمدة تقريبا 5 كم و بعدين فى انوار بعد كده ( على فكره
هو احسن من طريق السويس فى كده لان طريق السويس مافهوش انوار )
3. يعيب الطريق فقط انه فى بعض المطبات و بعض اجزاء من الطريق متكسر شويه ( مش كله)
4. ما شوفتش ولا عربيه نقل على الطريق و دى حاجه كويسه
على العموم انصح اى حد يمشى من بس ياخد باله من الطريق اول مره يعنى
وعلى فكره انا كنت ماشى فيه الساعه 10 باليل
الحمد لله على سلامتك و شكرا للمعلومه
حضرتك تاخد طريق الاسماعلية لحد الشروق وتدخل الشروق تطلع على طريق السويس وتاخد اول يوتيرن وبعديه بشوية فيه طريق المحاجر ده قبل الروبيكى فى اوله كارتةبيكون فاضى تماما هتاخده على طول لحد ماتوصل لصينية هاتكمل بعدها وتخش من تحت وصلة كانها كوبرى وبعد كدة تاخد شمال تطلع على طريق العين السخنة الجديد وده اقصر طريق لحضرتك من انك تاخد الدايرى او توصل للروبيكى
ارجو ان الوصف يكون سهل