استفسار عن الكورولا 2010

**zamalkawy_6** · 05-07-2010 08:48 PM

السلام عليكم يا شباب انا كان عندي استفسارين لو سمحتوا
انا ان شاء الله هستلم بكرة كورولا 2010 و كنت عايز اعرف ايه احسن شركة تامين اتعامل معاها؟ هما قالولي في تويوتا ايجيبت ان مصر للتامين عندهم مكتب جوا التوكيل و التوكيل بيتعامل معاه دايما و كده , فعايز اعرف هل الشركة دي كويسة و ليها مصداقية و لا ايه النظام ؟ مع العلم ان في واحد صاحبي بيقولي كلام مش كويس عنها و انهم بيتاخروا في الدفع و حاجات كده و بيقولي الشركات الاجنبي زي AIG و ِAlians احسن من الشركات المحلية فكنت عايز اعرف منكوا هل الكلام ده صح و لا ايه و لو في شركة تامين احسن ايه هيا؟
تاني استفسار بخصوص الضمان... انا كنت عايز اركب سماعات نضيفة زي مثلا بيونير او كينوود فكنت عايز اعرف لو ركبتهم هل ده هيخرج العربية من الضمان ؟ و لو بيخرجها اعمل ايه عشان اركب سماعات او حتى كاسيت حلو من غير ماخرج من الضمان؟
و الف شكر يا جماعة و اسف للاطالة

**kemo0o** · 05-07-2010 11:39 PM

بانسبة لموضوع شركة التأمين ... شركة مصر للتأمين اللي بتتعامل مباشرة مع التوكيل محترمة جدا جدا وكمان انت ما بتدفعش فلوس اصلا يعني يادوبك لا قدر الله لو حصل حاجة بتودي العربية وهما بيعملوها ويتصلوا بيك تستلم انا كنت مامن معاهم اول ما جبت العربية 2008 بس دلوقتي مش مأمن

موضوع الضمان والسماعات .. الكلام ده لو سبب مشكلة في الضفيرة هتخرج بره الضمان وطبعا السماعات مش هتعمل حاجة خالص ولا الكاسيت فركب وانت مطمن عادي جدا جدا ومحدش بيتكلم بس اللي تركب عنده يكون نضيف وبلاش موضوع تجريح الاسلاك بس

والف مبروك وربنا يديك خيرها ويكفيك شرها يارب