اغلب المصريين عايشين تحت خط الفقر مافيش حاجه فى ايديهم يعملوها غير الصبر
موظفين عمال فلاحين عاطلين شباب كتير متخرج ع القهاوى قاعدين
احنا كده وهانفضل كده كل حاجه فى البلد بقا ليها تمن محدش فاضى يساعد حد فى الزمن ده
عرض للطباعة
اغلب المصريين عايشين تحت خط الفقر مافيش حاجه فى ايديهم يعملوها غير الصبر
موظفين عمال فلاحين عاطلين شباب كتير متخرج ع القهاوى قاعدين
احنا كده وهانفضل كده كل حاجه فى البلد بقا ليها تمن محدش فاضى يساعد حد فى الزمن ده
مادام فضفضة فانا هاتكلم ومش هايهمني واللي يحصل يحصل
( ضربو الاعور علي عينو )
اولا السرقة بقت علني عيني عينك
الافتراء زاد : تلاقي ضابط شوربة والله ماتسنضفش تقف جنبو من ريحته اللي مايعلم بيها الا ربنا وبيكلمك بتناكة
ليه في ناس هوايتها ان هي تحرق دمك او تعصبك ولما تتنرفز او تخش شمال في حد يزعل ( يزعل او يتفلق او يتحرق بجاز )
ليه اسلوب الفهلوة موجود يعني الفهلوي اللي فاكر نفسو بيفهم في كل حاجة وهو اصلا فاضلو 2قرن + 1 ذيل مستورد
ليه واحد هربان من الجيش يجي مذيع تييت ويقول علية نجم الجيل
انت مين اللي قاللك ان ده نجم اصلا وانتمين ولا الثاني مين علشان تفرضو علي جيلي
انا لو شوفتو في الشارع هاديلو قلم ميري وهو اكيد عارفو
ليه النا مهتمة بماتشات كاس العالم بالرغم من ان مصر مش بتلعب في الوقت اللي البنزين وسلع اساسية هاتغلي ( في الزحمة )
بس ياابو اياد كده هنفضل زي مااحنا وعمرنا ماهنقول للظلم والفساد والغلاء لأ وهما هيفضلوا يتمادوا في الظلم والفساد
لسه وزير الماليه المبجل في برنامج الخط الأحمر بينوه عن فرض ضرائب جديده ورفع الدعم نظام تحدي سافر لينا يعني بالبلدي
اللي في مزاج الحكومه هيتعمل واخبطوا راسكم في الحيط احنا رجعنا لعصر المماليك تاني
وبعدين العمال والفلاحين والفقراء وغيرهم من افراد الشعب لو معملوش حاجه هيفضلوا صابرين طول عمرهم حتي مماتهم
وهيورثوا الصبر لأولادهم ولأولاد اولادهم وهنبقي ابناء الصبر والصمت
وقريبا هنبقي احنا كمان تحت خط الفقر ب100 خط و100 انتر ومسافه
الظلم والفساد استفحل ياابو اياد ومبقاش ينفع نقعد مكتوفين الأيدي وكمان مكممين الفم واللسان
ياريت الناس تفوق قبل فوات الأوان البلد دلوقتي بقت بلد الحكومه مش بلدنا رئيسها كره شعبها وسبنا فرائس
لظلم وجشع حكومته علشان يعيشوا علينا ويعبوا خزائنهم من تعبنا وشقانا حسبي الله ونعم الوكيل في كل حاكم
فرط في شعبه وتركه لقمه سائغه في يد و فم حكومته
الناس دى اختارت الوقت المناسب وعلشان احنا شعب كله يالا نفسه مش فاضيين دلوقتى الصبح فى الشغل وبالليل مشغول بالمكان اللى هاقعد اتفرج فيه على مباريات كاس العالم
انا واحد من المصريين قسما بالله ما اتفرجت على ماتش من ماتشات كاس العالم الا بالصدفه وانا باشترى حاجه من محل ربع ساعه
علشان عندى الاهم عندى التزامات وناس مسئوله منى وماينفعش اغفل لحظه على راى محمد سعد احنا دخلنا الخلاط والراجل يعرف يخرج منه
الحكومه مبرره الغلا ده بهدف تحسين الوضع الاقتصادى للدوله لان الحكومه اصبحت مديونه والدعم مسبب عبء كبير على اقتصاد الدوله
طيب انا كمواطن هاستفيد ايه ؟
لو اقتصاد الدوله ده جيد اه هستفيد بس لما يبقا من مواردها مش من عرقى ومن حقى
انا من كام سنه كنت اعرف ناس عاشت فى فتره الثوره مش عارف لو كانوا عايشين دلوقتى كانوا قالوا ايه ؟
للاسف احنا لسه شعب محتل
من مصلحت الحكومه اننا نكون عايشين فى ظلام
طول عمرنا واقفين مكانا واللى مرسوملك هاتعمله ومش هاتقدر تخرج بره المفرمه
في الوقت الحالي يعني
زهقان جدا وعليا تراكمات رهيبه في مشروع التخرج والمناقشه كمان اسبوعين
يارب يعديها واذرني يا دكتور احمد مسالتش علي حضرتك بس والله انا ليل نهار شغل