ينفع كده اشترى طقم تيل فرامل للفيرنا 3 مرات فى شهر واحد .... عايز حل ؟
اشتريت طقم قعد صفر كان ب 85 جنيه
التانى بيصفر و يحك كان 90 جنيه
التالت بقى مقولكش عامل ازاى ب 60 جنيه
قمت خليت الميكانيكى بجيب كل اللقم و يختار انظف حاجه و يركبه و النتيجه زى ما هى ؟
عايز حل ؟
لاقيت طقم تيل الراجل بيقولى كورى ب 150 جنيه ب السوست بتاعته و الله خايف اجيبه تطلع النتيجه زى الاول
شورونى
والا اروح اشترى طقم ايه بى اس استيراد و اركبه و اريح دماغى
طب ما تطلع على التوكيل وحتو لو هتدفع اكتر بس هيكون مضمون
التصفير ده ممكون يكون من نوع الكاوتش السىء وخصوصا لو الاسفلت سخن وماشى ف وقت حر على الطريق
عايز تجيب طقم ب 60 جنيه ويعيش معاك اد ايه ؟؟؟ كتر خيره انه ما بباظش قبل ما تركبه يا راجل ده تيل الفرامل في التوكيل ب 250 جنيه تقريبا يبقي اكيد اللى ب 90 جنيه مضروب عارف لو ب 150 او 180 اوك تبقي حاجة كويسة
اقتباس:
المشاركة الأصلية كتبت بواسطة mshmshm3
على فكره بجيب التيل الكورى بس مش الاصلى ب 35 من التوفيقيه
وبيشتغل معايا شهووووووور
بس طبيعى عندى لازم يصفر لو الكاوتش سخن او الاسفلت سخن والجو حر لكن بليل مفيش اى صوت صفاره نهائى وبعدين الصفاره دى ممكن تتغلب عليها برضو انك قبل ما تخرج بالعربيه تغرق الكاوتش ميه عشان الصفاره دى بتبقى من تراكم التراب ما بين التيل والطنابير وعلى الكاوتش كل ده مع السخونيه بيدى احلى اداء للصفاره
الراجل بيتكلم علي التصفير اللي ناتج من إحتكاك التيل بالطنابير مش من إحتكاك الكاوتش بالأرض
و نصيحه هات التيل من أي موزع معتمد لقطع غيار هيونداي
هتلاقيه في حدود 150-170 جنيه
و ماتسترخصش في التيل عشن الطنابير ما تبوظش
التصفير ملوش علاقة خالص بالكاوتش و للعلم انا مركب كاوتش جديد و جنوط جديدة من اسبوعين فقطاقتباس:
المشاركة الأصلية كتبت بواسطة kamatsho
دي كلها مجموعه تيول فرامل جربانه مالهاش اي لازمه انا مش عارف مين الشركات الي بتنزلها وبتنزلها ليه اساسا مش فاهم
اطلع اشتري التيل من اي فرع في التوكيل ومش هتندم
صدقتني انجز في الموضوع عشان الطنابير متتبهدلش من الحجاره الي بتحك فيها
مش هقولك انا غير كده
مره عملت فتك وجبت تيل ب 80 جنيه اسمه هاي تيك رميته تاني يوم
ممكن في ماركات حلوه بتعدي ال 150 جنيه بس انسى التيل يبقى الاصلي وشكرااا
و الله عندك حقاقتباس:
المشاركة الأصلية كتبت بواسطة حماده المصري
أنا كنت بجيب نوع كوري لللانوس اسمه gold أكيد بينزل لهيونداي دور علييه و هاته وان شاء الله حيعجبك اوي
شكرا ............. هشوف و ارداقتباس:
المشاركة الأصلية كتبت بواسطة m.elhamy
اسمع حضرتك و من غير مااحلف..
انا غيرت تيل الفرامل لعربية المدام الفيرنا فى التوكيل و من يوم م اركب مابطلش تصفير و بعد مرور حوالى 10000 كم او اقل كان التيل اتاكل و الطنابير باظت و لم اكتشف هذا للاسف قبلا رغم شكوى المدام لكثرة انشغالى و قلة خبرتى و فى التوكيل فى نفس اليوم كان هناك حاله مشابهه لعربية فيرنا برضة لانسة كان واضح انها بنت ناس اوى و كان واضح انها مش واخده على الخناق و الزعيق و المهندس كان قليل الذوق معاها هيا حاولت تستقوا بيا لكن هما اتبعوا سياسة فرق تسد و جيه مهندس اخدها بعيد و انا فضلت مع المهندس اللى كان معايا. كده كده انا ماكنتش ناوى اتخانق علشان اولا مااحرقش دمى و ثانيا مكنش هايحصل حاجة لأنى اكتشفت ان الضمان على قطع الغيار 5000 كم فقط لا غيررر.طبعا ماكنش ينفع امشى من غير ما اسمم بدن المهندس بكلمتين ذى ما معناه انكم توكيل غير محترم و شغالين فى المضروب الى اخره..و ربنا يسامحنى لو كنت ظالمهم
والله انا جبت تيل امامى 220 جنيه تقريبا وخلفى 120 تقربا برضه من التوكيل هيونداى وعليهم الستيكر بتاعها مش هقول انها ممتازه معديه الممتازه بتاع 3 متر على فكره الناس هتقول عليا عبيط عشان الخلفى فى كل العربيات اغلى من الأمامى بس انا عندى العكس عشان الفرامل من ورا وقدام سكاكين
[QUOTE=kamatsho;3872827817]على فكره بجيب التيل الكورى بس مش الاصلى ب 35 من التوفيقيه
وبيشتغل معايا شهووووووور
انا كمان جربت ابو 35 ده وعاش معايا 4 شهور وكان فله وهركبو تاني
بلا تيل هندي بلا صيني بلا كوري
شوف يا استاذي سيبك من كل المحلات اللي في السوق
اتنت تجيب من مسورد بجد وده سهل في التوفيقيه فيه واحده اسمها الحاجه اخلاص ودي مستورد وهي اللي بتوزع لاكتر من 70% من المحلات لما بتروح عندها تقول لك ايه الاصلي وايه النص نص هي عندها امانه واسعارها ممتازه انا باجيب كل الاكسسوارات وقطع الغيار من عندها وبجد حاجتها نظيفه ومضمونه ولما تجيب دور علي انظف حاجه مش ارخص حاجه بالذات في الفرامل لان دي فيها ارواح ياصاحبي
اقتباس:
المشاركة الأصلية كتبت بواسطة mohamed_mohsen
+11111111111111111111111111111111111111
لان انا بردو اشتريت تيل مضروب مرتين ابو 90 و60 جنيه زيك بالظبط وفى الاخر جبت التيل الاصلى بيبقى مختوم من عند اللى بيوزع قطع الغيار الاصليه بحوالى 150 جنيه والحمد لله عمره مسفر وحافظ على الطنابير
انا جبت ابو 150 جنيه و كله تماماقتباس:
المشاركة الأصلية كتبت بواسطة memo823000