يافندم يشرفنى ان حضرتك تتابع موضوعى......أنا بس حاسس ان الموضوع مفيد لنسبه ضئيله من اخواننا فى المنتدى بما اننا منتدى سيارات...لكن انا هكون فى قمه السعاده لو حد استفاد بملحوظه او قدرت اساعده وذكرنى فى دعائه..
عرض للطباعة
إستكمالا لموضوع الكرانيش والفورم....
يجدر الاشاره الى أن الديكورات لم تعد مقصوره على الجبس فقط...بل ظهرت خامات جديده مثل الفوم وهو ماده تشبه الفوم المستخدم فى التغليف ولكن بسطح مصقول وقدره تحمل عاليه...ويتميز بخفه الوزن وسهوله التركيب وامكانيه تركيبه بعد الدهان فى حاله الرغبه فى تزيين شقه سابقه التجهييز او السكن ويثبت على الحائط بواسطه ماده لاصقه مخصوصه...وهو متوافر بعده ماركات أشهرها على الاطلاق الفيوتك....ونجده لدى مراكز تلوين البويات بالكمبيوتر والمحلات الخاصه بالديكورات....
ويعيب الكرانيش الفوم إرتفاع ثمنها نسبيا بالنسبه للجبس...كذا محدوديه الاشكال وقدم الموديلات المتوفره منه.....بمعنى ان اسطمبات الجبس دائمه التجديد والابتكار بينما لا تتغير اشكال الفوم الا بمرور فنرات طويله مما يحدد الاختيار بصوره كبيره...
يجدر كذلك الاشاره الى ان استخدام الجبس فى الديكور لا يقتصر على الكرانيش و حليه الزوايا (الكوابيل ) والصرر للسقف...
فيوجد ما يسمى ببيت النور وهو بجعل الكورنيش بيتا للإضائه البيضاء او الملونه وللإسبوتات الموجهه لأسفل باشكال مختلفه..
كذلك الاسقف المعلقه والجيبسون بورد وهى بلاطات جبسيه بمقاسات مختلفه حسب الاحتياج وتستخدم فى عمل سقف صناعى فى حاله الرغبه مثلا فى عمل تكييف مركزى او سماعات داخليه او تركيب نظام انذار للحريق او نظام مراقبه وكاميرات....
كما يمكن عمل اشكال بالجبس كالاعمده وتكون بعمل تلبيشان بالاسمنت على سلك بقلاوه مغلف لاسياخ حديديه ملحومه بالشكل المطلوب لتكون الشكل النهائى المراد الحصول عليه بعد كسوتها بطبقه من الجبس ناعمه ومصقوله....ويراعى هنا فى حاله عمل حائط او فواصل بهذه الطريقه استخدام سلك بالمقاس المناسب حتى لا يحدث شقوق او شروخ بعد الانتهاء من الحبس فى منطقه التقاء القطعتين...
الا انه فى رأيى الشخصى كلما كان الديكور بسيطا خاليا من البهرجه والتكلف كلما كان أجمل ودليل على رقى الذوق....
الأستاذ الفاضل/ أشرف
جزاكم الله خيرا على مجهودك وشكرا لمشاركتنا إياه معك.
وأرجوا الاستمرار حتي تتم ما قمت ببدءه
ربنا يجازيك خير على موضوعك ده, بجد انا استفدت منه جدا و يا ريت تكمله.
موضوع جميل جدا يا استاذ اشرف ربنا يباركلك وان شاء الله هيفيد ناس كثيره جدا بس ارجو انك تكمله ...
تسلم ايدك
ورمضان كريم
موضوع أكثر من رائع ومجهود يذكر فيشكر يا أستاذ أشرف تسلم أيديك وليا تعليق بسيط لو تسمحلي هل أتكلمت عن موضوع الدهانات وأنا مأخدتش بالي ولا لسة هتتكلم عليه عذراً ممكن يكون سقط مني ومأخدتش بالي .
الاخ الاروع والاجمل علي الاطلاق
بارك الله فيك ويسلموا ايديك
مش عايز اقولك الراجل بتاع المحارة عمل ايه لما قلت له اني هاستلم منه المحارة بعد موافقة المهندس
وان التكاليف بتاعت اعادة التمحير عليه
كان عايز يزمر اسكندراني
بس فين الباقي انا ماشي معاكم بنفس الخطوات
وعايز اعرف ايه اللي هايتم بعد كده
انا قربت اوصل لمرحلة الكرانييش
ادعو لي
يا فندم أشكرك جدا و إن شاء ان شاء الله ان شاء الله ان شاء الله ان شاء الله نكمل ..
اشكرك ...ان شاء الله ان شاء الله ان شاء الله ان شاء الله أكرم..
يا فندم أشكرك....بالنسبه للدهانات ..لسه يا فندم....هنتكلم عليها فى المراحل الجايه إن شاء ان شاء الله ان شاء الله ان شاء الله ان شاء الله..
وان شاء الله ان شاء الله ان شاء الله ان شاء الله سعدت جدا بمشاركه حضرتك.....ولو حضرتك محتاج حد يشرف ويستلم ممكن أديلك رقم المقاول اللى اتعاملت معاه...
نستكمل المراحل بعد رمضان بالصور ان شاء الله ان شاء الله ان شاء الله ان شاء الله....