هوه ممكن اركب شنوط على لادا 2107 وبالتالي نظام Abs ؟

**osama_alam** · 21-02-2008 10:00 PM

سؤال لذوي الخبرة: هوه ممكن اركب شنوط على لادا 2107 وبالتالي نظام Abs ؟ :)

**SEATLOVER** · 21-02-2008 10:08 PM

بالنسبة للجنوط هو مش ممكن هو( مستحب كمان ) لأن اللادا تقيلة بطبعها كا حجم وو وزن ...و كمان كا تحرك للدركسيون (مرونة يعنى)

ميزة الجنوط لو كانت اصلى و ماركة محترمة انها هاتخففلك العربية و هاتديك مرونة اكتر انت هاتبقى محتاجها ...دة طبعا غير اضفاء شكل حديث و جميل فى الوقت نفسة .
ولو عايز تعرف تجيب الجنوط منين الموضوع دة فية اقتراحات لأماكن كويسة تجيب منها
http://www.nilemotors.net/Nile/showthread.php?t=16207

اما بالنسبة ل Abs دى لفة طويلة اوى وما نصحكش بيها لأنك مش هاتحتاجها اصلاً . اللادا عربية تقيلة و ثابتة و زحفها صعب اوى .

**fahd_628** · 22-02-2008 01:09 AM

الabs ملوش دعوة بالجنوط بس لو عاوز تركب جنوط مفيش مشكلة بس ياريت تركب جنوط بنفس مقاس الجنط القديم

**osama_alam** · 22-02-2008 08:15 AM

انا لسه على ابواب شراء اللادا 2107. فلو حد يعرف متوسط سعر الشنوط الاسبور كام لو حاجة نضيفة, ويا ريت لو حد من اسكندرية يرشحلي مكان كويس وهل التوكيل ممكن يركبه وانا بشتري العربية؟؟

**fahd_628** · 22-02-2008 02:10 PM

الجنوط السبور بتعمل فى حدود 1500 جنية و لو حتجيب مقاس اكبر من الى عندك يعنى لو عندك الجنوط الأصلية 13 و ركبت جنوط سبور 14 يبقى حتحتاج تغير الكاوتش كمان خد بالك من النقطة دية علشان متدبسش فى كاوتش كمان و حاول متشتريش جنوط صينى و فى الأسكندرية فى شارع بورسعيد حتلاقى محلات كتيير بتاعت جنوط و انت ماشى و 2 صحابى جابو من عندهم و مفيش مشكلة و عندهم اشكال كتيير و بالنسبة للتركيب فهو حيركبهملك عادى جدا مش حتحتاج تروح التوكيل بس حاول تجيب جنوط نفس المقاس بتاع الجنوط بتاعتك علشان الجنوط الكبيرة بتبهدل العفشة

**osama_alam** · 22-02-2008 03:05 PM

شكرا يا فهد على الرد طيب معلش اعذرني هية العربية بتبقه راكبلها شنوط ؟ ولو راكبها حعمل فيها ايه بتباع يعني ؟؟

**ahmed1981** · 22-02-2008 10:43 PM

راجع الموضوع التالي:
http://www.nilemotors.net/Nile/showthread.php?t=6876

**fahd_628** · 22-02-2008 11:25 PM

شكرا يا فهد على الرد طيب معلش اعذرني هية العربية بتبقه راكبلها شنوط ؟ ولو راكبها حعمل فيها ايه بتباع يعني ؟؟

ايوة يا باشا العربية بيبقى فيها جنوط انا اقصد الجنوط الأصلية الى بيركب عليها الطاسات الى زى فى الصورة دية تقريبا مش قصدى السبور

و بالنسبة لأنك حتغير الجنوط الأصلية انت ممكن تبيعهم بس حتسمع اسعار فى الأرض فا انا رأى انك تحتفظ بيهم مش حيخسروك حاجة لأنك ممكن تحتاجهم لو جنط من الجداد اتعوج من مطب جامد او حاجة