الموضوع: عايز اغير شوية حاجات فى عفشة 128

المشاركة الأصلية كتبت بواسطة refath

السلام عليكم ورحمة الله وبركاته

انا عندى عربية 128 موديل 1978 و العفشة بتاعتها تعبانه اوى والميكانيكى بتاعى قالى انك محتاج تغير شوية حاجات فى العفشة

1- جوز كبالن
2- صليبة كوبلن
3- بلى عجل امامى
4- طنابير امامى
5- تيل امامى
6- جوز مساعدين امامى
7- جوز بارات
وكمان انا العربية عندى سحبها ضعيف فى طلوع الكبارى فكنت عايز اشترى
8- ديسك واسطوانة وبلية

كنت عايز نصائحكم فى افضل انواع للقطع واسعارها واماكن بيعها ومصنعية الميكانيكة حتبقى كام تقريبا والوقت المستغرق فى التركيب
واسف جدا على الاطالة

انا ممكن اديك اسعار العفشه الصينى وهى كويسه وسعرها معقول
1- جوز كبالن 90 صينى
2- صليبة كوبلن 50
3- بلى عجل امامى 50
5- تيل امامى 25
6- جوز مساعدين امامى الاتنين 200 جنيه صينى
7- جوز بارات الاتنين 60 جنيه صينى

ونصيحه متعملش العفشه عند ميكانيكي لازم تتعمل عند العفشجى بيضبط العربيه احسن بكتير والمصنعيه تقريبا 150 جنيه

والله يا اخ رفعت انا مش عندي اسعار
بس اللي اقدر اقولهولك اسأل عند كذا واحد في التوفيقية
وما تتطمنش ل ميكانيكي واحد
احسن نوع في الكبالن وعن تجربية هي الصيني
ده ما اقدر علي نصحك بيهم
وربنا معاك

المشاركة الأصلية كتبت بواسطة refath

الحمد لله استلمت العربية امبارح
تم تغيير الجانبين بالكامل استيراد 550ج ( مساعدين بالسوست والطنابير وماستر الفرامل والتيل )
تم تغيير الديسك والاسطوانة والبلية 220ج
تم تغيير قلب الفتيس بفتيس كرورنا 300 ج
تم تغيير سلك البرياج 20ج
تم تغيير كاوتش الكبالن 30ج
جوز بارات دريكيسون 50ج

بس المشكلة اللى مضايقانى لغاية دلوتى تتلخص فى الاتى
1- صوت زى بلية كده بتتحرك جوه الدريكسيون
2- الفرامل حاسسس انها طرية شوية والهاند بريك اكنها مش موجود بعنى ممكن امشى بيها والهاند مرفوعة

رجاء اصحاب الخبرة للنصيحة بخصوص المشكلتين دول من ايه وكيف يتم علاجهم

مبروك يا باشا .. أنا عندي نفس موديل عربيتك ,, وربنا يباركلك فيها .