الموضوع: باركولي يا جماعة الحمد لله اشتريت كورولا 2009 mmt

فين يا جماعه الردود 20 مروا من غير ردود عايز آراءكم فعلا محتاجها
وشكراااااااااااااا

المشاركة الأصلية كتبت بواسطة maaadaaa

[justify]
السلام عليكم ورحمة الله وبركاته

ازيكوا يا اعضاء نايل موتورز الكرام .

انا اخوكم احمد محمود الحمد لله وفقني الله واشتريت تويوتا كورولا 2009 mmt هاي لاين 1600 , هي ما شاء الله جميله جداااا ( قوه - فخامه - ثبات - امكانيات ) , بس انا ليا بعض الملاحظات ياريت تتابعوني فيها : -

1- العربية عمله 800 كم تقريباً .

2- بلاحظ بالليل دائماً سخونه خفيفه من فتحات التكييف في التابلوه آتيه من الكبود وده لما اقرب ايدي من الفتحات, مع العلم اني مش مشغل التكييف طبعاً ,وايضاً اسفل الفتيس واسفل الدريكسيون .

3-استهلاك عالي للبنزين انا تقريباً مونت بنزين 92 (48 لتر) مشيت (530 كم) .

4-العفشه نشفه نسبياً في المطبات مع وجود رجرجه خفيفه في الدريكسيون وايضاً عند الضغط على الفرامل وانا ماشي على المطبات بسمع صوت تكتكه كأن حاجه بتخبط في حاجه تانيه وبحس بيها في رجلي وانا دايس فرامل (المطبات دي يعني شارع مكسر وحفر ضغيره) .

5-مثبت السرعة بدوس عليه وينور في التابلوه وسيب بنزين مش بيثبت ولا حاجه السرعة بتنزل تاني .

6-اخيراً موضوع الفتيس mmt واللي سبب جدال كبير للجميع نقل التروس وتوقيت نقل التروس الاوتوماتيكي , هو بصراحه تقنيه جديده وكويسه ومريحه من ملل الدبرياج ولكن تعليقي على نقل التروس يستغرق تقريباً ثانيه للنقل وهو يعني معقول ولكن احنا الشباب شايفين انو وقت طويل للي بيحي الشد والجري والغرز ولكن للقياده المعقوله والهادية هو مناسب جدااا ولكن في بعض الاحيان الواحد تستدعي معاه الشد فتقف قدامه عقبة وقت النقل زي انا بردو , اما توقيت نقل التروس فهو متغير حسب درجه الضغط على الدواسه بحيث لو ضغط على الدواسه براحه تلاقي ال rpm اخره 2 قياده هاديه ولكن عيبها تحس بتقل الموتور لان الخامس بينقل على 1,5 تقريباً فتكون مضطر لزيادة الضغط على البنزين ليتم النزول الى الغيار السابق لزيادة العزم وتحس بخفة الموتور فكل ما سبق يسبب ضياع للوقت تلاقي وانت ماشي ثواني كتير بضيع بسبب نظام التوقيت المتبع في نظام السيارة لنقل التروس ولكن الحل الامثل هو زيادة ضغط بدال البنزين هو الحل لزيادة عدد لفات الموتور وللحرق ممكن توصل ل 80كم في 4 ثوان تقريباً ده زمن قياسي عن تجربه ده بنظام ال es
سؤالي هنا للي عمل التعديل في التوكيل ايه القطع اللي اتغيريت وما هو التقييم بعد التعديل من ناحية توقيت النقل بالتفصيل واكون شاكر جداااا .
في انتظار الردود ....
[/justify]

==========================
بالنسبة لاستهلاك البنزين اعتقد دا معدل ممتاز 11كم /لتر(بانسبة لفئة 1600).
--بالنسبة للعفشة حرب تضبط ضغط الكاوتش اولا علي 30
اما التخبيط فممكن يكون من ِ ِabs

بالنسبة لمثبت السرعة حضرتك مش عارف تستخدمه بس

عشان السرعة تثبت لازم تعمل set , يعنى بعد ما تشغله و ينور فى التابلوه , اوصل للسرعة اللى انت عايزها و بعد كده زق الدراع لتحت , انت كده عملت set و هتلاقى السرهة ثبتت

اثناء و انت مثبت السرعة لو عايز تقلل سرعتك او تزودها بنسبة بسيطة ممكن تحرك الدراع لفوق او لتحت +\-

لو زودت بنزين السرعة هتزيد معاك لو عايز تتخطى عربية او حاجة , و لما تسيب البنزين السرعة هتنزل للسرعة اللى انت ثبت عليها و تثبت على كده

لو دوست فرامل التثبيت بيروح و هتلاقى السرعة بتقل , لو عايز ترجع تانى لسرعتك اللى كنت مثبت عليها , اعمل الدراع لفوق restore

لو عايز تلغى السرعة اللى كنت مثبت عليها , شد الدراع عليك cancel


و الف مبروك عليك يا باشا و ربنا يديك خيرها و يكفيك شرها ان شاء الله

ممكن تقولنا عملت كام عشان انا سمعت ان فى تخفيض كبير على موديل 2009

الف شكر لكل اللي ردوا عليا

العربية عاملة 135 الف وتقريبا كانت آخر عربية في مصر لاني اتصلت بكل موزعي تويوتا في مصر لحد ما لقيتها وكانت الاخيره.

اللي عاجبني انا العربية دي بالامكانيات بتاعتها عامله 160 الف حالياً فانا لقيتها فرصة تكون بالسعر ده ومش مهم عندي 2009 ولا 2010

ولكن انا منتظر اللي عمل التعديل في موضوع الفتيس ونقل الغيارات من ناحية قطع الغيار والتقييم اثناء التجربة يا ريت حد يفيدني عن موضوع التعديل ده

وشكراااااااااااااا