الموضوع: بجد عمار يا مصر

المشاركة الأصلية كتبت بواسطة Metbahdel

يا رجالة أنا مكنتش عايز أتكلم في الموضوع ده

أن كنت في إيطاليا من حوالي شهر لمدة أسبوعين في تدريب هناك
...........................
اللهم أحييني ما دامت الحياة خيراً لي وأمتني ما دام الموت خيراً لي

ايه يا عم فى ايه :) :)
روق يا حبيبى مش كده ... ايه السواد ده كله ... خفف شويه على نفسك .... معلهش ربنا يصلح الحال

المشاركة الأصلية كتبت بواسطة Metbahdel

يا رجالة أنا مكنتش عايز أتكلم في الموضوع ده

أن كنت في إيطاليا من حوالي شهر لمدة أسبوعين في تدريب هناك

أنا إتعقدت خلاص أنا مش نافع تاني
إيه ده
مين قال إن أسعار البنزين هنا وهناك واحد بالنسبة للدخل

يعني مثلاً أقل واجب هيكون دخلك هناك كام مش أقل من 1500 يورو أنا قابلت واد مصري تعبان جه هربان على مركب من مصر وبقاله 4 سنين ولسه واخد الإقامة قريب وواقف في محل ملابس وبياخد 5 يورو في الساعة

تخيلوا الأسعار عاملة إزاي على واحد زي ده يعني إيه لتر بنزين ب1.2 أو 1.4 يورو
يعني إيه في الأوكازيون إلي هوه بيبتدي 15/1 والحمد لله إن ربنا كرمه وحضره
ممكن تلبس جاكيت عمرك ما تشوفه في أحلامك ب 50 يورو
أو تجيب كوتشي أديداس أصلي من التوكيل ب 50 يورو
وممكن تلاقي أحذية جلدية أرخص من كده وصناعة إيطالي ب30 يورو بس
يا جدعان ده أنا إشتريت 13 جزمة وكنت عايز تاني
تخيلوا في أرقى وأفضل المحلات ممكن تلاقي الجاكيت بـ100 يورو ملوش حل تلبسه وتطير
ولا الجينز إلي ب20 وب30 يورو تستخسر تلبسه على جسمك ويشم عرق ولا تراب من كتر حلاوته
يعني إيه تخش ماكدونالز تاكل لما تموت ب10 يورو
يعني إيه العربية البونتو الجديدة ب10000 يورو
يعني لا مؤاخذة ب1000 يورو ممكن تعيش باشا
ألله أعلم بالسكن لأني كنت نازل في فندق

يعني إيه الجمال والنظام والنظافة
ويقولوا إيطاليا متخلفة عن باقي دول أوروبا
إمال باقي أوروبا عامله إزاي

وتشوف العربي
لا حول ولا قوة إلا بالله
xxxxxxxxxxxx
زي هنا بالظبط
تعرفوا إنهم بيسرقوا وبيشحتوا xxxxxxxxxxxxx
لو عملت حاجة كويسة هناك يستغربوك
بيقرفوا يقعدوا جمبك في الأتوبيسات أو في المترو وإذا دخلت أي محل يشكوا إنك حرامي وممكن يراقبوك أو يعينوا واحد يبص عليك لتضرب حاجة أو كده
ولو طلعت الفلوس يفتكروك خليجي لو أحسنوا الظن
ذل ومهانة

أنا كنت مستغرب كلام الأخ توت قبل ما أسافر وشايفه فيه مبالغة
لما روحت وشوفت فهمت
بلدي لو حبيت أمدحها xxxxxxx
إيه ده
يا رب إكرمنا بالجنة تستاهل صحيح إن الواحد يموت عشانها

اللهم أحييني ما دامت الحياة خيراً لي وأمتني ما دام الموت خيراً لي

:D هون على نفسك يا اخى العزيز ....بس ليك حق تتعقد ... دية ايطاليا يا نااااااااااااااااااااااس ... يعنى اجمل مناظر طبيعية ..واطعم اكل واحلى ملابس ... واجمد اجمد اجمدددددددد عربيات فى الدنيا ... من الاخر عاوز اية تانى ؟ علاشان ماتتعقدش

أنا كنت مقيم في الكويت ووالدي هناك مدرس فعلا أسعار البنزين هناك مش وحشه إذا ماقرنت بهنا ... بس للأخ kingmax فعلا السكن هناك مش غالي شويه ده غالي أستهبال حتى لدخل الأفراد يعني لما يكون أقل إيجار مش أقل من 200 دينار يعني 4000 ده يبقى إيه والدخل مش كله حلو يعني لما يكون الراتب بتاع الفرد 250دينار وعايز يسكن يبقى يعمل إيه سكن عزابي على طول مش أقل من 40 أو 50 دينار.صح؟ حتى اللي راتبه 400 أو 500 وعايز يسكن مع عائلته لما يكون السكن كده يكون حرام .هناك اللي يقدر يعيش من راتب 500 وأنت طالع.أنا عن نفسي كنت في شارع تونس في حولي عشن أروح أخر شارع شرحبيل بدفع 750 فلس يعني 15 جنيه برضو أخر هبل
.... مانكرش أسعار السيارات هناك أخر روقان يعني مثلا هامر H3 ب 10000 دينار يعني 200000 سعر ولا في الخيال بالنسبه لهنا 850000 صح؟ بس ده مش لكل الناس وللتفاوت الرهيب للدخول هناك.. مثلا سياره كورولا ب3500 دينار يعني 70000 معاك هناك في تقسيط للزيرو وللأستعمال ومن غير مقدم وأول قسط بعد 3 شهور يعني حاجه أخر فل.. بس غلو الأسعار والمعيشه محدش بيقدر عليها غير أعلى من 500 وأكتر )ما شاء الله عليهم ربنا يزيدهم) اللي أقصده لكل قاعده شواذ يعني لما نقارن دوله بدوله من حيث البنزين مثلا يبقى نشوف كل الحاجات التانيه والدخول.ماننساش إن الهندي بيقبض من 20 إلي 50 دينار يعني من 400 ل 1000 جنيه المفروض إنه ملك صح؟ لكن ياعيني طالع عينهم وياريت لاقي ياكل(ده هناك)فعلا لما تلاقي كيلو خيار بيعادل 15 جنيه يبقى بصراحه الواحد يروح يتصور جانبه للذكرى في حين لما يكون مثلا هنا ب 2.5 الناس بتشد في شعرها فعلا مصر طالع عينها ..... أنا طولت عليكو بس اللي كنت عاوز ءأكده كلام الأخ Kingmax وأيضا اللي الأعضاء وصلوله إن مافيش وجه مقارنه بين الدول وبعض.

بعد الإعتذار عن الكلام الذي إعتبرته الإدارة غير لائق

المسألة مش مسألة البلد وبس
المسألة مسألة مين إلي عمل فيها كده

أنا مقتنع تماماً إن من أكبر الأسباب إلي خلت البلد تبقى بالشكل ده يعني متخلفة زي ما بيقولوا

الناس إلي عايشيين فيها

البلد ممكن كانت تبقى أحسن من كده لو الناس كانت أحسن من كده

لو أخذنا نفس فكرة بيت الشعر المنسوب للإمام الشافعي رحمه الله

نعيب زماننا والعيب فينا
وما لزماننا عيب سوانا
ونهجوا ذا الزمان بغير ذنب
ولو نطق الزمان لنا هجانا

الناس أصبحت صعب أوي مش عارف من إمتى الناس كده
أنا أسمع من بعض كبار السن إن الدنيا زمان كانت مختلفة وده طبعاً منسوب لأهل البلد برده
هوا مش أهل البلد زمان هما جدي وجد جدي وكده ولا كانوا ناس غرب
إمال ولادهم ليه بقوا كده
ولا هو الموضوع إنهم كانوا زي دلوقتي ولا إيه
أنا مش عارف

عموماً ربنا يصلح الحال لأن مفيش غيره سبحانه نسأله