النهاردة كنت مع واحد ألمانى وسألته عن أسعار البنزين عندهم تخيلوا لتر البنزين بكام :
1.4 يورو للتر الواحد أكرر 1.4 يورو للتر الواحد
يعنى بسعر صرف النهارده لتر البنزين ب11.3 جنيه مصرى
بيقول يعنى تخش تفول بحوالى 80 يورو يساوى حوالى 640 جنيه تخيلوا
ومحدش يقولى شوف مرتباتهم كام ده لو بياخدوا 8 أضعاف يبقى أحنا زيهم. كل واحد يتخيل مرتبه لو أضرب فى 8 ويعيش فى ألمانيا كأنه عايش فى مصر.
ومحدش يقول لى برضه أسعار عربياتهم رخيصه لأن أنا قلت له أن عربيتى جديدة تساوى حوالى 12 ألف يورو (نيسان صنى أتوماتيك ب91 ألف) قال لى مش غاليه أنت بالسعر ده ممكن تشترى فيات برافا مش عربيه بحجم عربيتك دى
ملحوظه هو باع عربيتو ب750 يورو علشان فيها سنسور بايظ بيخلى العربيه تبطل فى الأشارات وأصلاحه يتكلف 400 يورو (اصلاح سنسور ب3200 جنيه مش عمرة موتور). عربيه أوبل فيكترا مو 1995 عامله 170 ألف كم
طبعا ده غير الضرائب الفظيعه اللى عندهم ده كل سنتين لازم هيئه معتمدة تكشف على العربيه وتجبرك على أصلاح كل العيوب اللى فيها على حسابك وده برضه غير عقوبه مخالفات المرور اللى ممكن توصل للحبس 6 شهور لو تكررت السواقه تحت تأثير الكحوليات.
مش عارف انا دلوقت نفسى أعرف سعر البنزين فى الدول الأخرى فياريت لو حد عارف يقول عن الأسعار اللى عارفها بره