الموضوع: اعمل صيانة فى القطامية افضل ولا مارينا عايز راى الى جرب؟؟

اى خدمه

اعتذر عن عدم الرد على طلبك لتليفون المهندس / محمد هاشم لعدم تواجدى بالمنزل ... وقد عدت وارجو ان ترى رقم التليفون قبل ذهابك ... الرقو هو 0100075302

تمت الصيانة الحمد لله فى التوكيل فرع القطامية وقابلنى مهندس احمد الجمل الى استلم العربية ولما العربية خلصت كلمنى علشان استلمها انا سلمتها 9 واستلمتها الساعة 1 وهوا صبور جدا وزوق جدا والحمد لله حسيت بتحسن فى اداء العربية بعد الصيانة وللعلم التوكيل بدون حجز لكنه بيكتفى بعدد معين و الافضل انك تروح بدرى على 8 ونص لانهم مش بيستلموا بعد الساعة 10او لو اكتفوا بالعدد وللعلم كمان الصيانة دى بيتغير فيها بوجيهات وزيت وفلتر زيت وفلتر هوا وبيغسل الموتور بالفوم ودة كله بيكلف 750 جنية الحاجة الى مستغليها شوية سعر البوجيهات لوحدها 160 جنية بس يارب تكون ونوع كويس :) وشكرا لكم جميعا

غيروا بوجيهات ليه هو مش المفروض البوجيهات تتغير على ال 40 الف ولا أنا فاهم غلط

فى الكتالوج مكتوب ان اول مرة فعلا بعد 40 الف دة فى جدول الصيانة العادية فى مواعيد تانية للصيانة للعربيات الى بتشتغل تحت ظروف شاقة زى مثلا الى بتمشى وتقف كتير فى الزحمة لان الموتور بيدور فترات طويلة والعربية مش بتمشى والعداد يعد وبرضو فى البلاد شديدة الحرارة زى الخليج وعربيات التاكسي الى شغالة طول اليوم عربيات الشركات انا مش فاكر بالظبط فى ظروف الخدمة الشاقة بتتغير كل قد اية البوجيهات بس انا مدققتش لانى بعتبر انى بعمل جدول صيانة الخدمة الشاقة لانى بمشى كتير بالعربية انا عامل 20 الف فى سنة ومعظمهم فى زحمة لان مشوارى من المعادى لمصر الجديدة يوميا وانتوا طبعا عارفين الطرق عاملة ازاى لكن لو انت مشيك طبيعي اول بوجيهات بتتغير بعد 40 الف وبعد كدة كل 20 او 30 مش فاكر بالظبط وطبعا التوكيلات بتمشى على اسوء الظروف علشان تريح دمغها وتكسب اكتر من تغير قطع الغيار :) انا عن نفسي ميخلص الضمان همشى على الكتالوج لان التوكيل اكيد اسعار القطع غيار فى اعلى