انا مسافر ان شاء الله يوم الجمعة الساحل ومفيش مواعيد فى ابو رواش او روكسي غير يوم 13 وانا هكون فى الساحل فمفيش قدامى غير القطامية لانه من غير حجز فممكن اعمل الصيانة بكرة او بعده او استنى ماروح الساحل واعمل صيانة فى مارينا ومينفعش امشى زيادة فلو حد عمل فيهم صيانة قبل كدة يقولى اية النظام كويسين ولا لا دى صيانة ال20 الف وشكرا جزيلا
العربية كام ك حاليا ؟؟
20 الف بس انا بمشى فى طرق زحمة كتير و يعتبر استعمال شاق يعنى المفروض اعمل صيانة قبل معادها وكمان انا مسافر وهعمل مش اقل من الفين كيلوا فى السفر فمتقوليش اجل انا عايز اعرف اى فرع فيهم افضل وشكرا لردك السريع :)
باسم طالما هتسافر بالعربية يبقى أعمل صيانة فى القطامية قبل السفر أضمن، عشان تسافر وانت مطمئن من العربية. وتروح وتيجى بالسلامة يا جميل.
شكرا يا جميل
ايوة فعلا لاازم تعمل الصيانة الاول والقطامية الافضل عن تجربة الاعضاء
مين قال القطاميه من غير حجز؟
كلمتهم قالولى كدة القطامية من غير حجز بس تكون هناك قبل الساعة 10 صباحا
ايوة فعلا مركز خدمة القطامية من غير حجز بس المهم تكون قبل الساعة 10
ما تضمنش مارينا فيها زحمة ولا لا