يا ريت لو حد يعرف واحد بيعمل كرانيش جبس كويس يقولى عليه

**smsm2015** · 06-07-2010 12:26 PM

معلش يا جماعه بثقل عليكم بس الواحد تائه بين الصنايعيه يا ريت لو حد يعرف واحد بتاع كرانيش جبس عاديه يكون كويس يقولى عليه ويكون سعر المتر فى حدود 9 -10 جنيه وانا من القاهره ..

**mohamedrabia** · 06-07-2010 12:30 PM

عليك وعلي السيدة عائشة هناك هتلاقي ناس كتير بس اعتقد السعر عالي شوية
انا من 6 اكتوبر عندنا ناس كتير شغالين في الجيبس بس اكيد المشوار بالنسبالهم هيكلف

**smsm2015** · 06-07-2010 12:35 PM

جزاءاك الله اخى mohamedrabia على المساعده بس انا عاوز واحد يكون حد جربه وشكر فى شغله ....

**Karim_Monir** · 06-07-2010 01:08 PM

كلم استاذ عاطف
ده صاحب شركة تشطيب وحد محترم ويفيدك وقوله انك من طرف كريم منير
تليفونة
0121187986

**smsm2015** · 06-07-2010 03:01 PM

المشاركة الأصلية كتبت بواسطة akram

انا ساكن في فيصل ناحية المريوطية , و فيه واحد جنبي كويس كنت اتعاملت معاه بس مش معايا رقمه ,
لو عايز ممكن اعدي عليه و اجيب رقمه ,
بالنسبة للسعر فده بيتوقف على الشكل , بمعنى إن الحاجات اللي بتاخد شكل اكبر و بالتالي جبس اكتر هيبقى سعرها اكبر ,
دا غير إن فيه بعض الشغل بياخد غلبة شوية و بالتالي بيبقى اغلى من الشغل العادي ,
في كل الأحوال لازم تروح للمعرض أو للمكان بتاعهم و تشوف بنفسك و تتفق على السعر و يا ريت تكون عامل مقايسة تقريبية علشان حجم الشغل ممكن يؤثر في السعر و موعد التسليم أو انهاء الأعمل المطلوبة.

ممكن بعد اذنك معلش هتعبك معايا تجبلى رقمه بس اهم حاجه حضرتك ضامنه كويس .....

**Akram** · 06-07-2010 03:10 PM

المشاركة الأصلية كتبت بواسطة tza

ممكن بعد اذنك معلش هتعبك معايا تجبلى رقمه بس اهم حاجه حضرتك ضامنه كويس .....

هو عمللي شغل الكرانيش في الشقة عندي و عمل كمان شغل (معلّق) بأضواء خلفية ,
و انا شايف انه كويس ,
بس يا ريت تقوللي مكانك فين علشان أعرف رأيه لو مكانك بعيد .

**smsm2015** · 06-07-2010 03:34 PM

المشاركة الأصلية كتبت بواسطة akram

هو عمللي شغل الكرانيش في الشقة عندي و عمل كمان شغل (معلّق) بأضواء خلفية ,
و انا شايف انه كويس ,
بس يا ريت تقوللي مكانك فين علشان أعرف رأيه لو مكانك بعيد .

بص يا سيدى انا ساكن فى الشارع اللى قدام مزلقان ارض اللواء فى شارع السودان ........

**misoalex** · 06-07-2010 05:06 PM

بص انا مش من القاهره بس حقولك على نصيحه تعرف منها شغل الجبس كويس ولالا

اهم حاجه فى شغل الجبس هى اللحامات يعنى انت عارف ان الجبس بيتصب فى قوالب وبيتجمع على الحائط بعد كده
وهو بيتلحم على اليطه بقى اهم حاجه الى بيجمعه يعرف يدارى اللحامات كوبس جدااااا ومتتشافش بالعين
ده غير ان لو القوالب بتاعته مش تمام ومبستناش تنشف كويس حيبقى بترمى فلوسك على الارض

حاول تتعامل مع واحد انت شفت شغله فبل كده عشان ميطلعش الشغل عك xعك وتندم على الفلوس

الكلام الى بقولهولك ده من واقع خبره وتجارب و غير انى عرفته بعد كده من ناس شغاله فى الديكور