الموضوع: حد يعرف الموتور ال tsi هينزل فى الفانتازيا

أقولك علي حاجة.أنا هبيع العربية عشان متزعلش خالص يا سيدي.

يا سيدى كل عربية ليها مميزات و عيوب و الا كل الناس كانت اشترت عربية واحدة بسسسس
موضوع ضعف الموتور دا عيب فى العربية و فولكس مش ورشة بس هى منزلة الموتور دا بسعر قليل لانه اقتصادى و منزلة مواتير كتير للعربية للناس اللى عايزة اداء احسن من كدا او احسن بكتير بسعر اغلى منهم ال 1400 التربو بس انا بتكلم على العربية اللى بتنزل مصر , بتنزل بموتور واحد مفيش اختيارات و الموتور ضعيف دى مش حاجة انا محتاج اكتبها و نتجادل فيها لان عندنا العربية (بتاعت والدتى ) و الموضوع مش محتاج جدال لان ناس كتيير اوى من ملاك العربية رايهم كدا , لو مكنش عندنا العربية فعلا كنت شكيت فى نفسى و بعدين العربية ممتازة و فيها options بالهبل بس مش معنى كدا انى اقول خلاص دى صاروخ و هى بطة , لازم اقول كل حاجة بحياااااد , فعلا العربية بطيئة جدا و معتقدش ان التسارع بيتحسب فى الS-mode , العربية دى هى و الجيتا و كان معاهم الpassat مواتيرهم ضعيفة جدا على حجم العربيات دى, كان لازم التوكيلات تنزلهم بال1400 التربو.

الموضوع ببساطة , بعدين لو كل عربية فيها عيب صاحبها باعها يبقى محدش هيبقى عنده عربيات اساسا , احنا اختارنا لوالدتى العربية دى بالرغم انى عارف ان موتورها ضعيف لان العربية ليها مميزات و عيوب و بالتالى الواحد لما بيشترى بيقارن هو هيكسب ايه و هيخسر ايه و بيقرر و احنا زى ما انت قررنا نجيبها لانها عربية ممتازة و فى رايى حاليا لا منافس لها بالسعر دا !

يعني إيه التسارع مش بيتحسب في السبورت مود.مش شايف إن ده كلام غريب شوية.عموما الفيصل دلوقتي إني أجيبلك الفيديو.يا راجل إنت كرهتني في العربية

انا خدت قرار خلاص العربيه بطه .... و هبيعها و اجيب فيرنا تتقلب فى اول ملف

و بالنسبه للكليب هو بدا من الثانيه ال 2 يعنى 12.5 ثانيه بالظبط ... و بعدين عايز تتكلم معايا فى السحب اتكلم بعد ال 100

انا مش فاهم الجدل دا فى ايه؟ العربية موتورها ضعيف 105 حصان و سحبها سىء و بتجيب ال100 فى 14.1 ثانية من الكاتالوج مطلوب ايه انا مش قادر افهم؟؟؟؟

خلاص يا جماعة حقكوا على , العربية فيرارى و موتورها رهييييب جدا و قوى اوى بزيادة عليها , كان مفروض ينزلولها موتور 800cc زى بتاع الماروتى.

و بعدين احنا ليه نتكلم فى السحب بعد 100؟ ممكن بعد ال200 , انا سمعت انها بتجيب من 200 ل 205 فى اجزاء من الثانية

انا عمرى فى حياتى ما شوفت تحيز كدا لعربية ابدا , مش ممكن , طب اكتبوا تحذير ممنوع انتقاد العربية و لا ذكر اى عيوب فى العربية نهائيا .

ana m3aya octavia a5 men sana we mesh fahem leh el khena2a de kolha ya3ni
el 3rbya el 3eeb el wa7eed ely feeha en matorha da3eef fel batee2 de 7a2ee2a ya3ni
we 12 seconds dool ketir gedan laken 3ady ya3ni fe hagat tnya me7'lyany ba7eb el 3rbya we ansa el mawdo3 da tamaman

مفيش خناقة و لا حاجة ,

ما هو دا اللى انا بقوله من الصبح و هما معترضين!!!!
الموضوع ببساطة انهم مصممين ان العربية موتورها كويس بالعافية , ممنوع اى حد يقول غير كدا!!!
بعدين الكاتالوج مكتوب فيه 14.1 ثانية مش عارف ليه مصممين يجادلونى برده!