الموضوع: حد يعرف الموتور ال tsi هينزل فى الفانتازيا

المشاركة الأصلية كتبت بواسطة ahablass

السلام عليكم

ان بقالى فترة بدور علشان اشترى عربية

و اكتر حاجة عجبتنى و مقتنع بيها هيا الفانتازيا مع التحفظ على موتورها

انا دخلت على الموقع بتاعهم و لقيتها بتنزل بموتور الtsi 1.8

فا كنت عايز اعرف من الخبراء هل فى امل تنزل مصر بالموتور ده بس 1.4 زى الباسات كدا ولا لأ

و شكرا

والله شوف أنا هريح حضرتك..أولا أنا من هواة الجري بالعربية.ومعايا الحمد لله الفانتازيا.

حضرتك بتسمع عن العربيات الياباني أم 120 و 140 حصان,,تمام؟ بس اللي حضرتك لازم تكون عارفه إن العربيات الياباني بيتحسب القدرة الحصانية فيها GROSS H.P يعني بتتقاس والموتور بره العربية.يعني عقبال ما يتسقط في العربية والذي منه.بتصفصف في الآخر من 90 - 110 حصان بالكتير في مختلف السيارات الياباني والكوري.

في الألماني العكس.بيقيسوا القدرة الحصانية NET H.P يعني بيقيسوا قدرة المحرك داخل السيارة بعد تقفيلها.

يعني الفانتازيا بتطلع NET 102 حصان. عند عزم دوران 148.6 نيوتن بالظبط وخد بالك الكلام ده NET CALCULATIONS.

- طيب ده الكلام النظري بالأرقام والحسابات. من الناحية العملية بقي فأنا شخصيا هديك النتايج اللي وصلت ليها بعربيتي.وأكيد زيها زي أي فانتازيا يعني. :

- التسارع من 0-100 معقول بالنسبة لي ( 12 ثانية بالوضع D ) يعني من غير إستخدام الستيبترونك.يعني ممكن يبقي أحسن من كده.

- علي طريق سريع ( طريق بور سعيد ) كان أنا ومعايا 4 في العربية ومشغل التكييف ومش قارص عليها نهائي ووصلت لـ 170 من غير ما أقصد.وطبعا كان لسه فيها كتير ( والدي كسر الـ 200 بيها عشان يفتح موتورها )

أظن إن السرعات دي مرضية جدا علي عربية بالوزن ده و 1600 سي سي 102 حصان (net) وعاوز بس أوضح لحضرتك نقطة...العربية دي متعة القيادة فيها وإنت ماشي بالراحة.لأنها عربية وقورة..ليها وضع وبرستيج علي الطريق.

عمرك شوفت عربية bmw 5 series or 7 series وطايرة من جانبك ( مع شتان الفارق طبعا بين السكودا والبي إم ) بس أقصد أوضح لحضرتك وجهة نظري.

وفي النهاية الباسات 1.4 سي سي سرعتها القصوي 210 والفانتازيا 1.6 سي سي سرعتها القصوي برده 210

ونظرا لثقل وزن الباسات عن الفانتازيا ..التسارع بينهم متقارب الي حد ما.

أنا آسف جدا علي الإطالة و مبروك مقدما.

المشاركة الأصلية كتبت بواسطة som3aa

أنا اعتقد انه ممكن ينزل قريب , هو بينزل اساسا فى السوبرب اللى ب195
بصراحة كمان موتور الفانتازيا ضعيف عليها جدااا نظرا لتقل العربية فعلا عيب عربية زى دى تنزل بموتور كدا , العربية تحسها بتتحرك بالعافية

هو حضرتك معاك العربية,,لو مش معاك طيب جربتها بنفسك؟

علي فكرة دي فانتازيا مش سيات 133 يا باشا.بلاش

تسارع لحد 100 في 12 ثانية وسرعتها القصوي 210 كم وسحب بعد الـ 100 هايل.

إيه بقي هااا إييييه