طيب اسعار المواتير ايه
عرض للطباعة
طيب اسعار المواتير ايه
كالبيدا خصوصا لو اكتر من واحد حصان
الكالبيدا ممتاز فعلا
و الأضمن إنك تشترية من شركة الشرق اللى فى شارع الجمهورية لأنها الوكيل الوحيد لكالبيدا
أنا عندي شقة في الدور الثاني والميه ساعات تيجي وساعات لأ .... جبت سباك قالي ان الناس مركبة مواتير على الخط فلما بيشتغل بيسحب منك.
أيه الموتور المناسب لليا علشان أركبه في الشقة.
وايه موضوع ان حد ممكن يشتكي دي .... ايه اللي ممكن يحصل .... ازي اتفادي الكلام ده بدون موضوع الخط العمومي.
انا ساكن في الدور السابع
ايه رايكم في كالبيدا واحد حصان سحب وضغط ؟...
و فين شركة الشرق ...و فين شارع الجمهورية ده ... انا مش من القاهرة ... حد يفيدني بخصوص الموتور المناسب ليا و عنوان شركة الشرق بالتفصيل لو هيا فعلا افضل مكان اجيبه منها .. و سعره كام تقريبا؟
و شكرا جزيلا ليكم
برجاء الرد عليا في اقرب وقت و ده كمان تليفوني 01069976328 .... وشكرا جزيلا ليكم جميعا
من 3 سنين
جبت كالبيدا وطلع بايظ ( كان ساعتها بيجى متهرب من لبيا ) وكان تمنه 850 تقريبا واحد حصان من غير اى حاجه
وبعد كدا رجعته وجبت صينى واحد حصان مش فاكر اسمه وشغال زى الفل وكان ب 300 او 350 مش فاكر اوى وشغال زى الفل
ولما الميه بتبقى قاطعه بيحب عادى من المواسير
والبلونه والاتوماتيك ب 200ج
والسباك اخد 50ج وشويه مواسير+ كذا محبس وسكس بلف علشان الميه متردش تانى للمواسير ب حوالى 300ج
وعيش يا باشا ولما يبقى يتحرق لقدر الله ب 350ج
السلام عليكم جميعا
ممكن اسال سوال
اشمعنى الكالبيدا غالى اوى و الناس ماسكه فيه ؟
الاجابه :-
1/ تم استيراده من زمان لمنافسه الالمانى و الاوروبى عموما فى السعر
2/الدعايه المهوله اللى حضرتكم بتشوفوها فى كل مكان و بتكون متحمله على سعر الموتور.
3/سياسه الشركه فى منح البائعين التوزيع المعتمد و بالتالى فى كل مكان بتلاقيه
طب هو الكالبيد كماركه وحشه ؟:O_stupid[1]:
كلا البته :verygood:
انها من الماركات الايطالى العاديه و الجيده مقارنا بالبلاوى اللى بتتباع مضروبه فى نجيب الريحانى و الجمهوريه
طب و بعدين ؟
سهله
هناك ماركات ايطالى جيده جدا و بنفس جوده الكالبيد ا
زى ايه
ساير - بنتاكس - برقبه الكل - وانواع اخرى عديده
طب نختار ايه ؟
ا/ نحدد انت عاوز تركب الطلمبه بالشقه - يبقى تحضير ذاتى
2/ عاوز تركب الطلمبه تحت - المنور - بير السلم - يبقى طلمبه رفع راسى
الفرق الثانيه فيها عزم اكثر لدفع المياه للاعلى
طب منين
اسال فى شارع الجمهوريه عند طلمبات الكريم و هتلاقى الطلمبات الايطالى - بدون ذكر الماركات و الاسعار اقل و الضمان سارى
و المفاجاه - الاوتوماتيك اللى عندهم فيه رجلاش لضبط بار الفصل و بسعر قريب من الاوتوماتيك العادى
ده راى الشخصى و انبه الجميع عند تركيب موتور او طلمبه
1/ تركيب فلتر مصمت علشان الحفاظ على الموتور من الرواسب و الاتربه
2/الاطمئنان و التاكد من ان الساقيه الداخليه زهر او نحاس انما الفبر او البلاستيك لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالا
3/حله الساقيه الداخليه نحاس او زهر موش بلاستيك - تعرف بالطرق عليها .
يوجد موضوعين هنا بالمنتدى ارجو التطرق ليهم
شكرا للجميع و ممكن اساعد الزملاء عند الشراء ان طلب ذلك
دمتم بود