انا العربيه دى كانت تانى عربيه امتلكها فى حياتى
كانت موديل 2005 وكنت شريها ب20 الف بالقسط ودفعت 15 وقسط 5 بس هيا كويسه موتور 1400 موتور شاهين العفشه بتاعتها الاماميه ريتمو والخلفيه جولف المار بتعها كان خليط متعرفلوش مكنش حد يعرفها اساسا هيا هاتش بك قطع غيرها كانت موجوده بالتوفيق انما اكسسوراتها شبه منعدمه ليها بردو معايا طرائف
اول يوم جبتها روحت عند الميكانيكى غيرتلها سيور ومش عارف ايه وبعد ما خلصت قولت اخد المدام واخرج بقا نزلت لفيت بيها واخر اليوم روحت عند حماتى خدت قعدتى وقولت اروح دورت العربيه تمام ومشيت الاقى عداد الحراره على اخره روحت واقف الحمد الله لقيت ميكانيكى روحت ندهله شاف العربيه قالى التنبوره بتاعه سير الدينمو مش موجوده ولا سير الدينمو موجود انت ماشى عليها كده ازاى الحمد وفقنالها تنبوره وسير ومشيت بيها ورحت تانى يوم للميكانيكى التانى اديته من المنقى
وبردك الحمد الله كانت دايما تتخبط منى وهيا واقفه لحد ما ربنا كرمنى وبعتها ب24 الف العربيه الوحيده اللى كسبت فى بيعها فلوس
المفضلات