الموضوع: تخبيط في التاكيهات

المشاركة الأصلية كتبت بواسطة samirayad

الحقيقه أنت كده عملتلى قلق من ناحية الزيت نفسه
فهل تاريخ الأنتاج على العبوه سليم والشويه الباقيين فى العبوه
أخبارهم أيه
وهل العبوه الفاضيه عندك ولا رميتها

للاسف نسيت العبوة

بس المهندس محمد التازي قال
صلاحية الزيت في العبوة 5 سنين
وفي الموتور سنتين

بص يا هندسه انا عندي تخيل للي حصل بس مش عارف صح ولا غلط

الزيت ده من خواصه تنظيف المحرك و زيت فيسكو فيه نظافة اضافيه للمحرك زي ما هما بيقولوا

فاللى حصل ان الزيت القديم اللى قعد 7000 كلم نضف الموتور و شال جزء من طبقة الكربون

ولما حطيت الزيت الجديد لسه بقى على ما الطبقة تتكون تاني
مش عارف بقى الكلام ده صح ولا انا بهييس

المشاركة الأصلية كتبت بواسطة samirayad

حلو الكلام

ولما أنت نزلت الزيت اللى قعد 7 آلاف

كان نازل لونه نظيف ( قريب من الجديد )

ولا كان لونه أسود أو بنى قاتم

لأن دى نقطه مهمه جدا فى خصائص أى زيت

نسيت انا النقطة دي

فعلا كان نازل اسود حالك
و الزيت الحالى من يوم ما حطيته يوم 1/7 و حتى اليوم 6/7 لونه زي ما هوه بالظبط ماتغيرش

المشاركة الأصلية كتبت بواسطة samirayad

يبقى الزيت ده مظلوم فى القصه دى

ومن الوارد يكون تفسيرك سليم

على أساس أن الفيسكو كنس كل البلاوى والشوائب اللى فى دورة التزييت

وفيه شويه شوائب معاكسه عمل الكستبانات شويه

فالصبر مطلوب حاليا

مع أستمرارك على نفس الزيت

من أجل التنظيف لأى عوالق وشوائب بمنطقة التاكيهات

وأبقى نزل الزيت ده بدرى هو كمان

علشان تحط غيره جديد

من أجل أستمرار عملية التنظيف للمنطقه العلويه ( التاكيهات )

طيب هل فيه طريقة تانيه للتظيف يعني ممكن افك التاكيهات و اطلع عامودين الكامات و انضفهم
ولا اصبر
بصراحة انا مش عايز اغير الزيت ده ولو حكمت يعني هاحط الفيسكو برده بس ال 5000