وليه لااقتباس:
هل الشركات دى حرامية مثلا ؟؟؟؟
فتلك شيمة الشركات المشهوره بشكل عام
التدرج فى رفع السعر من أجل زيادة التربح
وجنيه على جنيه ..........بيلم كتير
عرض للطباعة
وليه لااقتباس:
هل الشركات دى حرامية مثلا ؟؟؟؟
فتلك شيمة الشركات المشهوره بشكل عام
التدرج فى رفع السعر من أجل زيادة التربح
وجنيه على جنيه ..........بيلم كتير
و الله يا هندسة مش عارف بس برضو شركة bb المنتجة لزيت فيسكو مش صغيرة
و بالبلدى كده محدش عبيط فى الزمن ده عشان يبيع اغلى من السعر و يطلع له منافس بسعر ارخص و بنفس الجوده و ياخد السوق منه
و فى نفس الوقت محدش عبيط بحيس انه يعمل زيت و يبيعه و يكون خسران فيه
انا مش عندى اعتراض على الزيت او الشركة المنتجة بس انا استشفيت كده من الكلام و من الفرق الملحوظ فى السعر
أنا جربت زيت فيسكو 2000
وشغال عندى فى العربيه حاليا
ومفيش فرق واضح بينه وبين موبيل xhp ( بالعكس .........النتيجه فى صالح فيسكو )
فلاحظ أن فيسكو ....بتعتبر وليد فى عالم الزيوت ولازم تعمل كده
أى الأكتفاء بالربح القليل ..........من أجل الأنتشار تجاريا
وده من حظ المستهلك فعلا
كثرة منتجى الزيوت ...........مما يؤدى الى عدم صعود الأسعار ولهيبها
____________________
بالمناسبه هناك مثل شعبى بيقول أيه
أذا أختلفت الحماره ...........فده من بخت الركيبه
وهنا الحماره ........بتوع الزيوت
ونحن الركيبه
=
بشمهندس /سمير
عربيتى لادا 2107 لسنة 2007 عامله 96الف كيلو وبستخدم شيل الاصفر وبنزله قبل ما يكمل ال3000
لو غيرت ل فيسكو 2000
ومفروض انه بيعمل غسيل للموتور ولدورة الزيت
ده تاثيره ممكن يكون على الموتور خصوصا انى الموتور تكنولوجيا هو نفسه بتاع الثمانينيات ويمكن قبل كده كمان
فرأى حضرتك أيه
؟؟؟
من رأيى جربه
مش حتخسر حاجه
وأن شاء الله تتبسط منه
وغيره أول مره على 5 آلاف مع متابعته كل ألف أو 500 كم بكتيره
لدراسة أى تغييرات عليه من ناحية اللون واللزوجه
ياجماعة انا تابعة الموضوع من اوله وانا عندى نفس المشكلة فى النوبيرا بس بروح وتجى ذى الشعره بتاعة اسماعيل يس المهم الى انا عايز اعرفه ايه هو الفلاش اللى المفروض بيتعمل مع تغيير الزيت هى يتم وضعة على الزيت القديم لفترة قبل تغييره ولا بيتحط بعد تنزيل الزيت القديم ولا مع الزيت الجديد ويتجاب مننين وبكام .... الف شكر
الفلش ده زي غسيل للمكنه
بيتحط على الزيت القديم قبل ماينزل و تدور العربيه حوالي 3 دقائق على السلانسيه من غير ماتتحرك بالعربيه
وبعدين تنزل الزيت وتغير الفلتر و تحط الزيت الجديد
وممكن تعمل حاجة كمان بعد ماتنزل الفلش بالزيت القديم
تحط زيت تاني وبعدين تنزله هوه كمان و بعدين تحط الزيت الجديد
السلام عليكم
انا حطيت فيسكو 2000 ومشيت بيه حوالى 3000كم وبعد كده نزلته وحطيت الـ 3000 وملاحظ حاجة غريبة ان صوت الموتور بقى عالى شوية وكمان بسمع الصوت رفيع مش عارف اوصلكم الصوت بالظبط ، يعنى مش صوت حشرجة ولا خبط لاء صوت كده غريب ،
ياترى هل ده بسبب الزيت ولا ممكن يكون من السيور ولما صوت الموتور اتعدل بعد ما حطيتله الزيت بان صوت باقى السيور
انتم ليه تعاملتم مع المشكله الثانيه وغفلتم الرد على الاولى
صوت التاكيهات
بصراحة انا بقرا الموضوع دة و محتار زى صاحب العربية و ياريت نوصل لحل فعلا فى المشكلة دى
و ربنا يعين صاحب العربية و يوصل لاصل العيب و يقولنا وصل لايه
[QUOTE=M.Zaher;3873045512]ياتري الصوت اللى عندك ده زي صوت تكتكه مثلا وبيروح لما تزود بنزين؟؟
لاء مش من التكهات هو زى صوت التنفيس كده ، يعنى حاجة بتنفس
السلام عليكم يا اهل المنتدى ... ممكن اشترك لان عندى نفس المشكلة تقربيا
انا عربيتى لانوس 1 موديل 1999 اتوماتيك - عاملة 129000 كم اول امبارح لفيت بيها كتير فى القاهرة الزحمة و الاشارات الصعبة بتاعت القاهرة و عملت حوالى 130 كم و كانت العربية فايقة و زى الفل و سحبها و صوت موتورها 100% رجعت البيت و ركنت فى الجراج و الصبح تانى يوم بدور لاقيت دخنه بيضا طالعة من الشكمان و كل لما ازود يطلع برده دخان ابيض و ده طبعا بعد ما سبيت العربية تسخن الاول . المهم رحت للميكانيكى بتاعى و شاف و بعدين قالى ده يا كوتش صباب او سنبر حنفتح الموتور و نشوف ( مع العلم انى كان فيه موضوع فى المنتدى كنت بشتكى منه من نقص الزيت بتاع الموتور ) المهم فتح و وقالى ده طقم شنمبر و الحمد لله الشميز كويس
المهم عمل طقم الشنبر و عمل رودية للصبابات و دور العربية و انا واقف بس اول ما دارت لقيت صوت تخبيط طالع من التكيهات فسئلته ايه الصوت ده
قالى ده من التكيهات سبها شويه لغاية ما تليين و تاخد و تديى مع الزيت و الصوت حيروح ( على فكره هو حط زيت التعاون و انا كنت حاطط فى العربية زيت فيسكو 3000 قبل موضوع العمره )....المهم سبت العربية عنده تحرق صفيحة بنزين على الارض علشان التليين على امل ان الصوت يروح .. المهم استلمت العربية و لاقيت ان كل لما ادوس بنزين الصوت يزيد (زى مكنه الرى بتاعت زمان ) و طبعا مش عارف اقرص على المكنه و انا ماشى علشان موضوع التليين بعد العمره ( على فكرة هو قالى امش 1000 كم على سرعة ما تزيدش عن 60كم / ساعة ) النهاردة العربية عملت 200 كم و لغاية دلوقتى صوت التخبيط اللى طالع من التكيهات عالى حدا جدا عاملة زى مكينة الرى
حد يكسب فيا ثواب و يقولى اعمل ايه .... و اسف للاطالة
غير نوعية الزيت ونوعية الميكانيكى وجرباقتباس:
( على فكره هو حط زيت التعاون و انا كنت حاطط فى العربية زيت فيسكو 3000 قبل موضوع العمره )
باذن الله حرفعلكم الصوت بكره بس حضرتكم قولتم استنى لما انزل الزيت و المفروض ينزل بعد 800 كم على اساس انى عملت 200 كم من 1000 كم بتوع العمره اللى قالى عليهم .... يا جماعة الصوت مزعج حتى للماشى فى الشارع.... و بعدين هو طقم السنبر ياخد 1000 كم تليين ...... و لكم 1000 شكر
لو الصوت مزعج بالصورة دي والسبب التاكيهات يبقي خلي بالك لأن كدا هاتاكل الكامشافت وممكن أضرار أكتر ............للصبابات (تتعوج)
الصوت زي ده كده!
YouTube - Audi engine problems Ticking noise valve cover off 2
ياساتر ايه الاصوات دي الحمد لله الصوت عندي اهدى من كده بكتير
بس انا عندي الصوت بيكون على السلانسية و لحد 1500 ار بي ام وبعد كده بيتخفي تماما
الحمد لله .....زالأصوات دي علي فكرة المايك مزودها شوية برده...........ودايما بعد العمرات بيحصل الصوت ده في المعظم بسبب جفاف الزيت داخل الكستبانات خلا ل الأنتظار لتجميع الموتور........والفلاش بيجيب نتيجة في حالات كتيرة........لو ماجابش نتيجة بتتفك الكستبانات(البلوف) وتتنظف وكل حاجة بترجع زي الفل والكلام طبعا عن تجربة أكتر من مرة وشغل أيدي كمان.
العفو ياباشا........أنا شايف تكمل فترة تلين الموتور عادي جدا وبعدين لما تنوي علي تبديل الزيت أن شاء الله تجيب علبة engine flush وتضيفها علي الزيت القديم قبل ماتنزله وأنت واقف في المحطة وتسيبوه والمكنة دايرة علي الأيدل(السلانسيه) حوالي 5 دقائق وبعدين تنزل الزيت وتحط الجديد ......راح الصوت خير وبركة مارحش يبقي لازم تتفك الكستبانات وتتنظف.....تحياتي
الف شكر با فندم ..و ربنا يخليك للمنتدى
بس ممكن سؤال تانى هو طبيعى ان فتره التليين لعمره الشنبر تبقى 1000 كم هو ده مش كتير ؟ و ياريت حضرتك تفيدنى على طريقة التليين الصحيحة
و لك وافر التحية و الشكر
العفو لاشكر علي واجب......الله يخليك
شوف كده اللينكين دول
http://www.nilemotors.net/Nile/156373-a.html
http://www.nilemotors.net/Nile/78241...CA%E1%ED%ED%E4
مليون شكر يا فندم جمايلك مغرقنا
يبقى كده اللى فهمتة انى امشى عادى بس تدريجى بلاش قرص على المكنة بس هى المشكلة انى شوفت فى اللينك انى احوال اغير على rmb اعلى بشكل تدريجى و انا العربية عندى اتوماتيك مش حقدر اتحكم فى الموضوع ده
معلش انا الاسئلة بتاعتى كتيره بس انا مسافر على الطريق الزراعى ان شاء الله النهارده و مش عارف اعمل ايه
على فكرة العربية عملت 200 كم من ساعت ما استلمتها من الميكانيكى ( 100 طريق طوالى كان الاسماعلية و 100 جوه البلد فى الزحمة ) و برده انا حرقت صفيحة بنزين و العربية واقفة على الارض بدون حركة
و لكم فائق الاحترام و التحيه
العفو.......بالنسبة للمسافة أعتقد 800 كيلو مسافة ممتازة للتلين ............بالنسبة للأر بي أم تقدر تتحكم بيه بنقلة الفتيس الأتوماتيك بأيدك 1 -2-3
اتمني تكون الصورة وضحت.......تحياتي
وشوف اللينك ده برده
how many miles does it take to break in rebuilt engine? - Honda-Tech
معلش ماخدتش بالي من نقطة أنك عامل شنبر بس مش عامرة كاملة كده رأي تغير الزيت والفلتر مع عمل موضوع الفلش وأنسي موضوع التليين أنت كده في السليم وده أقتباس مشاركة من الموضوع الخاص بالتليين ونقاشي مع محمد ممدوح
http://www.nilemotors.net/Nile/78241-a.html
النهارده عملت الشغل ده
غيرت و ش التاكيهات لان القديم كان فيه شرخ و ركب جوان تاكيهات من اللى ب 45 جنيه
و عملت فلش
و حطيت زيت فيسكو 2000
النتيجة الصوت بقى اهدى من الاول بكتير بس لسه موجود بس بصوره بسيطة ناوي بقى اتعايش معاه كده لحد مايوترني اكتر و اضطر اغير البلوف او انضفها لاني بصراحه حسيت انها هاتاخد وقت كتير اوي النهارده
بس فيه ملاحظة غريبه
ده شكل المكنه بعد ماشلت غطا التاكيهات
http://img641.imageshack.us/img641/4237/20100927020.jpg
http://img841.imageshack.us/img841/3264/20100927019.jpg
هل السواد الشديد ده طبيعي
السواد ده مش طبيعي طبعا أنت بتغير الزيت بأنتظام!
بغير الزيت بانتظام
ده حتى الزيت اللى كان في العربيه و نزلته كان فيسكو 2000 اللى مفروض بيقعد لحد 10000
نزلته انا و مكملش 3000 اصلا
هل ده ممكن يكون بسبب شنبر مفوت مثلا
بيخلي الكربون ده يطلع على منطقة التاكيهات
أنا رايح دماغي لحاجة تانية .........ضغط طرمبة الزيت يكون مش مظبوط
3 ثواني كتير متهيألي ولو هي أكيد هاتعمل صوت تكتكة