افضل سيارة مستعملة في حدود 40000

**arakysolom** · 06-07-2010 03:17 PM

السلام عليكم
اريد معرفة افضل سيارة مستعمله في حدود من 40 الف جنيه هل هي
رينو كليو - بولو - فيليشيا - ابيزا - سيينا - تويوتا عيون - كرستاله - سيتروين c3 - بيجو 405 - 206 كورسا سيدان - جولييت- اكسنت - اكسيل فولفو 460 مع ذكر السبب
و جزاكم الله خيرا

**fouady** · 06-07-2010 05:38 PM

وفيه فية بونتو برضو

**elgazzar2** · 06-07-2010 10:30 PM

انا معايا ميجان 2 ومن تعاملي مع رينو باقولك ابعد عن الكليو , صغيرة و بيظهر فيها مشاكل كتير و حلها عند التوكيل وبس , الميزة اللي فيها انها امنة و توكيلها محترم , و انا متخيل انك ممكن تلاقي الميز دي في حاجات تانية

**elgazzar2** · 06-07-2010 10:30 PM

انا قصدي بصغيرة : ضيقة من جوه

**zahaan** · 07-07-2010 08:10 AM

انا راى من الجولييت او الانوس وده مش علشان هى احسن عربيه فى خياراتك و لكن فى حاجات كتير ترشحها مثلا زى سعر اعاده البيع تانى مش حتخسر فيها لو جيت تبيعها وان كمان ده عربيه مستعمله يعنى اكيد حيظهر فيها مشاكل و حتلاقى قطع غيارها عند البقال و الكل بيفهم فيها و مش حتدوخ بيها وكمان علشان بالسعر ده حتقدر تجيب حاجه حالتها نضيفه الى حد ما

**arakysolom** · 07-07-2010 08:36 AM

المشاركة الأصلية كتبت بواسطة elgazzar2

انا معايا ميجان 2 ومن تعاملي مع رينو باقولك ابعد عن الكليو , صغيرة و بيظهر فيها مشاكل كتير و حلها عند التوكيل وبس , الميزة اللي فيها انها امنة و توكيلها محترم , و انا متخيل انك ممكن تلاقي الميز دي في حاجات تانية

السلام عليكم
متشكر جدا لرد حضرتك انا كان امامي كليو 2003 هاف بيتي بيتكلم في 42000 طبعا انا عارف سمعة الرينو في اعادة البيع و قطع الغيار و عشان كده قلت استشير حضراتكو السوق بيقول خليك في اللانوس وعشان تلاقي لانوس محترمة متكونش طالع بوزها في التأجير صعب جدا و ايضا مفيهاش عوامل امان زي الاوروبي
هل لو الكليو حالتها كويسة اتوكل علي الله فيها و لا ابعد خالص و شكرا مرة اخري

**M.ABDEEN** · 07-07-2010 08:39 AM

رينو كليو او جوليت او فيات سيينا

**arakysolom** · 07-07-2010 08:40 AM

لو حد يا جماعة عنده سيارة من الفئات السابق ذكرها للبيع يتفضل لأني بثق في اعضاء المنتدي

**etsh1413202** · 07-07-2010 11:20 AM

افضل عربيه من الى انت ذكرتهم هي الكريستالة و بعدها الكليو ...... العربيتين بصراحه ممتازين وبعدهم طبعا الجوليت وسيبك من السيينا والستروين الكلام ده ..... ولو بتفكر في اوبل معايا واحده فكترا 95 فابريكة بره وجوه كاملة اوتوماتيك عارضها للبيع

وربنا يوفقك في الاختيار

**arakysolom** · 07-07-2010 03:10 PM

المشاركة الأصلية كتبت بواسطة etsh1413202

افضل عربيه من الى انت ذكرتهم هي الكريستالة و بعدها الكليو ...... العربيتين بصراحه ممتازين وبعدهم طبعا الجوليت وسيبك من السيينا والستروين الكلام ده ..... ولو بتفكر في اوبل معايا واحده فكترا 95 فابريكة بره وجوه كاملة اوتوماتيك عارضها للبيع

وربنا يوفقك في الاختيار

باشا طيب هي 1600 و المطلوب كام